[664] Virāgasaññā bhikkhave.

[665] Nirodhasaññā bhikkhave bhāvitā bahulīkatā mahapphalā
hoti mahānisaṁsā. Kathaṁ bhāvitā ca bhikkhave nirodhasaññā kathaṁ
bahulīkatā mahapphalā hoti mahānisaṁsā. Idha bhikkhave bhikkhu
nirodhasaññāsahagataṁ satisambojjhaṅgaṁ bhāveti .pe. Nirodhasaññāsahagataṁ
upekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ
vossaggapariṇāmiṁ. Evaṁ bhāvitā kho bhikkhave nirodhasaññā
evaṁ bahulīkatā mahapphalā hoti mahānisaṁsāti.

[666] Nirodhasaññāya bhikkhave bhāvitāya bahulīkatāya dvinnaṁ
phalānaṁ aññataraṁ phalaṁ pāṭikaṅkhaṁ diṭṭheva dhamme aññā sati
vā upādisese anāgāmitā. Kathaṁ bhāvitāya bhikkhave nirodhasaññāya
kathaṁ bahulīkatāya dvinnaṁ phalānaṁ aññataraṁ phalaṁ pāṭikaṅkhaṁ diṭṭheva
dhamme aññā sati vā upādisese anāgāmitā. Idha bhikkhave
Bhikkhu nirodhasaññāsahagataṁ satisambojjhaṅgaṁ bhāveti .pe.
Nirodhasaññāsahagataṁ upekkhāsambojjhaṅgaṁ bhāveti vivekanissitaṁ
virāganissitaṁ nirodhanissitaṁ vossaggapariṇāmiṁ. Evaṁ bhāvitāya kho
bhikkhave nirodhasaññāya evaṁ bahulīkatāya dvinnaṁ phalānaṁ aññataraṁ
phalaṁ pāṭikaṅkhaṁ diṭṭheva dhamme aññā sati vā upādisese
anāgāmitāti.

[667] Nirodhasaññā bhikkhave bhāvitā bahulīkatā mahato atthāya
saṁvattati. Mahato yogakkhemāya saṁvattati. Mahato saṁvegāya
saṁvattati. Mahato phāsuvihārāya saṁvattati. Kathaṁ bhāvitā ca
bhikkhave nirodhasaññā kathaṁ bahulīkatā mahato atthāya saṁvattati.
Mahato yogakkhemāya saṁvattati. Mahato saṁvegāya saṁvattati.
Mahato phāsuvihārāya saṁvattati. Idha bhikkhave bhikkhu nirodhasaññāsahagataṁ
satisambojjhaṅgaṁ bhāveti .pe. Nirodhasaññāsahagataṁ upekkhā
sambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.
Evaṁ bhāvitā kho bhikkhave nirodhasaññā evaṁ bahulīkatā
mahato atthāya saṁvattati. Mahato yogakkhemāya saṁvattati.
Mahato saṁvegāya saṁvattati. Mahato phāsuvihārāya saṁvattatīti.
[1]-

[668] Seyyathāpi bhikkhave gaṅgā nadī pācīnaninnā pācīnapoṇā
pācīnapabbhārā. Evameva kho bhikkhave bhikkhu satta bojjhaṅge
bhāvento satta bojjhaṅge bahulīkaronto nibbānaninno hoti
1 Ma. Yu. nirodhavaggo aṭṭhamo.
Nibbānapoṇo nibbānapabbhāro. Kathañca bhikkhave bhikkhu satta
bojjhaṅge bhāvento satta bojjhaṅge bahulīkaronto nibbānaninno
hoti nibbānapoṇo nibbānapabbhāro. Idha bhikkhave bhikkhu
satisambojjhaṅgaṁ bhāveti .pe. Upekkhāsambojjhaṅgaṁ bhāveti
vivekanissitaṁ virāganissitaṁ nirodhanissitaṁ vossaggapariṇāmiṁ. Evaṁ kho
bhikkhave bhikkhu satta bojjhaṅge bhāvento satta bojjhaṅge bahulīkaronto
nibbānaninno hoti nibbānapoṇo nibbānapabbhāroti.
(yāva esanā pāli vitthāretabbā). [1]-

[669] Pañcimāni bhikkhave uddhambhāgiyāni saññojanāni.
Katamāni pañca. Rūparāgo arūparāgo māno uddhaccaṁ avijjā.
Imāni kho bhikkhave pañcuddhambhāgiyāni saññojanāni. Imesaṁ
kho bhikkhave pañcannaṁ uddhambhāgiyānaṁ saññojanānaṁ abhiññāya
pariññāya parikkhayāya pahānāya satta bojjhaṅgā bhāvetabbā.
Katame satta. Idha bhikkhave 2 bhikkhu satisambojjhaṅgaṁ bhāveti .pe.
Upekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ
vossaggapariṇāmiṁ. Imesaṁ kho bhikkhave pañcannaṁ uddhambhāgiyānaṁ
saññojanānaṁ abhiññāya pariññāya parikkhayāya pahānāya ime
satta bojjhaṅgā bhāvetabbāti.

[670] Seyyathāpi bhikkhave gaṅgā nadī pācīnaninnā pācīnapoṇā
pācīnapabbhārā. Evameva kho bhikkhave bhikkhu satta bojjhaṅge
1 Ma. gaṅgāpeyyālavaggo navamo. Yu. gaṅgāpeyyālo.... 2 Po. ayaṁ pāṭho
na dissati.
Bhāvento satta bojjhaṅge bahulīkaronto nibbānaninno hoti
nibbānapoṇo nibbānapabbhāro. Kathañca bhikkhave bhikkhu satta
bojjhaṅge bhāvento satta bojjhaṅge bahulīkaronto nibbānaninno
hoti nibbānapoṇo nibbānapabbhāro. Idha bhikkhave bhikkhu
satisambojjhaṅgaṁ bhāveti .pe. Upekkhāsambojjhaṅgaṁ bhāveti
rāgavinayapariyosānaṁ dosavinayapariyosānaṁ mohavinayapariyosānaṁ. Evaṁ kho
bhikkhave bhikkhu satta bojjhaṅge bhāvento satta bojjhaṅge bahulīkaronto
nibbānaninno hoti nibbānapoṇo nibbānapabbhāroti.
(evaṁ rāgavinayapariyosānaṁ yāva esanā pāli vitthāretabbā).

[671] Pañcimāni bhikkhave uddhambhāgiyāni saññojanāni.
Katamāni pañca. Rūparāgo arūparāgo māno uddhaccaṁ avijjā.
Imāni kho bhikkhave pañca uddhambhāgiyāni saññojanāni. Imesaṁ
kho bhikkhave pañcannaṁ uddhambhāgiyānaṁ saññojanānaṁ abhiññāya
pariññāya parikkhayāya pahānāya satta bojjhaṅgā bhāvetabbā.
Katame satta. Idha bhikkhave bhikkhu satisambojjhaṅgaṁ bhāveti .pe.
Upekkhāsambojjhaṅgaṁ bhāveti rāgavinayapariyosānaṁ dosavinayapariyosānaṁ
mohavinayapariyosānaṁ. Imesaṁ kho bhikkhave pañcannaṁ uddhambhāgiyānaṁ
saññojanānaṁ abhiññāya pariññāya parikkhayāya pahānāya ime
satta bojjhaṅgā bhāvetabbāti. (yathā maggasaṁyuttaṁ vitthāretabbaṁ
tathā bojjhaṅgasaṁyuttaṁ vitthāretabbaṁ).
Tatruddānaṁ
aṭṭhipuḷavakavinīlakaṁ vicchiddakaṁ uddhumātena pañcamaṁ
mettā karuṇā muditā upekkhā ānāpānena te dasa.
Bojjhaṅgasaṁyuttassa ānāpānavaggo sattamo.
Asubhā maraṇā āhāre paṭikūlena ca sabbaloke
aniccadukkhānattapahānaṁ virāgaṁ nirodhena te dasāti.
Bojjhaṅgasaṁyuttassa nirodhavaggo aṭṭhamo.

[672] Sāvatthīnidānaṁ. Seyyathāpi bhikkhave gaṅgā nadī
pācīnaninnā pācīnapoṇā pācīnapabbhārā .pe.
Cha pācīnato ninnā cha ninnā ca samuddato
dve te cha dvādasa honti vaggo tena pavuccatīti.
Gaṅgāpeyyālo navamo.

[673] Yāvatā bhikkhave sattā apādā 1 vā dvipādā vā
catuppādā vā bahuppādā vāti vitthāretabbaṁ.
Tathāgataṁ padaṁ kūṭaṁ mūlaṁ sārena 2 vassikaṁ
rājā candimasuriyā ca 3 vatthena dasamaṁ padaṁ.
(appamādavaggo 4 bojjhaṅgasaṁyuttassa bojjhaṅgavasena vitthāretabbo 5 ).
Bojjhaṅgasaṁyuttassa appamādavaggo dasamo.