[404] Satisambojjhaṅgaṁ kho āvuso bhikkhu ārabbhamāno pajānāti
cittañca me suvimuttaṁ thīnamiddhañca me susamūhataṁ uddhaccakukkuccañca
me suppaṭivinītaṁ āraddhañca me viriyaṁ aṭṭhikatvā manasikaromi
1-2 Po. adhimutto. evamupari.
No ca līnanti .pe.

[405] Upekkhāsambojjhaṅgaṁ āvuso bhikkhu ārabbhamāno
pajānāti cittañca me suvimuttaṁ thīnamiddhañca me susamūhataṁ
uddhaccakkuccañca me suppaṭivinītaṁ āraddhañca me viriyaṁ aṭṭhikatvā
manasikaromi no ca līnanti.

[406] Evaṁ kho āvuso sārīputta bhikkhu jāneyya paccattaṁ
yonisomanasikārā evaṁ susamāraddhā me satta bojjhaṅgā phāsuvihārāya
saṁvattantīti.

[407] Sattime bhikkhave bojjhaṅgā bhāvitā bahulīkatā anuppannā
uppajjanti nāññatra tathāgatassa pātubhāvā arahato
sammāsambuddhassa. Katame satta. Satisambojjhaṅgo .pe.
Upekkhāsambojjhaṅgo. Ime kho bhikkhave satta bojjhaṅgā
bhāvitā bahulīkatā anuppannā uppajjanti nāññatra tathāgatassa
pātubhāvā arahato sammāsambuddhassāti.

[408] Sattime bhikkhave bojjhaṅgā bhāvitā bahulīkatā anuppannā
uppajjanti nāññatra sugatavinayā. Katame satta. Satisambojjhaṅgo
.pe. Upekkhāsambojjhaṅgo. Ime kho bhikkhave
satta bojjhaṅgā bhāvitā bahulīkatā anuppannā uppajjanti
nāññatra sugatavinayāti.
Pabbatavaggo paṭhamo.
Tassuddānaṁ
himavantaṁ kāyasīlaṁ ca vattaṁ bhikkhu ca kuṇḍali
kūṭaṁ ca upavāṇañca uppāde 1 apare duveti.
--------
1 Ma. Yu. uppannā.
Gilānavaggo dutiyo

[409] Seyyathāpi bhikkhave yekeci pāṇā cattāro iriyāpathe
kappenti kālena gamanaṁ kālena ṭhānaṁ kālena nisajjaṁ kālena
seyyaṁ sabbe te paṭhaviṁ nissāya paṭhaviyaṁ patiṭṭhāya evameva te 1
cattāro iriyāpathe kappenti. Evameva kho bhikkhave bhikkhu sīlaṁ
nissāya sīle patiṭṭhāya satta bojjhaṅge bhāveti satta bojjhaṅge
bahulīkaroti.

[410] Kathañca bhikkhave bhikkhu sīlaṁ nissāya sīle patiṭṭhāya
satta bojjhaṅge bhāveti satta bojjhaṅge bahulīkaroti. Idha
bhikkhave bhikkhu satisambojjhaṅgaṁ bhāveti vivekanissitaṁ virāganissitaṁ
nirodhanissitaṁ vossaggapariṇāmiṁ .pe. Upekkhāsambojjhaṅgaṁ bhāveti
vivekanissitaṁ virāganissitaṁ nirodhanissitaṁ vossaggapariṇāmiṁ. Evaṁ
kho bhikkhave bhikkhu sīlaṁ nissāya sīle patiṭṭhāya satta bojjhaṅge
bhāveti satta bojjhaṅge bahulīkarotīti.

[411] Suriyassa bhikkhave udayato etaṁ pubbaṅgamaṁ etaṁ pubbanimittaṁ
yadidaṁ aruṇuggaṁ evameva kho bhikkhave bhikkhuno sattannaṁ
bojjhaṅgānaṁ uppādāya etaṁ pubbaṅgamaṁ etaṁ pubbanimittaṁ yadidaṁ
kalyāṇamittatā. Kalyāṇamittassetaṁ bhikkhave bhikkhuno pāṭikaṅkhaṁ
satta bojjhaṅge bhāvessati satta bojjhaṅge bahulīkarissatīti.
1 Ma. Yu. evamete.

[412] Kathañca bhikkhave bhikkhu kalyāṇamitto satta bojjhaṅge
bhāveti satta bojjhaṅge bahulīkaroti. Idha bhikkhave bhikkhu
satisambojjhaṅgaṁ bhāveti vivekanissitaṁ .pe. Upekkhāsambojjhaṅgaṁ
bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.
Evaṁ kho bhikkhave bhikkhu kalyāṇamitto satta bojjhaṅge bhāveti
satta bojjhaṅge bahulīkarotīti.

[413] Suriyassa bhikkhave udayato etaṁ pubbaṅgamaṁ etaṁ pubbanimittaṁ
yadidaṁ aruṇuggaṁ evameva kho bhikkhave bhikkhuno sattannaṁ bojjhaṅgānaṁ
uppādāya etaṁ pubbaṅgamaṁ etaṁ pubbanimittaṁ yadidaṁ yonisomanasikāro.
Yonisomanasikārasampannassetaṁ bhikkhave bhikkhuno pāṭikaṅkhaṁ
satta bojjhaṅge bhāvessati satta bojjhaṅge bahulīkarissatīti.