[984] Saddahasi tvaṁ sārīputta saddhindriyaṁ bhāvitaṁ bahulīkataṁ
amatogadhaṁ hoti amataparāyanaṁ amatapariyosānaṁ .pe. Paññindriyaṁ
bhāvitaṁ bahulīkataṁ amatogadhaṁ hoti amataparāyanaṁ amatapariyosānanti.

[985] Na khvāhaṁ bhante ettha bhagavato saddhāya gacchāmi
saddhindriyaṁ .pe. Paññindriyaṁ bhāvitaṁ bahulīkataṁ amatogadhaṁ hoti
amataparāyanaṁ amatapariyosānaṁ. Yesañhi 1 taṁ bhante aññātaṁ [2]-
adiṭṭhaṁ aviditaṁ asacchikataṁ apassitaṁ 3 paññāya te tattha paresaṁ
saddhāya gaccheyyuṁ saddhindriyaṁ .pe. Paññindriyaṁ bhāvitaṁ bahulīkataṁ
amatogadhaṁ hoti amataparāyanaṁ amatapariyosānaṁ. Yesañca kho
etaṁ bhante ñātaṁ diṭṭhaṁ viditaṁ sacchikataṁ passitaṁ paññāya nikkaṅkhā
te tattha nibbicikicchā saddhindriyaṁ .pe. Paññindriyaṁ bhāvitaṁ
bahulīkataṁ amatogadhaṁ hoti amataparāyanaṁ amatapariyosānaṁ. Mayhañca
kho etaṁ bhante ñātaṁ diṭṭhaṁ viditaṁ sacchikataṁ passitaṁ paññāya
1 Ma. yesaṁ hetaṁ. 2 Ma. Yu. assa. 3 Po. Yu. aphussitaṁ. Ma. aphassitaṁ.
evamupari.
Nikkaṅkhvāhaṁ 1 tattha nibbicikiccho saddhindriyaṁ .pe. Paññindriyaṁ
bhāvitaṁ bahulīkataṁ amatogadhaṁ hoti amataparāyanaṁ amatapariyosānanti.

[986] Sādhu sādhu sārīputta yesañhi taṁ sārīputta aññātaṁ
adiṭṭhaṁ aviditaṁ asacchikataṁ apassitaṁ paññāya te tattha paresaṁ
saddhāya gaccheyyuṁ saddhindriyaṁ bhāvitaṁ bahulīkataṁ amatogadhaṁ hoti
amataparāyanaṁ amatapariyosānaṁ .pe. Paññindriyaṁ bhāvitaṁ bahulīkataṁ
amatogadhaṁ hoti amataparāyanaṁ amatapariyosānaṁ. Yesañca kho etaṁ
sārīputta ñātaṁ diṭṭhaṁ viditaṁ sacchikataṁ passitaṁ paññāya nikkaṅkhā
te tattha nibbicikicchā saddhindriyaṁ bhāvitaṁ bahulīkataṁ amatogadhaṁ
hoti amataparāyanaṁ amatapariyosānaṁ .pe. Paññindriyaṁ bhāvitaṁ
bahulīkataṁ amatogadhaṁ hoti amataparāyanaṁ amatapariyosānanti.

[987] Evamme sutaṁ ekaṁ samayaṁ bhagavā sāvatthiyaṁ viharati pubbārāme
rāme migāramātupāsāde. Tatra kho bhagavā bhikkhū āmantesi katinaṁ
nu kho bhikkhave indriyānaṁ bhāvitattā bahulīkatattā khīṇāsavo bhikkhu
aññaṁ byākaroti khīṇā jāti vusitaṁ brahmacariyaṁ kataṁ karaṇīyaṁ
nāparaṁ itthattāyāti pajānāmīti. Bhagavaṁmūlakā no bhante dhammā .pe.

[988] Ekassa kho bhikkhave indriyassa bhāvitattā bahulīkatattā
khīṇāsavo bhikkhu aññaṁ byākaroti khīṇā jāti vusitaṁ brahmacariyaṁ
kataṁ karaṇīyaṁ nāparaṁ itthattāyāti pajānāmīti. Katamassa
ekassa. Paññindriyassa 2 .
1 Yu. nikkaṅkhāhaṁ. 2 Yu. indriyassa.

[989] Paññavato bhikkhave ariyasāvakassa tadanvayā saddhā
saṇṭhāti tadanvayaṁ viriyaṁ saṇṭhāti tadanvayā sati saṇṭhāti
tadanvayo samādhi saṇṭhāti.

[990] Imassa kho bhikkhave ekassa indriyassa bhāvitattā
bahulīkatattā khīṇāsavo bhikkhu aññaṁ byākaroti khīṇā jāti
vusitaṁ brahmacariyaṁ kataṁ karaṇīyaṁ nāparaṁ itthattāyāti pajānāmīti.

[991] Taṁyeva nidānaṁ. Katinaṁ nu kho bhikkhave indriyānaṁ
bhāvitattā bahulīkatattā khīṇāsavo bhikkhu aññaṁ byākaroti khīṇā
jāti vusitaṁ brahmacariyaṁ kataṁ karaṇīyaṁ nāparaṁ itthattāyāti
pajānāmīti. Bhagavaṁmūlakā no bhante dhammā .pe.

[992] Dvinnaṁ kho bhikkhave indriyānaṁ bhāvitattā bahulīkatattā
khīṇāsavo bhikkhu aññaṁ byākaroti khīṇā jāti vusitaṁ brahmacariyaṁ
kataṁ karaṇīyaṁ nāparaṁ itthattāyāti pajānāmīti.

[993] Katamesaṁ dvinnaṁ. Ariyāya ca paññāya ariyāya ca
vimuttiyā. Yā hissa bhikkhave ariyā paññā tadassa paññindriyaṁ.
Yā hissa bhikkhave ariyā vimutti tadassa samādhindriyaṁ.