[454] Evaṁ vutte āyasmā udāyi bhagavantaṁ etadavoca kathaṁ
bhāvitā nu kho bhante satta bojjhaṅgā kathaṁ bahulīkatā nibbedhāya
saṁvattantīti. Idha udāyi bhikkhu satisambojjhaṅgaṁ bhāveti
vivekanissitaṁ virāganissitaṁ nirodhanissitaṁ vipulaṁ mahaggataṁ appamāṇaṁ
abyāpajjhaṁ so satisambojjhaṅgabhāvitena cittena anibbiddhapubbaṁ
appadālitapubbaṁ lobhakkhandhaṁ nibbijjhati padāleti anibbiddhapubbaṁ
Appadālitapubbaṁ dosakkhandhaṁ nibbijjhati padāleti anibbiddhapubbaṁ
appadālitapubbaṁ mohakkhandhaṁ nibbijjhati padāleti .pe. Upekkhāsambojjhaṅgaṁ
bhāveti vivekanissitaṁ virāganissitaṁ nirodhanissitaṁ vipulaṁ
mahaggataṁ appamāṇaṁ abyāpajjhaṁ so upekkhāsambojjhaṅgabhāvitena
cittena anibbiddhapubbaṁ appadālitapubbaṁ lobhakkhandhaṁ nibbijjhati
padāleti anibbiddhapubbaṁ appadālitapubbaṁ dosakkhandhaṁ nibbijjhati
padāleti anibbiddhapubbaṁ appadālitapubbaṁ mohakkhandhaṁ nibbijjhati
padāleti. Evaṁ bhāvitā kho udāyi satta bojjhaṅgā evaṁ
bahulīkatā nibbedhāya saṁvattantīti.

[455] Nāhaṁ bhikkhave aññaṁ ekadhammaṁpi samanupassāmi yo evaṁ
bhāvito bahulīkato saññojaniyānaṁ dhammānaṁ pahānāya saṁvattati yathayidaṁ
bhikkhave satta bojjhaṅgā. Katame satta. Satisambojjhaṅgo .pe.
Upekkhāsambojjhaṅgo.

[456] Kathaṁ bhāvitā ca bhikkhave satta bojjhaṅgā kathaṁ bahulīkatā
saññojaniyānaṁ dhammānaṁ pahānāya saṁvattanti. Idha bhikkhave bhikkhu
satisambojjhaṅgaṁ bhāveti vivekanissitaṁ virāganissitaṁ nirodhanissitaṁ
vossaggapariṇāmiṁ .pe. Upekkhāsambojjhaṅgaṁ bhāveti vivekanissitaṁ
virāganissitaṁ nirodhanissitaṁ vossaggapariṇāmiṁ. Evaṁ bhāvitā
kho bhikkhave satta bojjhaṅgā evaṁ bahulīkatā saññojaniyānaṁ
dhammānaṁ pahānāya saṁvattanti.

[457] Katame ca bhikkhave saññojaniyā dhammā. Cakkhuṁ bhikkhave
saññojaniyo dhammo etthete uppajjanti saññojanavinibandhā
ajjhosānā sotaṁ ghānaṁ jivhā saññojaniyo dhammo etthete
uppajjanti saññojanavinibandhā ajjhosānā .pe. Mano saññojaniyo
dhammo etthete uppajjanti saññojanavinibandhā ajjhosānā.
Ime vuccanti bhikkhave saññojaniyā dhammāti.

[458] Ekaṁ samayaṁ bhagavā sumbhesu viharati setakannāma sumbhānaṁ
nigamo. Atha kho āyasmā udāyi yena bhagavā tenupasaṅkami .pe.
Ekamantaṁ nisīdi. Ekamantaṁ nisinno kho āyasmā udāyi
bhagavantaṁ etadavoca.

[459] Acchariyaṁ bhante abbhūtaṁ 1 bhante yāva bahukārāpi 2
me bhante bhagavati pemañca gāravo ca hiri ca ottappañca
ahañhi bhante pubbe āgārikabhūto samāno abahukato ahosiṁ
dhammena abahukato saṅghena so khvāhaṁ [3]- bhagavati pemañca gāravaṁ
ca hiriṁ ca ottappaṁ ca sampassamāno agārasmā anagāriyaṁ
pabbajiṁ 4 tassa me bhagavā dhammaṁ desesi iti rūpaṁ iti rūpassa
samudayo iti rūpassa atthaṅgamo iti vedanā .pe. Iti
saññā. Iti saṅkhārā. Iti viññāṇaṁ iti viññāṇassa
samudayo iti viññāṇassa atthaṅgamoti.

[460] So khvāhaṁ bhante suññāgāragato imesaṁ pañcupādānakkhandhānaṁ
1 Ma. Yu. abbhutaṁ. 2 Ma. Yu. bahukatañca. 3 Yu. bhante. 4 Ma. Yu. pabbajito.
Ukkujjāvakujjaṁ samparivattanto 1 idaṁ dukkhanti yathābhūtaṁ
abbhaññāsiṁ ayaṁ dukkhasamudayoti yathābhūtaṁ abbhaññāsiṁ ayaṁ
dukkhanirodhoti yathābhūtaṁ abbhaññāsiṁ ayaṁ dukkhanirodhagāminī
paṭipadāti yathābhūtaṁ abbhaññāsiṁ.

[461] Dhammo ca me bhante abhisameto 2 maggo ca me paṭiladdho
yo me bhāvito bahulīkato tathā tathā viharantaṁ tathattāya upanessati
yathāhaṁ khīṇā jāti vusitaṁ brahmacariyaṁ kataṁ karaṇīyaṁ nāparaṁ
itthattāyāti pajānissāmi. Satisambojjhaṅgo me bhante paṭiladdho
yo me bhāvito bahulīkato tathā tathā viharantaṁ tathattāya upanessati
yathāhaṁ khīṇā jāti vusitaṁ brahmacariyaṁ kataṁ karaṇīyaṁ nāparaṁ
itthattāyāti pajānissāmi .pe. Upekkhāsambojjhaṅgo me
bhante paṭiladdho yo me bhāvito bahulīkato tathā tathā viharantaṁ
tathattāya upanessati yathāhaṁ khīṇā jāti vusitaṁ brahmacariyaṁ
kataṁ karaṇīyaṁ nāparaṁ itthattāyāti pajānissāmi. Ayaṁ kho me
bhante maggo paṭiladdho yo me bhāvito bahulīkato tathā tathā
viharantaṁ tathattāya upanessati yathāhaṁ khīṇā jāti vusitaṁ
brahmacariyaṁ kataṁ karaṇīyaṁ nāparaṁ itthattāyāti pajānissāmīti.

[462] Sādhu sādhu udāyi eso hi te udāyi maggo
paṭiladdho yo te bhāvito bahulīkato tathā tathā viharantaṁ
tathattāya upanessati yathā tvaṁ khīṇā jāti vusitaṁ brahmacariyaṁ
1 Ma. Yu. samparivattento. 2 Ma. Yu. abhisamito.
Kataṁ karaṇīyaṁ nāparaṁ itthattāyāti pajānissasīti.
Udāyivaggo tatiyo.
Tassuddānaṁ
bodhanā 1 desanāṭṭhānā ayoniso cāparihāni 2
khayo nirodho nibbedho ekadhammo udāyināti.
---------
1 Ma. bodhāya. 2 Ma. cāparihānī.
Nīvaraṇavaggo catuttho

[463] Yekeci bhikkhave dhammā kusalā kusalabhāgiyā
kusalapakkhikā sabbe te appamādamūlakā appamādasamosaraṇā
appamādo tesaṁ dhammānaṁ aggamakkhāyati. Appamattassetaṁ
bhikkhave bhikkhuno pāṭikaṅkhaṁ satta bojjhaṅge bhāvessati satta
bojjhaṅge bahulīkarissatīti.