[974] Seyyathāpi bhikkhave kūṭāgāraṁ 3 vā kūṭāgārasālā vā
uttarāya 4 vā pācīnāya 5 vā vātapānā suriye uggacchante
vātapānena rasmiyo pavisitvā kāya patiṭṭhitāti. Pacchimāyaṁ bhante
bhittiyanti. Evameva kho bhikkhave uṇṇābhassa brāhmaṇassa tathāgate
1 Po. Ma. va. 2 Po. panasaddo natthi.
3 Ma. Yu. kūṭāgāre vā kūṭāgārasālāyaṁ vā.
4 Ma. Yu. ayaṁ pāṭho natthi. 5 Ma. Yu. pācīnavātapānā.
Saddhā niviṭṭhā mūlajātā patiṭṭhitā daḷhā asaṁhāriyā samaṇena
vā brāhmaṇena vā devena vā mārena vā brahmunā vā kenaci
vā lokasmiṁ. Imamhi ce bhikkhave samaye uṇṇābho brāhmaṇo
kālaṁ kareyya natthi taṁ 1 saññojanaṁ yena saññojanena saññutto
uṇṇābho brāhmaṇo puna imaṁ lokaṁ āgaccheyyāti.

[975] Evamme sutaṁ ekaṁ samayaṁ bhagavā sākete viharati
añjanavane migadāye. Tatra kho bhagavā bhikkhū āmantesi atthi
nu kho bhikkhave pariyāyo yaṁ pariyāyaṁ āgamma yāni pañcindriyāni
tāni pañca balāni honti yāni pañca balāni tāni pañcindriyāni
hontīti. Bhagavaṁmūlakā no bhante dhammā bhagavaṁnettikā
bhagavaṁpaṭisaraṇā sādhu vata bhante bhagavantaṁyeva paṭibhātu etassa
bhāsitassa attho bhagavato sutvā bhikkhū dhāressantīti .pe.

[976] Atthi bhikkhave pariyāyo yaṁ pariyāyaṁ āgamma yāni
pañcindriyāni tāni pañca balāni honti yāni pañca balāni
tāni pañcindriyāni honti. Katamo ca bhikkhave pariyāyo yaṁ
pariyāyaṁ āgamma yāni pañcindriyāni tāni pañca balāni honti
yāni pañca balāni tāni pañcindriyāni honti.

[977] Yaṁ bhikkhave saddhindriyaṁ taṁ saddhābalaṁ yaṁ saddhābalaṁ taṁ
saddhindriyaṁ yaṁ viriyindriyaṁ taṁ viriyabalaṁ yaṁ viriyabalaṁ taṁ viriyindriyaṁ
yaṁ satindriyaṁ taṁ satabalaṁ yaṁ satibalaṁ taṁ satindriyaṁ yaṁ samādhindriyaṁ
1 Po. Ma. ayaṁ pāṭho natthi.
Taṁ samādhibalaṁ yaṁ samādhibalaṁ taṁ samādhindriyaṁ yaṁ paññindriyaṁ taṁ
paññābalaṁ yaṁ paññābalaṁ taṁ paññindriyaṁ.

[978] Seyyathāpi bhikkhave nadī pācīnaninnā pācīnapoṇā pācīnapabbhārā
tassā majjhe dīpo. Atthi bhikkhave pariyāyo yaṁ
pariyāyaṁ āgamma tassā nadiyā eko sototveva saṅkhaṁ 1 gacchati.
Atthi pana bhikkhave pariyāyo yaṁ pariyāyaṁ āgamma tassā nadiyā
dve sotānitveva saṅkhaṁ gacchati.

[979] Katamo ca bhikkhave pariyāyo yaṁ pariyāyaṁ āgamma
tassā nadiyā eko sototveva saṅkhaṁ gacchati. Yañca bhikkhave
tassa dīpassa puratthimante 2 udakaṁ yañca pacchimante udakaṁ. Ayaṁ
kho bhikkhave pariyāyo yaṁ pariyāyaṁ āgamma tassā nadiyā eko
sototveva saṅkhaṁ gacchati.

[980] Katamo ca bhikkhave pariyāyo yaṁ pariyāyaṁ āgamma
tassā nadiyā dve sotānitveva saṅkhaṁ gacchanti. Yañca bhikkhave
tassa dīpassa uttarante udakaṁ yañca dakkhiṇante udakaṁ. Ayaṁ
kho bhikkhave pariyāyo yaṁ pariyāyaṁ āgamma tassā nadiyā dve
sotānitveva saṅkhaṁ gacchanti.

[981] Evameva kho bhikkhave yaṁ saddhindriyaṁ taṁ saddhābalaṁ yaṁ
saddhābalaṁ taṁ saddhindriyaṁ yaṁ viriyindriyaṁ taṁ viriyabalaṁ yaṁ viriyabalaṁ
taṁ viriyindriyaṁ yaṁ satindriyaṁ taṁ satibalaṁ yaṁ satibalaṁ taṁ satindriyaṁ
1 Ma. Yu. sabbattha saṅkhayaṁ. 2 Ma. purimante.
Yaṁ samādhindriyaṁ taṁ samādhibalaṁ yaṁ samādhibalaṁ taṁ samādhindriyaṁ yaṁ
paññindriyaṁ taṁ paññābalaṁ yaṁ paññābalaṁ taṁ paññindriyaṁ.

[982] Pañcannaṁ bhikkhave indriyānaṁ bhāvitattā bahulīkatattā
bhikkhu āsavānaṁ khayā anāsavañcetovimuttiṁ paññāvimuttiṁ diṭṭheva
dhamme sayaṁ abhiññā sacchikatvā upasampajja viharatīti.

[983] Evamme sutaṁ ekaṁ samayaṁ bhagavā sāvatthiyaṁ viharati
pubbakoṭṭhake. Tatra kho bhagavā āyasmantaṁ sārīputtaṁ āmantesi