พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Vinayapiṭake parivāro (เล่ม 8)

[1120] Kinti te diṭṭhanti liṅgapucchā iriyāpathapucchā
ākārapucchā vippakārapucchā. Liṅgapucchāti dīghaṁ vā rassaṁ vā
kaṇhaṁ vā odātaṁ vā. Iriyāpathapucchāti gacchantaṁ vā ṭhitaṁ
vā nisinnaṁ vā nipannaṁ vā. Ākārapucchāti gihiliṅge vā
titthiyaliṅge vā pabbajitaliṅge vā. Vippakārapucchāti gacchantaṁ
vā ṭhitaṁ vā nisinnaṁ vā nipannaṁ vā.

Vinayapiṭake parivāro (เล่ม 8)

[1121] Kadā te diṭṭhanti kālapucchā samayapucchā divasapucchā
utupucchā. Kālapucchāti pubbaṇhakāle vā majjhantikakāle vā
sāyaṇhakāle vā. Samayapucchāti pubbaṇhasamaye vā majjhantikasamaye
vā sāyaṇhasamaye vā. Divasapucchāti purebhattaṁ vā
pacchābhattaṁ vā rattiṁ vā divā vā kāḷe vā juṇhe vā.
Utupucchāti hemante vā gimhe vā vasse vā.

Vinayapiṭake parivāro (เล่ม 8)

[1122] Kattha te diṭṭhanti ṭhānapucchā bhūmipucchā okāsapucchā
padesapucchā. Ṭhānapucchāti bhūmiyā vā paṭhaviyā vā dharaṇiyā
vā jagatiyā vā. Bhūmipucchāti bhūmiyā vā pabbate vā pāsāṇe
vā pāsāde vā. Okāsapucchāti puratthime vā okāse
Pacchime vā okāse uttare vā okāse dakkhiṇe vā okāse.
Padesapucchāti puratthime vā padese pacchime vā padese uttare
vā padese dakkhiṇe vā padeseti.
Mahāsaṅgāmaṁ niṭṭhitaṁ.
Tassuddānaṁ

Vinayapiṭake parivāro (เล่ม 8)

[1123] Vatthu nidānaṁ ākāro pubbāparaṁ katākataṁ
kammādhikaraṇañceva samatho chandagāmi ca
dosā mohā bhayā ceva saññā nijjhāpanena ca
pekkhā pasāde pakkhomhi sutatheratarena ca
asampattañca sampattaṁ dhammena vinayena ca
satthussa sāsanenāpi mahāsaṅgāmañāpanāti.
-------------
Kaṭhinabhedaṁ

Vinayapiṭake parivāro (เล่ม 8)

[1124] Kassa kaṭhinaṁ anatthataṁ kassa kaṭhinaṁ atthataṁ kinti
kaṭhinaṁ anatthataṁ kinti kaṭhinaṁ atthataṁ.

Vinayapiṭake parivāro (เล่ม 8)

[1125] Kassa kaṭhinaṁ anatthatanti dvinnaṁ puggalānaṁ anatthataṁ
hoti kaṭhinaṁ anatthārakassa ca ananumodakassa ca imesaṁ dvinnaṁ
puggalānaṁ anatthataṁ hoti kaṭhinaṁ.

Vinayapiṭake parivāro (เล่ม 8)

[1126] Kassa kaṭhinaṁ atthatanti dvinnaṁ puggalānaṁ atthataṁ hoti
kaṭhinaṁ atthārakassa ca anumodakassa ca imesaṁ dvinnaṁ puggalānaṁ
atthataṁ hoti kaṭhinaṁ.

Vinayapiṭake parivāro (เล่ม 8)

[1127] Kinti kaṭhinaṁ anatthatanti catuvīsatiyā ākārehi anatthataṁ
hoti kaṭhinaṁ na ullikhitamattena atthataṁ hoti kaṭhinaṁ na
dhovanamattena atthataṁ hoti kaṭhinaṁ na cīvaravicāraṇamattena atthataṁ
hoti kaṭhinaṁ na chedanamattena atthataṁ hoti kaṭhinaṁ na bandhanamattena
atthataṁ hoti kaṭhinaṁ na ovaṭṭikakaraṇamattena atthataṁ
hoti kaṭhinaṁ na kaṇḍūsakaraṇamattena atthataṁ hoti kaṭhinaṁ na
daḷhīkammakaraṇamattena atthataṁ hoti kaṭhinaṁ na anuvātakaraṇamattena
atthataṁ hoti kaṭhinaṁ na paribhaṇḍakaraṇamattena atthataṁ hoti kaṭhinaṁ
na ovaṭṭeyyakaraṇamattena 1 atthataṁ hoti kaṭhinaṁ na kamalamaddanamattena
atthataṁ hoti kaṭhinaṁ na nimittakatena atthataṁ hoti kaṭhinaṁ
1 Ma. ovaddheyyakaraṇamattena.
Na parikathākatena atthataṁ hoti kaṭhinaṁ na kukkukatena atthataṁ hoti
kaṭhinaṁ na sannidhikatena atthataṁ hoti kaṭhinaṁ na nissaggiyena
atthataṁ hoti kaṭhinaṁ na akappakatena atthataṁ hoti kaṭhinaṁ na
aññatra saṅghāṭiyā atthataṁ hoti kaṭhinaṁ na aññatra
uttarāsaṅgena atthataṁ hoti kaṭhinaṁ na aññatra antaravāsakena
atthataṁ hoti kaṭhinaṁ na aññatra pañcakena vā atirekapañcakena
vā tadaheva sañchinnena samaṇḍalīkatena atthataṁ hoti kaṭhinaṁ na
aññatra puggalassa atthārā atthataṁ hoti kaṭhinaṁ na sammā
ceva atthataṁ hoti kaṭhinaṁ tañce nissīmaṭṭho anumodati.
Evampi anatthataṁ hoti kaṭhinaṁ.

Vinayapiṭake parivāro (เล่ม 8)

[1128] Nimittakammaṁ nāma nimittaṁ karoti iminā dussena
kaṭhinaṁ attharissāmīti. Parikathā nāma parikathaṁ karoti imāya
parikathāya kaṭhinadussaṁ nibbattessāmīti. Kukkukataṁ nāma anādiyadānaṁ
vuccati. Sannidhi nāma dve sannidhiyo karaṇasannidhi ca 1
nicayasannidhi ca 1 . Nissaggiyaṁ nāma kayiramāne 2 aruṇaṁ udriyati 3 .
Imehi catuvīsatiyā ākārehi anatthataṁ hoti kaṭhinaṁ.

Vinayapiṭake parivāro (เล่ม 8)

[1129] Kinti kaṭhinaṁ atthatanti sattarasahi ākārehi atthataṁ
hoti kaṭhinaṁ ahatena atthataṁ hoti kaṭhinaṁ ahatakappena atthataṁ
hoti kaṭhinaṁ pilotikāya atthataṁ hoti kaṭhinaṁ paṁsukūlena atthataṁ
hoti kaṭhinaṁ pāpaṇikena atthataṁ hoti kaṭhinaṁ animittakatena
1 Ma. vā 2 Yu. kariyamāne. 3 Ma. uṭṭhahati.
Atthataṁ hoti kaṭhinaṁ aparikathākatena atthataṁ hoti kaṭhinaṁ akukkukatena
atthataṁ hoti kaṭhinaṁ asannidhikatena atthataṁ hoti kaṭhinaṁ
anissaggiyena atthataṁ hoti kaṭhinaṁ kappakatena atthataṁ hoti kaṭhinaṁ
saṅghāṭiyā atthataṁ hoti kaṭhinaṁ uttarāsaṅgena atthataṁ hoti
kaṭhinaṁ antaravāsakena atthataṁ hoti kaṭhinaṁ pañcakena vā
atirekapañcakena vā tadaheva sañchinnena samaṇḍalīkatena atthataṁ
hoti kaṭhinaṁ puggalassa atthārā atthataṁ hoti kaṭhinaṁ sammā
ceva atthataṁ hoti kaṭhinaṁ tañce sīmaṭṭho anumodati. Evampi
atthataṁ hoti kaṭhinaṁ. Imehi sattarasahi ākārehi atthataṁ hoti kaṭhinaṁ.