[441] Sāvatthī. Tatra kho. Kismiṁ nu kho bhikkhave sati
kiṁ upādāya kiṁ abhinivissa evaṁ diṭṭhi uppajjati na hoti
tathāgato parammaraṇāti. Bhagavaṁmūlakā no bhante dhammā .pe.
Niyato sambodhiparāyanoti.

[442] Sāvatthī. Kismiṁ nu kho bhikkhave sati kiṁ upādāya
kiṁ abhinivissa evaṁ diṭṭhi uppajjati hoti ca na ca hoti
tathāgato parammaraṇāti. Bhagavaṁmūlakā no bhante dhammā .pe.
Niyato sambodhiparāyanoti.

[443] Sāvatthī. Kismiṁ nu kho bhikkhave sati kiṁ upādāya
kiṁ abhinivissa evaṁ diṭṭhi uppajjati neva hoti na na hoti
tathāgato parammaraṇāti. Bhagavaṁmūlakā no bhante dhammā .pe.
Rūpe kho bhikkhave sati rūpaṁ upādāya rūpaṁ abhinivissa evaṁ diṭṭhi
uppajjati neva hoti na na hoti tathāgato parammaraṇāti .pe.

[444] Taṁ kiṁ maññatha bhikkhave rūpaṁ niccaṁ vā aniccaṁ vāti.
Aniccaṁ bhante .pe. Vipariṇāmadhammaṁ api nu taṁ anupādāya
evaṁ diṭṭhi uppajjeyya neva hoti na na hoti tathāgato
parammaraṇāti. No hetaṁ bhante. Yampidaṁ diṭṭhaṁ sutaṁ mutaṁ
viññātaṁ pattaṁ pariyesitaṁ anuvicaritaṁ manasā taṁpi niccaṁ vā aniccaṁ
vāti. Aniccaṁ bhante. Yaṁ panāniccaṁ dukkhaṁ vā taṁ sukhaṁ
vāti. Dukkhaṁ bhante. Yaṁ panāniccaṁ dukkhaṁ vipariṇāmadhammaṁ api
nu taṁ anupādāya evaṁ diṭṭhi uppajjeyya neva hoti na na
hoti tathāgato parammaraṇāti. No hetaṁ bhante.
Yato ca kho bhikkhave ariyasāvakassa imesu chasu ṭhānesu kaṅkhā
pahīnā hoti dukkhepissa kaṅkhā pahīnā hoti dukkhasamudayepissa
kaṅkhā pahīnā hoti .pe. Niyato sambodhiparāyanoti.
Sotāpattivaggo.
Aṭṭhārasaveyyākaraṇaṁ niṭṭhitaṁ
------------
Ma. Yu. tassuddānaṁ
vātaṁ etaṁ mama so attā no ca me siyā
natthi karoto hetu ca mahādiṭṭhena aṭṭhamaṁ
sassato loko ca asassato ca antavā ca
anantavā ca taṁ jīvaṁ taṁ sariranti aññaṁ jīvaṁ aññaṁ sariranti ca
hoti tathāgato paraṁmaraṇāti na hoti tathāgato paraṁmaraṇāti
neva hoti na na hoti tathāgato paraṁmaraṇāti.
Diṭṭhisaṁyutte dutiyapeyyālo dutiyo 1

[445] Sāvatthī. Kismiṁ nu kho bhikkhave sati kiṁ upādāya
kiṁ abhinivissa evaṁ diṭṭhi uppajjati na vātā vāyanti na najjo
sandanti na gabbhiniyo vijāyanti na candimasuriyā udenti vā
apenti vā esikaṭṭhāyiṭṭhitāti. Bhagavaṁmūlakā no bhante dhammā
.pe. Rūpe kho bhikkhave sati rūpaṁ upādāya rūpaṁ abhinivissa evaṁ
diṭṭhi uppajjati na vātā vāyanti .pe. Esikaṭṭhāyiṭṭhitāti.
Vedanāya sati .pe. Saññāya sati. Saṅkhāresu sati. Viññāṇe
sati viññāṇaṁ upādāya viññāṇaṁ abhinivissa evaṁ diṭṭhi uppajjati
na vātā vāyanti .pe. Esikaṭṭhāyiṭṭhitāti.

[446] Taṁ kiṁ maññatha bhikkhave rūpaṁ niccaṁ vā aniccaṁ vāti.
Aniccaṁ bhante .pe. Vipariṇāmadhammaṁ api nu taṁ anupādāya
evaṁ diṭṭhi uppajjeyya na vātā vāyanti .pe. Esikaṭṭhāyiṭṭhitāti.
No hetaṁ bhante. Iti kho bhikkhave dukkhe sati
dukkhaṁ upādāya dukkhaṁ abhinivissa evaṁ diṭṭhi uppajjati na vātā
vāyanti .pe. Esikaṭṭhāyiṭṭhitāti. Vedanā .pe. Saññā.
Saṅkhārā. Viññāṇaṁ niccaṁ vā aniccaṁ vāti. Aniccaṁ bhante.
.pe. Vipariṇāmadhammaṁ api nu taṁ anupādāya evaṁ diṭṭhi
uppajjeyya na vātā vāyanti .pe. Esikaṭṭhāyiṭṭhitāti.
1 Ma. dutiyagamanavagga-vātasutta.
No hetaṁ bhante. Iti kho bhikkhave dukkhe sati dukkhaṁ upādāya
dukkhaṁ abhinivissa evaṁ diṭṭhi uppajjati 1 na vātā vāyanti na
najjo sandanti na gabbhiniyo vijāyanti na candimasuriyā udenti
vā apenti vā esikaṭṭhāyiṭṭhitāti. (purimagamanāni hi aṭṭhārasa
veyyākaraṇāni vitthārāni).

[447] Sāvatthī. Tatra kho. Kismiṁ nu kho bhikkhave sati
kiṁ upādāya kiṁ abhinivissa evaṁ diṭṭhi uppajjati neva hoti
na na hoti tathāgato parammaraṇāti. Bhagavaṁmūlakā no bhante
dhammā .pe. Rūpe kho bhikkhave sati rūpaṁ upādāya rūpaṁ abhinivissa
evaṁ diṭṭhi uppajjati neva hoti na na hoti tathāgato parammaraṇāti.
Vedanāya sati .pe. Saññāya sati. Saṅkhāresu
sati. Viññāṇe sati viññāṇaṁ upādāya viññāṇaṁ abhinivissa
evaṁ diṭṭhi uppajjati neva hoti [2]- na na hoti tathāgato
parammaraṇāti.

[448] Taṁ kiṁ maññatha bhikkhave rūpaṁ niccaṁ vā aniccaṁ vāti.
Aniccaṁ bhante .pe. Vipariṇāmadhammaṁ api nu taṁ anupādāya
evaṁ diṭṭhi uppajjeyya neva hoti na na hoti tathāgato parammaraṇāti.
No hetaṁ bhante. Iti kho bhikkhave dukkhe sati
dukkhaṁ upādāya dukkhaṁ abhinivissa evaṁ diṭṭhi uppajjati neva
hoti na na hoti tathāgato parammaraṇāti. Vedanā .pe.
1 Ma. uppajjeyya. 2 Yu. etthantare tathāgatoti dissati.
Saññā. Saṅkhārā. Viññāṇaṁ niccaṁ vā aniccaṁ vāti.
Aniccaṁ bhante .pe. Vipariṇāmadhammaṁ api nu taṁ anupādāya
evaṁ diṭṭhi uppajjeyya neva hoti na na hoti tathāgato
parammaraṇāti. No hetaṁ bhante. Iti kho bhikkhave dukkhe
sati dukkhaṁ upādāya dukkhaṁ abhinivissa evaṁ diṭṭhi uppajjati neva
hoti na na hoti tathāgato parammaraṇāti.

[449] Sāvatthī. Kismiṁ nu kho bhikkhave sati kiṁ upādāya
kiṁ abhinivissa evaṁ diṭṭhi uppajjati rūpī attā hoti arogo
parammaraṇāti. Bhagavaṁmūlakā no bhante dhammā .pe. Rūpe kho
bhikkhave sati rūpaṁ upādāya rūpaṁ abhinivissa evaṁ diṭṭhi uppajjati
rūpī attā hoti arogo parammaraṇāti. Vedanāya sati .pe.
Saññāya sati. Saṅkhāresu sati. Viññāṇe sati viññāṇaṁ
upādāya viññāṇaṁ abhinivissa evaṁ diṭṭhi uppajjati rūpī attā
hoti arogo parammaraṇāti.

[450] Taṁ kiṁ maññatha bhikkhave rūpaṁ niccaṁ vā aniccaṁ vāti.
Aniccaṁ bhante .pe. Vipariṇāmadhammaṁ api nu taṁ anupādāya
evaṁ diṭṭhi uppajjeyya rūpī attā hoti arogo parammaraṇāti.
No hetaṁ bhante. Iti kho bhikkhave dukkhe sati dukkhaṁ upādāya
dukkhaṁ abhinivissa evaṁ diṭṭhi uppajjati 1 rūpī attā hoti arogo
parammaraṇāti. Vedanā .pe. Saññā. Saṅkhārā. Viññāṇaṁ
1 Po. uppajjeyya.
Niccaṁ vā aniccaṁ vāti. Aniccaṁ bhante .pe. Vipariṇāmadhammaṁ
api nu taṁ anupādāya evaṁ diṭṭhi uppajjeyya rūpī attā hoti
arogo parammaraṇāti. No hetaṁ bhante. Iti kho bhikkhave
dukkhe sati dukkhaṁ upādāya dukkhaṁ abhinivissa evaṁ diṭṭhi uppajjati
rūpī attā hoti arogo parammaraṇāti.