[278] Rūpā bhikkhave anattā atītā anāgatā paccuppannā.
Yadanattā taṁ netaṁ mama nesohamasmi na meso attāti evametaṁ
yathābhūtaṁ sammappaññāya daṭṭhabbaṁ. Saddā gandhā rasā
phoṭṭhabbā dhammā anattā atītā anāgatā paccuppannā.
Yadanattā taṁ netaṁ mama nesohamasmi na meso attāti evametaṁ
yathābhūtaṁ sammappaññāya daṭṭhabbaṁ. Evaṁ passaṁ .pe. Nāparaṁ
itthattāyāti pajānātīti.

[279] Cakkhuṁ bhikkhave aniccaṁ .pe. Jivhā aniccā .pe.
Mano anicco. Evaṁ passaṁ .pe. Nāparaṁ itthattāyāti pajānātīti.

[280] Cakkhuṁ bhikkhave dukkhaṁ .pe. Jivhā dukkhā. Kāyo
dukkho. Mano dukkho. Evaṁ passaṁ .pe. Nāparaṁ itthattāyāti
pajānātīti.

[281] Cakkhuṁ bhikkhave anattā .pe. Jivhā anattā.
Kāyo anattā. Mano anattā. Evaṁ passaṁ .pe. Nāparaṁ
itthattāyāti pajānātīti.

[282] Rūpā bhikkhave aniccā. Saddā gandhā rasā
phoṭṭhabbā dhammā aniccā. Evaṁ passaṁ .pe. Nāparaṁ
itthattāyāti pajānātīti.

[283] Rūpā bhikkhave dukkhā. Saddā gandhā rasā
phoṭṭhabbā dhammā dukkhā. Evaṁ passaṁ .pe. Nāparaṁ itthattāyāti
pajānātīti.

[284] Rūpā bhikkhave anattā. Saddā gandhā rasā
phoṭṭhabbā dhammā anattā. Evaṁ passaṁ .pe. Nāparaṁ
itthattāyāti pajānātīti.
Saṭṭhipeyyālo samatto.
Tassuddānaṁ
chandenaṭṭhārasā honti atītena ca dve nava
yadaniccāṭṭhārasā vuttā tayo ajjhattabāhirā
peyyālo saṭṭhiko vutto buddhenādiccabandhunāti.
Suttantāni saṭṭhi.
--------
Samuddavaggo tatiyo

[285] Samuddo samuddoti bhikkhave assutavā puthujjano bhāsati.
Neso bhikkhave ariyassa vinaye samuddo. Mahā eso bhikkhave
udakarāsi mahā udakaṇṇavo. Cakkhuṁ bhikkhave purisassa samuddo
tassa rūpamayo vego yo taṁ rūpamayaṁ vegaṁ sahati ayaṁ vuccati
bhikkhave atari cakkhusamuddaṁ saummiṁ sāvaṭṭaṁ sagāhaṁ sarakkhasaṁ tiṇṇo
pāragato thale tiṭṭhati brāhmaṇo .pe. Jivhā bhikkhave purisassa
samuddo tassa rasamayo vego yo taṁ rasamayaṁ vegaṁ sahati ayaṁ
vuccati bhikkhave atari jivhāsamuddaṁ saummiṁ sāvaṭṭaṁ sagāhaṁ sarakkhasaṁ
tiṇṇo pāragato thale tiṭṭhati brāhmaṇo .pe. Mano bhikkhave
purisassa samuddo tassa dhammamayo vego yo taṁ dhammamayaṁ 1
vegaṁ sahati ayaṁ vuccati bhikkhave atari manosamuddaṁ saummiṁ sāvaṭṭaṁ
sagāhaṁ sarakkhasaṁ tiṇṇo pāragato thale tiṭṭhati brāhmaṇoti.
Idamavoca .pe. Satthā

[286] Yo imaṁ samuddaṁ sagāhaṁ sarakkhasaṁ saummiṁ [2]- bhayaṁ duttaraṁ accatari
savedagū vusitabrahmacariyo lokantagū pāragatoti vuccatīti.

[287] Samuddo samuddoti bhikkhave assutavā puthujjano bhāsati.
Neso bhikkhave ariyassa vinaye samuddo. Mahā eso bhikkhave
udakarāsi mahā udakaṇṇavo. Santi bhikkhave cakkhuviññeyyā
1 Yu. dhammavegaṁ. 2 Ma. sāvaṭṭaṁ sabhayaṁ.
Rūpā iṭṭhā kantā manāpā piyarūpā kāmūpasañhitā rajaniyā ayaṁ
vuccati bhikkhave ariyassa vinaye samuddo 1 etthāyaṁ sadevako loko
samārako sabrahmako sassamaṇabrāhmaṇī pajā sadevamanussā
yebhuyyena samuddā 2 kantā kulakajātā kulaguṇḍikajātā 3 muñjapabbajabhūtā
apāyaṁ duggatiṁ vinipātaṁ saṁsāraṁ nātivattanti .pe.
Santi bhikkhave jivhāviññeyyā rasā .pe. Santi bhikkhave manoviññeyyā
dhammā iṭṭhā kantā manāpā piyarūpā kāmūpasañhitā
rajaniyā ayaṁ vuccati bhikkhave ariyassa vinaye samuddo etthāyaṁ
sadevako loko samārako sabrahmako sassamaṇabrāhmaṇī pajā
sadevamanussā yebhuyyena samuddā 2 kantā kulakajātā kulaguṇḍikajātā 3
muñjapabbajabhūtā apāyaṁ duggatiṁ vinipātaṁ saṁsāraṁ nātivattantīti.