[384] Imesaṁ khvāhaṁ āvuso sattannaṁ bojjhaṅgānaṁ yena yena
1 Ma. kho.
Bojjhaṅgena ākaṅkhāmi pubbaṇhasamayaṁ viharituṁ tena tena bojjhaṅgena
pubbaṇhasamayaṁ viharāmi yena yena bojjhaṅgena ākaṅkhāmi majjhantikasamayaṁ
viharituṁ tena tena bojjhaṅgena majjhantikasamayaṁ viharāmi
yena yena bojjhaṅgena ākaṅkhāmi sāyaṇhasamayaṁ viharituṁ tena
tena bojjhaṅgena sāyaṇhasamayaṁ viharāmi.

[385] Satisambojjhaṅgo iti ce me āvuso hoti appamāṇoti
me hoti susamāraddhoti me hoti tiṭṭhantaṁ [1]- tiṭṭhatīti
pajānāmi sacepi me cavati idappaccayā me cavatīti pajānāmi .pe.

[386] Upekkhāsambojjhaṅgo iti ce me āvuso hoti appamāṇoti
me hoti susamāraddhoti me hoti tiṭṭhantaṁ tiṭṭhatīti
pajānāmi sacepi me cavati idappaccayā me cavatīti pajānāmi.

[387] Seyyathāpi āvuso rañño vā rājamahāmattassa vā
nānārattānaṁ dussānaṁ dussakaraṇḍako pūro assa so yaṁ yadeva
dussayugaṁ ākaṅkheyya pubbaṇhasamayaṁ pārupituṁ tantadeva dussayugaṁ
pubbaṇhasamayaṁ pārupeyya yaṁ yadeva dussayugaṁ ākaṅkheyya majjhantikasamayaṁ
pārupituṁ tantadeva dussayugaṁ majjhantikasamayaṁ pārupeyya yaṁ
yadeva dussayugaṁ ākaṅkheyya sāyaṇhasamayaṁ pārupituṁ tantadeva
dussayugaṁ sāyaṇhasamayaṁ pārupeyya. Evameva kho ahaṁ āvuso
imesaṁ sattannaṁ bojjhaṅgānaṁ yena yena bojjhaṅgena ākaṅkhāmi
pubbaṇhasamayaṁ viharituṁ tena tena bojjhaṅgena pubbaṇhasamayaṁ
1 Ma. Yu. ca naṁ. evamupari.
Viharāmi yena yena bojjhaṅgena ākaṅkhāmi majjhantikasamayaṁ
viharituṁ tena tena bojjhaṅgena majjhantikasamayaṁ viharāmi yena
yena bojjhaṅgena ākaṅkhāmi sāyaṇhasamayaṁ viharituṁ tena tena
bojjhaṅgena sāyaṇhasamayaṁ viharāmi.

[388] Satisambojjhaṅgo iti ce me āvuso hoti appamāṇoti
me hoti susamāraddhoti me hoti tiṭṭhantaṁ tiṭṭhatīti
pajānāmi sacepi me cavati idappaccayā me cavatīti pajānāmi .pe.

[389] Upekkhāsambojjhaṅgo iti ce me āvuso hoti appamāṇoti
me hoti susamāraddhoti me hoti tiṭṭhantaṁ tiṭṭhatīti
pajānāmi sacepi me cavati idappaccayā me cavatīti pajānāmīti.

[390] Atha kho aññataro bhikkhu yena bhagavā tenupasaṅkami
.pe. Ekamantaṁ nisinno kho so bhikkhu bhagavantaṁ etadavoca
bojjhaṅgā bojjhaṅgāti bhante vuccanti kittāvatā nu kho
bhante bojjhaṅgāti vuccantīti. Bodhāya saṁvattantīti kho bhikkhu
tasmā bojjhaṅgāti vuccantīti.

[391] Idha bhikkhu bhikkhu satisambojjhaṅgaṁ bhāveti vivekanissitaṁ
virāganissitaṁ nirodhanissitaṁ vossaggapariṇāmiṁ .pe.

[392] Upekkhāsambojjhaṅgaṁ bhāveti vivekanissitaṁ virāganissitaṁ
nirodhanissitaṁ vossaggapariṇāmiṁ.

[393] Tassime satta bojjhaṅge bhāvayato kāmāsavāpi cittaṁ
Vimuccati bhavāsavāpi cittaṁ vimuccati avijjāsavāpi cittaṁ vimuccati.
Vimuttasmiṁ vimuttamiti 1 ñāṇaṁ hoti. Khīṇā jāti vusitaṁ brahmacariyaṁ
kataṁ karaṇīyaṁ nāparaṁ itthattāyāti pajānāti. Bodhāya saṁvattantīti
bhikkhu tasmā bojjhaṅgāti vuccantīti.