[830] Bhedānuvattadubbaca- dūsaduṭṭhulladiṭṭhi ca
chandaṁ ujjagghikā dve ca dve ca saddā na byāhare
chamā nīcāsane ṭhānaṁ pacchato uppathena ca
vajjānuvatti gahaṇā osāre paccācikkhanā
kismiṁ saṁsaṭṭhā dve vadhi visibbe dukkhitāya ca
puna saṁsaṭṭhā na vūpasame ārāmañca pavāraṇā
anvaḍḍhamāsaṁ 6 sahajīvinī dve cīvaraṁ anubandhanā
1 Ma. dvāradānasibbāni ca. 2 Ma. Yu. na ca cittā. 3 Ma. Yu. na vācikā.
4 Ma. Yu. dvārehi. 5 Ma. Yu. ete. 6 Ma. anvaddhaṁ sahajīviniṁ.
Sattatiṁsa ime dhammā kāyavācāya cittato
sabbe ekasamuṭṭhānā samanubhāsanā yathā.
Samanubhāsanasamuṭṭhānaṁ niṭṭhitaṁ.

[831] Ubbhataṁ kaṭhinaṁ tīṇi paṭhamaṁ pattabhesajjaṁ
accekañcāpi 1 sāsaṅkaṁ pakkamantena vā duve
upassayaṁ paramparā anatirittaṁ nimantanā
vikappaṁ rañño vikāle vosāsāraññakena 2 ca
usūyā 3 sannicayañca pūre pacchā vikāle ca
pañcāhikā saṅkamanī 4 dvepi āvasathena ca
pasākhe āsane ceva 5 tiṁsaekūnakā ime
kāyavācā na cittato 6 tīhi dvārehi jāyare
dvisamuṭṭhānikā sabbe kaṭhinena sahā samā 7 .
Kaṭhinasamuṭṭhānaṁ niṭṭhitaṁ.

[832] Eḷakalomā dve seyyā āhaccapiṇḍabhojanaṁ
gaṇavikāle sannidhi dantapoṇenacelakā
uyyuttaṁ vase 8 uyyodhi surā orena nhāyanā
dubbaṇṇe dve desanikā lasuṇuttiṭṭhe 9 naccanā.
Nhānaṁ attharaṇaṁ seyyā antoraṭṭhe tathā bahi
1 Sī. Yu. accekaṁ vāpi. 2 vosāsāraññitena. 3 Ma. Yu. ussayā.
4 Po. saṅkamani. Yu. saṅkamaṇi. 5 Po. dve pasākhe ca āsane.
6 Ma. Yu. na ca cittā. 7 Po. samā samā. 8 Ma. Yu. senaṁ.
9 Ma. lasuṇupatiṭṭhe.
Antovassaṁ cittāgāraṁ āsandi suttakantanā
veyyāvaccaṁ sahatthā ca abhikkhukāvāsena ca
chattaṁ yānañca saṅghāṇiṁ alaṅkāraṁ gandhavāsitaṁ
bhikkhunī sikkhamānā ca sāmaṇerī gihiniyā
asaṅkacchikā āpattī cattārīsā ca catuttari
kāyena na vācācittena kāyacittena na vācato
dvisamuṭṭhānikā sabbe samā eḷakalomakā.
Eḷakalomasamuṭṭhānaṁ niṭṭhitaṁ.

[833] Padaññatra asammatā tathā atthaṅgatena ca
tiracchānavijjā dve vuttā anokāse 1 ca pucchanā
satta sikkhāpadā ete vācā na kāyacittato
vācācittena jāyanti na tu kāyena jāyare
dvisamuṭṭhānikā sabbe padasodhammasādisā.
Padasodhammasamuṭṭhānaṁ niṭṭhitaṁ.

[834] Addhānanāvaṁ paṇītaṁ mātugāmena saṅghare
dhaññaṁ nimantitā ceva aṭṭha ca pāṭidesanī 2
sikkhā paṇṇarasā 3 ete kāyā na vācā na manā
kāyavācāya 4 jāyanti na te cittena jāyare
kāyacittena jāyanti na te jāyanti vācato
kāyavācāya 4 cittena samuṭṭhānā catubbidhā
1 Ma. anokāso. 2 Po. Yu. pāṭidesani. 3 Ma. paṇṇarasa. 4 Ma. kāyavācāhi.
Paññattā buddhañāṇena addhānena samā nayā 1 .
Addhānasamuṭṭhānaṁ niṭṭhitaṁ.

[835] Theyyasatthaṁ upassuti sūpaviññāpanena ca
ratti channañca okāsaṁ ete byūhena sattamā
kāyacittena jāyanti na te jāyanti vācato
tīhi dvārehi jāyanti dvisamuṭṭhānikā ime
theyyasatthasamuṭṭhānā desitādiccabandhunā.
Theyyasatthasamuṭṭhānaṁ niṭṭhitaṁ.

[836] Chattapāṇissa saddhammaṁ na desenti tathāgatā
tatheva 2 daṇḍapāṇissa satthāavudhapāṇinaṁ
pādukupāhanā yānaṁ seyyā pallatthikāya ca
veṭhitoguṇṭhito ceva ekādasamanūnakā
vācācittena jāyanti na te jāyanti kāyato
sabbe ekasamuṭṭhānā samakā dhammadesanā 3 .
Dhammadesanasamuṭṭhānaṁ niṭṭhitaṁ.

[837] Bhūtaṁ kāyena jāyati na vācāya na cittato
vācato ca samuṭṭhāti na kāyā na ca cittato
kāyavācāya jāyati na ca 4 jāyati cittato
1 Ma. Yu. sahāsamā. 2 Ma. Yu. evameva. 3 Ma. Yu. sammatādhammadesane.
4 Ma. Yu. tu.
Bhūtārocanakannāma 1 tīhi ṭhānehi jāyati.
Bhūtārocanasamuṭṭhānaṁ niṭṭhitaṁ.

[838] Corī vācāya cittena na taṁ 2 jāyati kāyato
jāyati tīhi dvārehi corīvuṭṭhāpanaṁ idaṁ
akataṁ dvisamuṭṭhānaṁ dhammarājena ṭhapitaṁ 3 .
Corīvuṭṭhāpanasamuṭṭhānaṁ niṭṭhitaṁ

[839] Ananuññātaṁ vācāya na kāyā na ca cittato
jāyati kāyavācāya na taṁ jāyati cittato
jāyati vācācittena na taṁ jāyati kāyato
jāyati tīhi ṭhānehi 4 akataṁ catuṭṭhānikaṁ.
Ananuññātasamuṭṭhānaṁ niṭṭhitaṁ.