pali

Suttantapiṭake saṁyuttanikāyassa pañcamo bhāgo (เล่ม 19)

[924] Ye ca kho keci bhikkhave samaṇā vā brāhmaṇā vā
sukhindriyaṁ pajānanti sukhindriyasamudayaṁ pajānanti sukhindriyanirodhaṁ
pajānanti sukhindriyanirodhagāminīpaṭipadaṁ pajānanti dukkhindriyaṁ
pajānanti. Somanassindriyaṁ pajānanti. Domanassindriyaṁ pajānanti.
Upekkhindriyaṁ pajānanti upekkhindriyasamudayaṁ pajānanti upekkhindriyanirodhaṁ
pajānanti upekkhindriyanirodhagāminīpaṭipadaṁ pajānanti.
Te ca khome bhikkhave samaṇā vā brāhmaṇā vā samaṇesu ceva
samaṇasammatā brāhmaṇesu ca brāhmaṇasammatā te ca panāyasmanto
sāmaññatthañca brāhmaññatthañca diṭṭheva dhamme sayaṁ
abhiññā sacchikatvā upasampajja viharantīti.

Suttantapiṭake saṁyuttanikāyassa pañcamo bhāgo (เล่ม 19)

[925] Pañcimāni bhikkhave indriyāni. Katamāni pañca.
Sukhindriyaṁ dukkhindriyaṁ somanassindriyaṁ domanassindriyaṁ
upekkhindriyaṁ.

Suttantapiṭake saṁyuttanikāyassa pañcamo bhāgo (เล่ม 19)

[926] Katamañca bhikkhave sukhindriyaṁ. Yaṁ kho bhikkhave kāyikaṁ
Sukhaṁ kāyikaṁ sātaṁ kāyasamphassajaṁ sukhaṁ sātaṁ vedayitaṁ. Idaṁ vuccati
bhikkhave sukhindriyaṁ.

Suttantapiṭake saṁyuttanikāyassa pañcamo bhāgo (เล่ม 19)

[927] Katamañca bhikkhave dukkhindriyaṁ. Yaṁ kho bhikkhave kāyikaṁ
dukkhaṁ kāyikaṁ asātaṁ kāyasamphassajaṁ dukkhaṁ asātaṁ vedayitaṁ. Idaṁ
vuccati bhikkhave dukkhindriyaṁ.

Suttantapiṭake saṁyuttanikāyassa pañcamo bhāgo (เล่ม 19)

[928] Katamañca bhikkhave somanassindriyaṁ. Yaṁ kho bhikkhave
cetasikaṁ sukhaṁ cetasikaṁ sātaṁ manosamphassajaṁ sukhaṁ sātaṁ vedayitaṁ.
Idaṁ vuccati bhikkhave somanassindriyaṁ.

Suttantapiṭake saṁyuttanikāyassa pañcamo bhāgo (เล่ม 19)

[929] Katamañca bhikkhave domanassindriyaṁ. Yaṁ kho bhikkhave
cetasikaṁ dukkhaṁ cetasikaṁ asātaṁ manosamphassajaṁ dukkhaṁ asātaṁ vedayitaṁ.
Idaṁ vuccati bhikkhave domanassindriyaṁ.

Suttantapiṭake saṁyuttanikāyassa pañcamo bhāgo (เล่ม 19)

[930] Katamañca bhikkhave upekkhindriyaṁ. Yaṁ kho bhikkhave
kāyikaṁ vā cetasikaṁ vā nevasātaṁnāsātaṁ vedayitaṁ. Idaṁ vuccati
bhikkhave upekkhindriyaṁ. Imāni kho bhikkhave pañcindriyānīti.

Suttantapiṭake saṁyuttanikāyassa pañcamo bhāgo (เล่ม 19)

[931] Pañcimāni bhikkhave indriyāni. Katamāni pañca. Sukhindriyaṁ
dukkhindriyaṁ somanassindriyaṁ domanassindriyaṁ upekkhindriyaṁ.

Suttantapiṭake saṁyuttanikāyassa pañcamo bhāgo (เล่ม 19)

[932] Katamañca bhikkhave sukhindriyaṁ. Yaṁ kho bhikkhave kāyikaṁ
sukhaṁ kāyikaṁ sātaṁ kāyasamphassajaṁ sukhaṁ sātaṁ vedayitaṁ. Idaṁ vuccati
bhikkhave sukhindriyaṁ.

Suttantapiṭake saṁyuttanikāyassa pañcamo bhāgo (เล่ม 19)

[933] Katamañca bhikkhave dukkhindriyaṁ. Yaṁ kho bhikkhave kāyikaṁ
Dukkhaṁ kāyikaṁ asātaṁ kāyasamphassajaṁ dukkhaṁ asātaṁ vedayitaṁ. Idaṁ
vuccati bhikkhave dukkhindriyaṁ.