[421] Sāvatthī. Kismiṁ nu kho bhikkhave sati kiṁ upādāya
kiṁ abhinivissa evaṁ diṭṭhi uppajjati so attā so loko
so pecca bhavissāmi nicco dhuvo sassato avipariṇāmadhammoti.
Bhagavaṁmūlakā no bhante dhammā .pe. Rūpe kho bhikkhave sati
rūpaṁ upādāya rūpaṁ abhinivissa evaṁ diṭṭhi uppajjati so attā
.pe. Avipariṇāmadhammo vedanāya sati .pe. Saññāya sati.
Saṅkhāresu sati. Viññāṇe sati viññāṇaṁ upādāya viññāṇaṁ
abhinivissa evaṁ diṭṭhi uppajjati so attā so loko so
pecca bhavissāmi nicco dhuvo sassato avipariṇāmadhammo 1 .

[422] Taṁ kiṁ maññatha bhikkhave rūpaṁ niccaṁ vā aniccaṁ vāti.
Aniccaṁ bhante .pe. Vipariṇāmadhammaṁ api nu taṁ anupādāya
1 Ma. Yu. avipariṇāmadhammoti.
Evaṁ diṭṭhi uppajjeyya so attā .pe. Avipariṇāmadhammoti.
No hetaṁ bhante. Vedanā. Saññā. Saṅkhārā. Viññāṇaṁ
niccaṁ vā aniccaṁ vāti. Aniccaṁ bhante. Api nu taṁ anupādāya
evaṁ diṭṭhi uppajjeyya so attā .pe. Avipariṇāmadhammoti.
No hetaṁ bhante. Yampidaṁ diṭṭhaṁ sutaṁ mutaṁ viññātaṁ pattaṁ
pariyesitaṁ anuvicaritaṁ manasā taṁpi niccaṁ vā aniccaṁ vāti.
Aniccaṁ bhante. Yaṁ panāniccaṁ .pe. Api nu taṁ anupādāya evaṁ
diṭṭhi uppajjeyya so attā so loko so pecca bhavissāmi
nicco dhuvo sassato avipariṇāmadhammoti. No hetaṁ bhante.
Yato kho bhikkhave ariyasāvakassa imesu chasu ṭhānesu kaṅkhā
pahīnā hoti dukkhepissa kaṅkhā pahīnā hoti .pe. Dukkhanirodhagāminiyā
paṭipadāyapissa kaṅkhā pahīnā hoti. Ayaṁ vuccati
bhikkhave ariyasāvako sotāpanno avinipātadhammo niyato
sambodhiparāyanoti.

[423] Sāvatthī. Kismiṁ nu kho bhikkhave sati kiṁ upādāya kiṁ
abhinivissa evaṁ diṭṭhi uppajjati no cassaṁ no ca me siyā na
bhavissati 1 na me bhavissatīti. Bhagavaṁmūlakā no bhante dhammā
.pe. Rūpe kho bhikkhave sati rūpaṁ upādāya rūpaṁ abhinivissa evaṁ
diṭṭhi uppajjati no cassaṁ no ca me siyā na bhavissati na
1 bhavissāmītipi pāṭho. Ma. nābhavissa.
Me bhavissatīti. Vedanāya sati. Saññāya sati. Saṅkhāresu
sati. Viññāṇe sati viññāṇaṁ upādāya viññāṇaṁ abhinivissa
evaṁ diṭṭhi uppajjati no cassaṁ no ca me siyā na bhavissati
na me bhavissatīti.

[424] Taṁ kiṁ maññatha bhikkhave rūpaṁ niccaṁ vā aniccaṁ vāti.
Aniccaṁ bhante .pe. Api nu taṁ anupādāya evaṁ diṭṭhi uppajjeyya
no cassaṁ no ca me siyā na bhavissati na me bhavissatīti.
No hetaṁ bhante. Vedanā. Saññā. Saṅkhārā. Viññāṇaṁ
niccaṁ vā aniccaṁ vāti. Aniccaṁ bhante. Yaṁ panāniccaṁ .pe.
Api nu taṁ anupādāya evaṁ diṭṭhi uppajjeyya no cassaṁ no
ca me siyā na bhavissati na me bhavissatīti. No hetaṁ bhante.
Yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā
taṁpi niccaṁ vā aniccaṁ vāti. Aniccaṁ bhante .pe. Api nu
taṁ anupādāya evaṁ diṭṭhi uppajjeyya no cassaṁ no ca me
siyā na bhavissati na me bhavissatīti. No hetaṁ bhante.
Yato kho bhikkhave ariyasāvakassa imesu chasu ṭhānesu kaṅkhā
pahīnā hoti dukkhepissa kaṅkhā pahīnā hoti .pe. Dukkhanirodhagāminiyā
paṭipadāyapissa kaṅkhā pahīnā hoti. Ayaṁ vuccati
bhikkhave ariyasāvako sotāpanno avinipātadhammo niyato
sambodhiparāyanoti.

[425] Sāvatthī. Kismiṁ nu kho bhikkhave sati kiṁ upādāya
kiṁ abhinivissa evaṁ diṭṭhi uppajjati natthi dinnaṁ natthi yiṭṭhaṁ
natthi hutaṁ natthi sukatadukkaṭānaṁ kammānaṁ phalaṁ vipāko natthi
ayaṁ loko natthi paraloko natthi mātā natthi pitā natthi
sattā upapātikā natthi loke samaṇabrāhmaṇā sammaggatā
sammāpaṭipannā ye imañca lokaṁ parañca lokaṁ sayaṁ abhiññā
sacchikatvā pavedenti cātummahābhūtikoyaṁ puriso yadā 1 kālaṁ karoti
paṭhavī paṭhavīkāyaṁ anupeti anupagacchati āpo āpokāyaṁ
anupeti anupagacchati tejo tejokāyaṁ anupeti anupagacchati vāyo
vāyokāyaṁ anupeti anupagacchati ākāsaṁ indriyāni saṅkamanti 2
āsandipañcamā purisā mataṁ ādāya gacchati yāva āhaḷanā
padāni paññāyanti kāpotakāni aṭṭhīni bhavanti bhassantā 3
āhutiyo dattupaññattamidaṁ 4 dānaṁ nāma tesaṁ tucchaṁ musā vilāpo
ye keci atthikavādaṁ vadanti bāle ca paṇḍite ca kāyassa bhedā
ucchijjanti vinassanti na honti parammaraṇāti. Bhagavaṁmūlakā no
bhante dhammā .pe. Rūpe kho bhikkhave sati rūpaṁ upādāya rūpaṁ
abhinivissa evaṁ diṭṭhi uppajjati natthi dinnaṁ natthi yiṭṭhaṁ
.pe. Kāyassa bhedā ucchijjanti vinassanti na honti parammaraṇā 5 .
Vedanāya sati .pe. Saññāya sati. Saṅkhāresu sati. Viññāṇe
1 Po. yathākālaṁ. 2 pakkamantīti vā pāṭho. 3 bhasmantātipi pāṭho.
Yu. bhasmantāhutiyo. 4 Ma. dattupaññattaṁ yadidaṁ dānaṁ tesaṁ. 5 Ma. parammaraṇāti.
Sati viññāṇaṁ upādāya viññāṇaṁ abhinivissa evaṁ diṭṭhi uppajjati
natthi dinnaṁ natthi yiṭṭhaṁ .pe. Kāyassa bhedā ucchijjanti
vinassanti na honti parammaraṇā.

[426] Taṁ kiṁ maññatha bhikkhave rūpaṁ niccaṁ vā aniccaṁ vāti.
Aniccaṁ bhante. Yaṁ panāniccaṁ dukkhaṁ vipariṇāmadhammaṁ api nu taṁ
anupādāya evaṁ diṭṭhi uppajjeyya natthi dinnaṁ natthi yiṭṭhaṁ
.pe. Kāyassa bhedā ucchijjanti vinassanti na honti parammaraṇāti.
No hetaṁ bhante. Vedanā .pe. Saññā. Saṅkhārā.
Viññāṇaṁ niccaṁ vā aniccaṁ vāti. Aniccaṁ bhante .pe. Api
nu taṁ anupādāya evaṁ diṭṭhi uppajjeyya natthi dinnaṁ natthi
yiṭṭhaṁ .pe. Kāyassa bhedā ucchijjanti vinassanti na honti
parammaraṇāti. No hetaṁ bhante. Yampidaṁ diṭṭhaṁ sutaṁ mutaṁ
viññātaṁ pattaṁ pariyesitaṁ anuvicaritaṁ manasā taṁpi niccaṁ vā aniccaṁ
vāti. Aniccaṁ bhante .pe. Api nu taṁ anupādāya evaṁ diṭṭhi
uppajjeyya natthi dinnaṁ natthi yiṭṭhaṁ .pe. Ye keci atthikavādaṁ
vadanti bāle ca paṇḍite ca kāyassa bhedā ucchijjanti
vinassanti na honti parammaraṇāti. No hetaṁ bhante.
Yato kho bhikkhave ariyasāvakassa imesu chasu ṭhānesu kaṅkhā
pahīnā hoti dukkhepissa kaṅkhā pahīnā hoti .pe. Dukkhanirodhagāminiyā
paṭipadāyapissa kaṅkhā pahīnā hoti. Ayaṁ vuccati
Bhikkhave ariyasāvako sotāpanno avinipātadhammo niyato
sambodhiparāyanoti.

[427] Sāvatthī. Kismiṁ nu kho bhikkhave sati kiṁ upādāya
kiṁ abhinivissa evaṁ diṭṭhi uppajjati karato 1 kārayato chindato
chedāpayato pacato 2 pacāpayato socato socāpayato 3 kilamato
kilamāpayato phandato phandāpayato pāṇamatipātāpayato adinnaṁ ādiyato
sandhiṁ chindato nillopaṁ harato ekāgārikaṁ karoto paripanthe
tiṭṭhato paradāraṁ gacchato musā bhaṇato karato na kariyati pāpaṁ
khurapariyantena cepi cakkena yo imissā paṭhaviyā pāṇe ekaṁ
maṁsakhalaṁ ekaṁ maṁsapuñjaṁ kareyya natthi tatonidānaṁ pāpaṁ natthi
pāpassa āgamo dakkhiṇañcepi gaṅgāya tīraṁ gaccheyya hananto
ghātento chindanto chedāpento pacanto pacāpento 4 natthi
tatonidānaṁ pāpaṁ natthi pāpassa āgamo uttarañcepi gaṅgāya
tīraṁ gaccheyya dadanto dāpento 5 yajanto yajāpento 6 natthi
tatonidānaṁ puññaṁ natthi puññassa āgamo dānena damena
saṁyamena saccavajjena natthi puññaṁ natthi puññassa āgamoti.
Bhagavaṁmūlakā no bhante dhammā .pe. Rūpe kho bhikkhave sati
rūpaṁ upādāya rūpaṁ abhinivissa evaṁ diṭṭhi uppajjati karato
kārayato .pe. Natthi puññaṁ natthi puññassa āgamo.
Vedanāya sati .pe. Saññāya sati. Saṅkhāresu sati.
1 Ma. karoto. 2 Yu. vadhato vadhāpayato. 3 Yu. socayato. 4 Ma. Yu. pācento.
5 Po. dadāpento. 6 Yu. yājento.
Viññāṇe sati viññāṇaṁ upādāya viññāṇaṁ abhinivissa evaṁ
diṭṭhi uppajjati karato kārayato .pe. Natthi puññaṁ natthi
puññassa āgamo.

[428] Taṁ kiṁ maññatha bhikkhave rūpaṁ niccaṁ vā aniccaṁ vāti.
Aniccaṁ bhante .pe. Vipariṇāmadhammaṁ api nu taṁ anupādāya
evaṁ diṭṭhi uppajjeyya karato kārayato .pe. Natthi puññaṁ
natthi puññassa āgamoti. No hetaṁ bhante. Vedanā .pe.
Saññā. Saṅkhārā. Viññāṇaṁ niccaṁ vā aniccaṁ vāti. Aniccaṁ
bhante .pe. Api nu taṁ anupādāya evaṁ diṭṭhi uppajjeyya karato
kārayato .pe. Natthi puññassa āgamoti. No hetaṁ bhante.
Yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā
taṁpi niccaṁ vā aniccaṁ vāti. Aniccaṁ bhante .pe. Api nu
taṁ anupādāya evaṁ diṭṭhi uppajjeyya karato kārayato .pe.
Natthi puññaṁ natthi puññassa āgamoti. No hetaṁ bhante.
Yato kho bhikkhave ariyasāvakassa imesu chasu ṭhānesu kaṅkhā
pahīnā hoti dukkhepissa kaṅkhā pahīnā hoti .pe. Dukkhanirodhagāminiyā
paṭipadāyapissa kaṅkhā pahīnā hoti. Ayaṁ vuccati bhikkhave
ariyasāvako sotāpanno avinipātadhammo niyato sambodhiparāyanoti.

[429] Sāvatthī. Kismiṁ nu kho bhikkhave sati kiṁ upādāya
kiṁ abhinivissa evaṁ diṭṭhi uppajjati natthi hetu natthi paccayo
Sattānaṁ saṅkilesāya ahetū 1 appaccayā sattā saṅkilissanti natthi
hetu natthi paccayo sattānaṁ visuddhiyā ahetū appaccayā sattā
visujjhanti natthi balaṁ natthi viriyaṁ natthi purisathāmo natthi purisaparakkamo
sabbe sattā sabbe pāṇā sabbe bhūtā sabbe jīvā
avasā abalā aviriyā niyatisaṅgatibhāvapariṇatā chasvevābhijātīsu sukhadukkhaṁ
paṭisaṁvedentīti. Bhagavaṁmūlakā no bhante dhammā .pe. Rūpe
kho bhikkhave sati rūpaṁ upādāya rūpaṁ abhinivissa evaṁ diṭṭhi uppajjati
natthi hetu natthi paccayo .pe. Sukhadukkhaṁ paṭisaṁvedentīti.
Vedanāya sati .pe. Saññāya sati. Saṅkhāresu sati. Viññāṇe
sati viññāṇaṁ upādāya viññāṇaṁ abhinivissa evaṁ diṭṭhi uppajjati
natthi hetu natthi paccayo .pe. Sukhadukkhaṁ paṭisaṁvedentīti.

[430] Taṁ kiṁ maññatha bhikkhave rūpaṁ niccaṁ vā aniccaṁ vāti.
Aniccaṁ bhante .pe. Vipariṇāmadhammaṁ api nu taṁ anupādāya
evaṁ diṭṭhi uppajjeyya natthi hetu natthi paccayo .pe.
Sukhadukkhaṁ paṭisaṁvedentīti. No hetaṁ bhante. Vedanā .pe.
Saññā. Saṅkhārā. Viññāṇaṁ niccaṁ vā aniccaṁ vāti. Aniccaṁ
bhante .pe. Api nu taṁ anupādāya evaṁ diṭṭhi uppajjeyya
natthi hetu natthi paccayo .pe. Sukhadukkhaṁ paṭisaṁvedentīti.
No hetaṁ bhante. Yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ
anuvicaritaṁ manasā taṁpi niccaṁ vā aniccaṁ vāti. Aniccaṁ bhante .pe.
1 Yu. ahetu.
Api nu taṁ anupādāya evaṁ diṭṭhi uppajjeyya natthi hetu
natthi paccayo .pe. Sukhadukkhaṁ paṭisaṁvedentīti. No hetaṁ bhante.
Yato kho bhikkhave ariyasāvakassa imesu chasu ṭhānesu kaṅkhā pahīnā
hoti dukkhepissa kaṅkhā pahīnā hoti .pe. Dukkhanirodhagāminiyā
paṭipadāyapissa kaṅkhā pahīnā hoti. Ayaṁ vuccati bhikkhave ariyasāvako
sotāpanno avinipātadhammo niyato sambodhiparāyanoti.