[580] Pārājikena dhammenāti catunnaṁ aññatarena. Anuddhaṁseyyāti
codeti vā codāpeti vā. Appevanāma naṁ imamhā brahmacariyā
cāveyyanti bhikkhubhāvā cāveyyaṁ samaṇadhammā cāveyyaṁ sīlakkhandhā
cāveyyaṁ tapoguṇā cāveyyaṁ.

[581] Tato aparena samayenāti yasmiṁ khaṇe anuddhaṁsito hoti
taṁ khaṇaṁ taṁ layaṁ taṁ muhuttaṁ vītivatte. Samanuggāhiyamānoti yena
vatthunā anuddhaṁsito hoti tasmiṁ vatthusmiṁ samanuggāhiyamāno.
Asamanuggāhiyamānoti na kenaci vuccamāno.

[582] Adhikaraṇaṁ nāma cattāri adhikaraṇāni vivādādhikaraṇaṁ
anuvādādhikaraṇaṁ 1 āpattādhikaraṇaṁ kiccādhikaraṇaṁ.

[583] Koci deso lesamatto upādinnoti tesaṁ dasannaṁ lesānaṁ
aññataro leso upādinno hoti.

[584] Bhikkhu ca dosaṁ patiṭṭhātīti tucchakaṁ mayaṁ bhaṇitaṁ musā
mayā bhaṇitaṁ abhūtaṁ mayā bhaṇitaṁ ajānantena mayā bhaṇitaṁ.
1 ayaṁ pāṭho sabbattha na dissati.
Saṅghādisesoti .pe. Tenapi vuccati saṅghādisesoti.

[585] Bhikkhu saṅghādisesaṁ ajjhāpajjanto diṭṭho hoti saṅghādisese
saṅghādisesadiṭṭhi hoti tañce pārājikena codeti assamaṇosi
asakyaputtiyosi natthi tayā saddhiṁ uposatho vā pavāraṇā vā
saṅghakammaṁ vāti evaṁpi āpattaññabhāgiyaṁ hoti leso ca upādinno
āpatti vācāya vācāya saṅghādisesassa. Bhikkhu saṅghādisesaṁ
ajjhāpajjanto diṭṭho hoti saṅghādisese thullaccayadiṭṭhi hoti
tañce pārājikena codeti assamaṇosi .pe. Saṅghakammaṁ vāti
evaṁpi āpattaññabhāgiyaṁ hoti leso ca upādinno āpatti
vācāya vācāya saṅghādisesassa. Bhikkhu saṅghādisesaṁ ajjhāpajjanto
diṭṭho hoti saṅghādisese pācittiyadiṭṭhi hoti tañce pārājikena
codeti assamaṇosi .pe. Saṅghakammaṁ vāti evaṁpi āpattaññabhāgiyaṁ
hoti leso ca upādinno āpatti vācāya vācāya
saṅghādisesassa. Bhikkhu saṅghādisesaṁ ajjhāpajjanto diṭṭho hoti
saṅghādisese pāṭidesanīyadiṭṭhi hoti .pe. Saṅghādisese dukkaṭadiṭṭhi
hoti .pe. Saṅghādisese dubbhāsitadiṭṭhi hoti tañce pārājikena
codeti assamaṇosi .pe. Saṅghakammaṁ vāti evaṁpi āpattaññabhāgiyaṁ
hoti leso ca upādinno āpatti vācāya vācāya saṅghādisesassa.

[586] Bhikkhu thullaccayaṁ ajjhāpajjanto diṭṭho hoti thullaccaye
thullaccayadiṭṭhi hoti .pe. Thullaccaye pācittiyadiṭṭhi hoti .pe.
Thullaccaye pāṭidesanīyadiṭṭhi hoti .pe. Thullaccaye dukkaṭadiṭṭhi
hoti .pe. Thullaccaye dubbhāsitadiṭṭhi hoti .pe. Thullaccaye
saṅghādisesadiṭṭhi hoti tañce pārājikena codeti assamaṇosi
.pe. Saṅghakammaṁ vāti evaṁpi āpattaññabhāgiyaṁ hoti leso ca
upādinno āpatti vācāya vācāya saṅghādisesassa. Bhikkhu
pācittiyaṁ ajjhāpajjanto diṭṭho hoti .pe. Bhikkhu pāṭidesanīyaṁ
ajjhāpajjanto diṭṭho hoti .pe. Bhikkhu dukkaṭaṁ ajjhāpajjanto
diṭṭho hoti .pe. Bhikkhu dubbhāsitaṁ ajjhāpajjanto diṭṭho hoti
dubbhāsite dubbhāsitadiṭṭhi hoti .pe. Dubbhāsite saṅghādisesadiṭṭhi
hoti .pe. Dubbhāsite thullaccayadiṭṭhi hoti .pe. Dubbhāsite
pācittiyadiṭṭhi hoti .pe. Dubbhāsite pāṭidesanīyadiṭṭhi hoti
.pe. Dubbhāsite dukkaṭadiṭṭhi hoti tañce pārājikena codeti
assamaṇosi .pe. Saṅghakammaṁ vāti evaṁpi āpattaññabhāgiyaṁ hoti
leso ca upādinno āpatti vācāya vācāya saṅghādisesassa.
Ekekaṁ mūlaṁ kātūna cakkaṁ bandhitabbaṁ.

[587] Bhikkhu saṅghādisesaṁ ajjhāpajjanto diṭṭho hoti saṅghādisese
saṅghādisesadiṭṭhi hoti tañce pārājikena codāpeti
assamaṇosi .pe. Saṅghakammaṁ vāti evaṁpi āpattaññabhāgiyaṁ
hoti leso ca upādinno āpatti vācāya vācāya saṅghādisesassa.
Bhikkhu saṅghādisesaṁ ajjhāpajjanto diṭṭho hoti saṅghādisese
Thullaccayadiṭṭhi hoti .pe. Saṅghādisese pācittiyadiṭṭhi hoti
.pe. Saṅghādisese pāṭidesanīyadiṭṭhi hoti .pe. Saṅghādisese
dukkaṭadiṭṭhi hoti .pe. Saṅghādisese dubbhāsitadiṭṭhi hoti tañce
pārājikena codāpeti assamaṇosi .pe. Saṅghakammaṁ vāti evaṁpi
āpattaññabhāgiyaṁ hoti leso ca upādinno āpatti vācāya
vācāya saṅghādisesassa.

[588] Bhikkhu thullaccayaṁ ajjhāpajjanto diṭṭho hoti thullaccaye
thullaccayadiṭṭhi hoti .pe. Thullaccaye pācittiyadiṭṭhi hoti .pe.
Thullaccaye pāṭidesanīyadiṭṭhi hoti .pe. Thullaccaye dukkaṭadiṭṭhi
hoti .pe. Thullaccaye dubbhāsitadiṭṭhi hoti .pe. Thullaccaye
saṅghādisesadiṭṭhi hoti tañce pārājikena codāpeti assamaṇosi
.pe. Saṅghakammaṁ vāti evaṁpi āpattaññabhāgiyaṁ hoti leso
ca upādinno āpatti vācāya vācāya saṅghādisesassa. Bhikkhu
pācittiyaṁ ajjhāpajjanto diṭṭho hoti .pe. Bhikkhu pāṭidesanīyaṁ
ajjhāpajjanto diṭṭho hoti .pe. Bhikkhu dukkaṭaṁ ajjhāpajjanto
diṭṭho hoti .pe. Dubbhāsitaṁ ajjhāpajjanto diṭṭho hoti
dubbhāsite dubbhāsitadiṭṭhi hoti .pe. Dubbhāsite saṅghādisesadiṭṭhi
hoti .pe. Dubbhāsite thullaccayadiṭṭhi hoti .pe. Dubbhāsite
pācittiyadiṭṭhi hoti .pe. Dubbhāsite pāṭidesanīyadiṭṭhi hoti .pe.
Dubbhāsite dukkaṭadiṭṭhi hoti tañce pārājikena codāpeti
Assamaṇosi asakyaputtiyosi natthi tayā saddhiṁ uposatho vā
pavāraṇā vā saṅghakammaṁ vāti evaṁpi āpattaññabhāgiyaṁ hoti
leso ca upādinno āpatti vācāya vācāya saṅghādisesassa.

[589] Anāpatti tathāsaññī codeti vā codāpeti vā
ummattakassa ādikammikassāti.
Navamasaṅghādisesaṁ niṭṭhitaṁ.
----------------
Dasamasaṅghādisesaṁ