[494] Katame satta bojjhaṅgā tasmiṁ samaye bhāvanāpāripūriṁ
1 Ma. Yu. aṭṭhiṁkatvā. evamupari. 2 Ma. sabbaṁ .... evamupari. 3 Sī. Ma.
Yu. imassa pañca. evamupari. 4 Ma. Yu. katame.
Gacchanti. Satisambojjhaṅgo tasmiṁ samaye bhāvanāpāripūriṁ gacchati
.pe. Upekkhāsambojjhaṅgo tasmiṁ samaye bhāvanāpāripūriṁ gacchati.
Ime satta bojjhaṅgā tasmiṁ samaye bhāvanāpāripūriṁ gacchanti.

[495] Yasmiṁ bhikkhave samaye ariyasāvako aṭṭhikatvā manasikatvā
sabbacetaso samannāharitvā ohitasoto dhammaṁ suṇāti pañcassa
nīvaraṇā tasmiṁ samaye na honti ime satta bojjhaṅgā tasmiṁ
samaye bhāvanāpāripūriṁ gacchantīti.

[496] Santi bhikkhave mahārukkhā anubījā mahākāyā rukkhānaṁ
ajjhāruhā 1 yehi rukkhā ajjhāruḷhā obhaggavibhaggā vippatitā
senti.

[497] Katame ca te bhikkhave mahārukkhā anubījā mahākāyā
rukkhānaṁ ajjhāruhā yehi rukkhā ajjhāruḷhā obhaggavibhaggā
vippatitā senti. Seyyathīdaṁ. Assattho nigrodho milakkhu 2 udumbaro
kacchako kapitthano 3 . Ime kho te bhikkhave mahārukkhā anubījā
mahākāyā rukkhānaṁ ajjhāruhā yehi rukkhā ajjhāruḷhā obhaggavibhaggā
vippatitā senti.

[498] Evameva kho bhikkhave idhekacco kulaputto yādisake
kāme ohāya agārasmā anagāriyaṁ pabbajito hoti so tādisakehi
kāmehi tato vā pāpiṭṭhatarehi obhaggavibhaggo vippatito seti.

[499] Pañcime bhikkhave āvaraṇā nīvaraṇā cetaso ajjhāruhā
1 Yu. ajjhārūhā. evamupari. 2 Ma. Yu. pilakkho. 3 Yu. kapitthako.
Paññāya dubbalīkaraṇā. Katame pañca. Kāmacchando bhikkhave
āvaraṇo nīvaraṇo cetaso ajjhāruho paññāya dubbalīkaraṇo.
Byāpādo bhikkhave āvaraṇo nīvaraṇo cetaso ajjhāruho paññāya
dubbalīkaraṇo. Thīnamiddhaṁ bhikkhave āvaraṇaṁ nīvaraṇaṁ cetaso ajjhāruhaṁ
paññāya dubbalīkaraṇaṁ. Uddhaccakukkuccaṁ bhikkhave āvaraṇaṁ nīvaraṇaṁ
cetaso ajjhāruhaṁ paññāya dubbalīkaraṇaṁ. Vicikicchā bhikkhave
āvaraṇā nīvaraṇā cetaso ajjhāruhā paññāya dubbalīkaraṇā.
Ime kho bhikkhave pañca āvaraṇā nīvaraṇā cetaso ajjhāruhā
paññāya dubbalīkaraṇā.

[500] Sattime bhikkhave bojjhaṅgā anāvaraṇā anīvaraṇā cetaso
anajjhāruhā bhāvitā bahulīkatā vijjāvimuttiphalasacchikiriyāya saṁvattanti.
Katame satta. Satisambojjhaṅgo bhikkhave anāvaraṇo anīvaraṇo
cetaso anajjhāruho bhāvito bahulīkato vijjāvimuttiphalasacchikiriyāya
saṁvattati .pe. Upekkhā .pe. Ime kho bhikkhave satta
bojjhaṅgā anāvaraṇā anīvaraṇā cetaso anajjhāruhā bhāvitā
bahulīkatā vijjāvimuttiphalasacchikiriyāya saṁvattantīti.

[501] Pañcime bhikkhave nīvaraṇā andhakaraṇā acakkhukaraṇā
aññāṇakaraṇā paññānirodhiyā vighātapakkhiyā anibbānasaṁvattanikā.
Katame pañca. Kāmacchandanīvaraṇaṁ bhikkhave andhakaraṇaṁ
acakkhukaraṇaṁ aññāṇakaraṇaṁ paññānirodhiyaṁ 2 vighātapakkhiyaṁ anibbānasaṁvattanikaṁ.
1 Yu. ..ṇirodhikā. 2 Yu. ..ḍhikaṁ.
Saṁvattanikaṁ. Byāpādanīvaraṇaṁ bhikkhave andhakaraṇaṁ .pe. Thīnamiddhanīvaraṇaṁ
bhikkhave andhakaraṇaṁ. Uddhaccakukkuccanīvaraṇaṁ bhikkhave andhakaraṇaṁ.
Vicikicchānīvaraṇaṁ bhikkhave andhakaraṇaṁ acakkhukaraṇaṁ aññāṇakaraṇaṁ
paññānirodhiyaṁ vighātapakkhiyaṁ anibbānasaṁvattanikaṁ. Ime [1]-
bhikkhave pañca nīvaraṇā andhakaraṇā acakkhukaraṇā aññāṇakaraṇā
paññānirodhiyā vighātapakkhiyā anibbānasaṁvattanikā.

[502] Sattime bhikkhave bojjhaṅgā cakkhukaraṇā ñāṇakaraṇā
paññāvuḍḍhiyā avighātapakkhiyā nibbānasaṁvattanikā. Katame satta.
Satisambojjhaṅgo bhikkhave cakkhukaraṇo ñāṇakaraṇo paññāvuḍḍhiyo
avighātapakkhiyo nibbānasaṁvattaniko .pe. Upekkhāsambojjhaṅgo
bhikkhave cakkhukaraṇo ñāṇakaraṇo paññāvuḍḍhiyo avighātapakkhiyo
nibbānasaṁvattaniko. Ime kho bhikkhave satta bojjhaṅgā cakkhukaraṇā
ñāṇakaraṇā paññāvuḍḍhiyā avighātapakkhiyā nibbānasaṁvattanikāti.
Nīvaraṇavaggo catuttho.
Tassuddānaṁ
dve kusalā kileso 2 ca dve yoniso ca vuḍḍhi ca
anāvaraṇā 3 aparihāni nīvaraṇāvaraṇā rukkhaṁ
nīvaraṇena ca te dasāti.
--------------
1 Ma. Yu. kho. 2 Ma. Yu. kilesā. 3 Ma. āvaraṇā nīvaraṇā rukkhaṁ.
Yu. āvaraṇo aparihāni nīvaraṇñca te dasāti nīvaraṇavaraṇarukkhaṁ.
Cakkavattivaggo pañcamo

[503] Sāvatthīnidānaṁ. Ye hi keci bhikkhave atītamaddhānaṁ
samaṇā vā brāhmaṇā vā tisso vidhā pajahiṁsu sabbe te
sattannaṁ bojjhaṅgānaṁ bhāvitattā bahulīkatattā. Ye hi keci
bhikkhave anāgatamaddhānaṁ samaṇā vā brāhmaṇā vā tisso vidhā
pajahissanti sabbe te sattannaṁ bojjhaṅgānaṁ bhāvitattā bahulīkatattā.
Ye hi keci bhikkhave etarahi samaṇā vā brāhmaṇā
vā tisso vidhā pajahanti sabbe te sattannaṁ bojjhaṅgānaṁ
bhāvitattā bahulīkatattā.