[904] Chayimāni bhikkhave indriyāni. Katamāni cha. Cakkhundriyaṁ
sotindriyaṁ ghānindriyaṁ jivhindriyaṁ kāyindriyaṁ manindriyaṁ.

[905] Yato kho bhikkhave bhikkhu imesaṁ channaṁ indriyānaṁ samudayañca
atthaṅgamañca assādañca ādīnavañca nissaraṇañca yathābhūtaṁ viditvā
anupādā vimutto hoti. Ayaṁ vuccati bhikkhave bhikkhu arahaṁ
khīṇāsavo vusitavā katakaraṇīyo ohitabhāro anuppattasadattho
parikkhīṇabhavasaññojano sammadaññāvimuttoti.

[906] Chayimāni bhikkhave indriyāni. Katamāni cha. Cakkhundriyaṁ
sotindriyaṁ ghānindriyaṁ jivhindriyaṁ kāyindriyaṁ manindriyaṁ.

[907] Yāvakīvañcāhaṁ bhikkhave imesaṁ channaṁ indriyānaṁ samudayañca
atthaṅgamañca assādañca ādīnavañca nissaraṇañca yathābhūtaṁ na
abbhaññāsiṁ. Neva tāvāhaṁ bhikkhave sadevake loke samārake
sabrahmake sassamaṇabrāhmaṇiyā pajāya sadevamanussāya anuttaraṁ
sammāsambodhiṁ abhisambuddho paccaññāsiṁ.

[908] Yato ca khvāhaṁ bhikkhave imesaṁ channaṁ indriyānaṁ samudayañca
atthaṅgamañca assādañca ādīnavañca nissaraṇañca yathābhūtaṁ abbhaññāsiṁ.
Athāhaṁ bhikkhave sadevake loke samārake sabrahmake
sassamaṇabrāhmaṇiyā pajāya sadevamanussāya anuttaraṁ sammāsambodhiṁ
Abhisambuddho paccaññāsiṁ. Ñāṇañca pana me dassanaṁ udapādi
akuppā me vimutti ayamantimā jāti natthidāni punabbhavoti.

[909] Chayimāni bhikkhave indriyāni. Katamāni cha.
Cakkhundriyaṁ sotindriyaṁ ghānindriyaṁ jivhindriyaṁ kāyindriyaṁ
manindriyaṁ.

[910] Ye hi 1 keci bhikkhave samaṇā vā brāhmaṇā vā imesaṁ
channaṁ indriyānaṁ samudayañca atthaṅgamañca assādañca ādīnavañca
nissaraṇañca yathābhūtaṁ nappajānanti. Name te bhikkhave samaṇā
vā brāhmaṇā vā samaṇesu vā samaṇasammatā brāhmaṇesu vā
brāhmaṇasammatā na ca panete āyasmanto sāmaññatthaṁ vā
brāhmaññatthaṁ vā diṭṭheva dhamme sayaṁ abhiññā sacchikatvā
upasampajja viharanti.

[911] Ye hi 2 keci bhikkhave samaṇā vā brāhmaṇā vā imesaṁ
channaṁ indriyānaṁ samudayañca atthaṅgamañca assādañca ādīnavañca
nissaraṇañca yathābhūtaṁ pajānanti. Te khome bhikkhave samaṇā
vā brāhmaṇā vā samaṇesu ceva samaṇasammatā brāhmaṇesu
ca brāhmaṇasammatā te ca panāyasmanto sāmaññatthañca
brāhmaññatthañca diṭṭheva dhamme sayaṁ abhiññā sacchikatvā
upasampajja viharantīti.

[912] Ye hi keci bhikkhave samaṇā vā brāhmaṇā vā
cakkhundriyaṁ nappajānanti cakkhundriyasamudayaṁ nappajānanti cakkhundriyanirodhaṁ
1 Po. hisaddo natthi. 2 Po. Ma. ye ca kho.
Nappajānanti cakkhundriyanirodhagāminīpaṭipadaṁ nappajānanti
sotindriyaṁ ghānindriyaṁ jivhindriyaṁ kāyindriyaṁ manindriyaṁ
nappajānanti manindriyasamudayaṁ nappajānanti manindriyanirodhaṁ nappajānanti
manindriyanirodhagāminīpaṭipadaṁ nappajānanti. Name te
bhikkhave .pe. Sayaṁ abhiññā sacchikatvā upasampajja viharanti.

[913] Ye ca kho keci bhikkhave samaṇā vā brāhmaṇā vā
cakkhundriyaṁ pajānanti cakkhundriyasamudayaṁ pajānanti cakkhundriyanirodhaṁ
pajānanti cakkhundriyanirodhagāminīpaṭipadaṁ pajānanti sotindriyaṁ
ghānindriyaṁ jivhindriyaṁ kāyindriyaṁ manindriyaṁ pajānanti manindriyasamudayaṁ
pajānanti manindriyanirodhaṁ pajānanti manindriyanirodhagāminīpaṭipadaṁ
pajānanti. Te khome bhikkhave samaṇā vā brāhmaṇā
vā samaṇesu ceva 1 samaṇasammatā brāhmaṇesu ca 2 brāhmaṇasammatā
te ca panāyasmanto sāmaññatthañca brāhmaññatthañca diṭṭheva
dhamme sayaṁ abhiññā sacchikatvā upasampajja viharantīti.
Chaḷindriyavaggo tatiyo.
Tassuddānaṁ
nabbhavo 3 jīvitaññāya ekābhiññañca suddhakaṁ
soto dve arahā 4 dve samaṇabrāhmaṇena cāti.
------------
1-2 Po. vā. 3 Po. na hatajīvitaññāya ekābhiññañceva suddhakaṁ. Ma. punabbhavo
... ekabijīca ... soto arahasambuddho dve ca samaṇabrāhmaṇāti. 4 Yu. ...
arahatā ....
Sukhindriyavaggo catuttho