[262] Upasampanno upasampannassa sutvā upasampannassa
pesuññaṁ upasaṁharati itthannāmo taṁ gotamo moggallāno
kaccāyano vāseṭṭhoti bhaṇatīti āpatti vācāya vācāya
pācittiyassa.

[263] Upasampanno upasampannassa sutvā upasampannassa
pesuññaṁ upasaṁharati itthannāmo taṁ koṭṭhako pupphachaḍḍakoti
bhaṇatīti āpatti vācāya vācāya pācittiyassa.

[264] Upasampanno upasampannassa sutvā upasampannassa
pesuññaṁ upasaṁharati itthannāmo taṁ kasako vāṇijo gorakkhoti
bhaṇatīti āpatti vācāya vācāya pācittiyassa.

[265] Upasampanno upasampannassa sutvā upasampannassa
pesuññaṁ upasaṁharati itthannāmo taṁ naḷakāro kumbhakāro
pesakāro cammakāro nahāpitoti bhaṇatīti āpatti vācāya
vācāya pācittiyassa.

[266] Upasampanno upasampannassa sutvā upasampannassa
pesuññaṁ upasaṁharati itthannāmo taṁ muddhiko gaṇako lekhakoti
bhaṇatīti āpatti vācāya vācāya pācittiyassa.

[267] Upasampanno upasampannassa sutvā upasampannassa
pesuññaṁ upasaṁharati itthannāmo taṁ kuṭṭhiko gaṇḍiko kilāsiko
sosiko apamārikoti bhaṇatīti āpatti vācāya vācāya pācittiyassa.

[268] Upasampanno upasampannassa sutvā upasampannassa
pesuññaṁ upasaṁharati itthannāmo taṁ madhumehikoti bhaṇatīti
āpatti vācāya vācāya pācittiyassa.

[269] Upasampanno upasampannassa sutvā upasampannassa
pesuññaṁ upasaṁharati itthannāmo taṁ atidīgho atirasso atikaṇho
accodātoti bhaṇatīti āpatti vācāya vācāya pācittiyassa.

[270] Upasampanno upasampannassa sutvā upasampannassa
pesuññaṁ upasaṁharati itthannāmo taṁ nātidīgho nātirasso
nātikaṇho nāccodātoti bhaṇatīti āpatti vācāya vācāya
pācittiyassa.

[271] Upasampanno upasampannassa sutvā upasampannassa
pesuññaṁ upasaṁharati itthannāmo taṁ rāgapariyuṭṭhito
dosapariyuṭṭhito mohapariyuṭṭhitoti bhaṇatīti āpatti vācāya
vācāya pācittiyassa.