[820] Kāyasaṁsaggaṁ sādiyanapaccayā āpattiyo sattannaṁ
āpattikkhandhānaṁ katīhi āpattikkhandhehi saṅgahitā. Kāyasaṁsaggaṁ
sādiyanapaccayā āpattiyo sattannaṁ āpattikkhandhānaṁ pañcahi
āpattikkhandhehi saṅgahitā siyā pārājikāpattikkhandhena siyā
saṅghādisesāpattikkhandhena siyā thullaccayāpattikkhandhena siyā
pācittiyāpattikkhandhena siyā dukkaṭāpattikkhandhena .pe. Dadhiṁ
1 Yu. khādissāmi.
Viññāpetvā bhuñjanapaccayā āpattiyo sattannaṁ āpattikkhandhānaṁ
katīhi āpattikkhandhehi saṅgahitā. Dadhiṁ viññāpetvā
bhuñjanapaccayā āpattiyo sattannaṁ āpattikkhandhānaṁ dvīhi
āpattikkhandhehi saṅgahitā siyā pāṭidesanīyāpattikkhandhena siyā
dukkaṭāpattikkhandhena.
Saṅgahavāraṁ niṭṭhitaṁ catutthaṁ.

[821] Kāyasaṁsaggaṁ sādiyanapaccayā āpattiyo channaṁ āpattisamuṭṭhānānaṁ
katīhi samuṭṭhānehi samuṭṭhahanti. Kāyasaṁsaggaṁ sādiyanapaccayā
āpattiyo channaṁ āpattisamuṭṭhānānaṁ ekena samuṭṭhānena
samuṭṭhahanti kāyato ca cittato ca samuṭṭhahanti na vācato .pe.
Dadhiṁ viññāpetvā bhuñjanapaccayā āpattiyo channaṁ āpattisamuṭṭhānānaṁ
katīhi samuṭṭhānehi samuṭṭhahanti. Dadhiṁ viññāpetvā
bhuñjanapaccayā āpattiyo channaṁ āpattisamuṭṭhānānaṁ catūhi
samuṭṭhānehi samuṭṭhahanti siyā kāyato samuṭṭhahanti na vācato
na cittato siyā kāyato ca vācato ca samuṭṭhahanti na
cittato siyā kāyato ca cittato ca samuṭṭhahanti na vācato
siyā kāyato ca vācato ca cittato ca samuṭṭhahanti.
Samuṭṭhānavāraṁ niṭṭhitaṁ pañcamaṁ.

[822] Kāyasaṁsaggaṁ sādiyanapaccayā āpattiyo catunnaṁ adhikaraṇānaṁ
katamaṁ adhikaraṇaṁ. Kāyasaṁsaggaṁ sādiyanapaccayā āpattiyo
Catunnaṁ adhikaraṇānaṁ āpattādhikaraṇaṁ .pe. Dadhiṁ viññāpetvā
bhuñjanapaccayā āpattiyo catunnaṁ adhikaraṇānaṁ katamaṁ adhikaraṇaṁ.
Dadhiṁ viññāpetvā bhuñjanapaccayā āpattiyo catunnaṁ adhikaraṇānaṁ
āpattādhikaraṇaṁ.
Adhikaraṇavāraṁ niṭṭhitaṁ chaṭṭhaṁ.

[823] Kāyasaṁsaggaṁ sādiyanapaccayā āpattiyo sattannaṁ
samathānaṁ katīhi samathehi sammanti. Kāyasaṁsaggaṁ sādiyanapaccayā
āpattiyo sattannaṁ samathānaṁ tīhi samathehi sammanti siyā
sammukhāvinayena ca paṭiññātakaraṇena ca siyā sammukhāvinayena ca
tiṇavatthārakena ca .pe. Dadhiṁ viññāpetvā bhuñjanapaccayā
āpattiyo sattannaṁ samathānaṁ katīhi samathehi sammanti. Dadhiṁ
viññāpetvā bhuñjanapaccayā āpattiyo sattannaṁ samathānaṁ tīhi
samathehi sammanti siyā sammukhāvinayena ca paṭiññātakaraṇena ca
siyā sammukhāvinayena ca tiṇavatthārakena ca.
Samathavāraṁ niṭṭhitaṁ sattamaṁ.

[824] Kāyasaṁsaggaṁ sādiyanapaccayā kati āpattiyo āpajjati.
Kāyasaṁsaggaṁ sādiyanapaccayā pañca āpattiyo āpajjati avassutā
bhikkhunī avassutassa purisapuggalassa adhakkhakaṁ ubbhajānumaṇḍalaṁ gahaṇaṁ
sādiyati āpatti pārājikassa bhikkhu kāyena kāyaṁ āmasati
āpatti saṅghādisesassa kāyena kāyapaṭibaddhaṁ āmasati āpatti
Thullaccayassa kāyapaṭibaddhena kāyapaṭibaddhaṁ āmasati āpatti
dukkaṭassa aṅgulipatodake pācittiyaṁ kāyasaṁsaggaṁ sādiyanapaccayā
imā pañca āpattiyo āpajjati. Tā āpattiyo catunnaṁ
vipattīnaṁ kati vipattiyo bhajanti. Sattannaṁ āpattikkhandhānaṁ
katīhi āpattikkhandhehi saṅgahitā. Channaṁ āpattisamuṭṭhānānaṁ
katīhi samuṭṭhānehi samuṭṭhahanti. Catunnaṁ adhikaraṇānaṁ katamaṁ
adhikaraṇaṁ. Sattannaṁ samathānaṁ katīhi samathehi sammanti. Tā
āpattiyo catunnaṁ vipattīnaṁ dve vipattiyo bhajanti siyā
sīlavipattiṁ siyā ācāravipattiṁ. Sattannaṁ āpattikkhandhānaṁ pañcahi
āpattikkhandhehi saṅgahitā siyā pārājikāpattikkhandhena siyā
saṅghādisesāpattikkhandhena siyā thullaccayāpattikkhandhena siyā
pācittiyāpattikkhandhena siyā dukkaṭāpattikkhandhena. Channaṁ āpattisamuṭṭhānānaṁ
ekena samuṭṭhānena samuṭṭhahanti kāyato ca cittato
ca samuṭṭhahanti na vācato. Catunnaṁ adhikaraṇānaṁ āpattādhikaraṇaṁ.
Sattannaṁ samathānaṁ tīhi samathehi sammanti siyā
sammukhāvinayena ca paṭiññātakaraṇena ca siyā sammukhāvinayena ca
tiṇavatthārakena ca .pe.

[825] Dadhiṁ viññāpetvā bhuñjanapaccayā kati āpattiyo
āpajjati. Dadhiṁ viññāpetvā bhuñjanapaccayā dve āpattiyo
āpajjati bhuñjissāmīti paṭiggaṇhāti āpatti dukkaṭassa
Ajjhohāre ajjhohāre āpatti pāṭidesanīyassa dadhiṁ viññāpetvā
bhuñjanapaccayā imā dve āpattiyo āpajjati. Tā
āpattiyo catunnaṁ vipattīnaṁ kati vipattiyo bhajanti. Sattannaṁ
āpattikkhandhānaṁ katīhi āpattikkhandhehi saṅgahitā. Channaṁ āpattisamuṭṭhānānaṁ
katīhi samuṭṭhānehi samuṭṭhahanti. Catunnaṁ adhikaraṇānaṁ
katamaṁ adhikaraṇaṁ. Sattannaṁ samathānaṁ katīhi samathehi sammanti.
Tā āpattiyo catunnaṁ vipattīnaṁ ekaṁ vipattiṁ bhajanti ācāravipattiṁ.
Sattannaṁ āpattikkhandhānaṁ dvīhi āpattikkhandhehi
saṅgahitā siyā pāṭidesanīyāpattikkhandhena siyā dukkaṭāpattikkhandhena.
Channaṁ āpattisamuṭṭhānānaṁ catūhi samuṭṭhānehi samuṭṭhahanti
siyā kāyato samuṭṭhahanti na vācato na cittato siyā kāyato
ca vācato ca samuṭṭhahanti na cittato siyā kāyato ca
cittato ca samuṭṭhahanti na vācato siyā kāyato ca vācato ca
cittato ca samuṭṭhahanti. Catunnaṁ adhikaraṇānaṁ āpattādhikaraṇaṁ.
Sattannaṁ samathānaṁ tīhi samathehi sammanti siyā sammukhāvinayena ca
paṭiññātakaraṇena ca siyā sammukhāvinayena ca tiṇavatthārakena cāti.
Samuccayavāraṁ niṭṭhitaṁ aṭṭhamaṁ.
Aṭṭha paccayavārā niṭṭhitā 1 .
Bhikkhunīvibhaṅge soḷasa mahāvārā 2 niṭṭhitā.
--------------
1 Yu. pāṭhattayamidaṁ natthi. 2 Yu. mahābhedā.
Samuṭṭhānasīsasaṅkhepaṁ 1

[826] Aniccā sabbasaṅkhārā 2 dukkhānattā ca saṅkhatā.
Nibbānañceva paṇṇatti anattā iti nicchayā.
Buddhacande anuppanne buddhādicce anuggate
tesaṁ sabhāgadhammānaṁ nāmamattaṁ na ñāyati 3 .
Dukkaraṁ vividhaṁ katvā pūrayitvāna pāramī 4
uppajjanti mahāvīrā cakkhubhūtā sabrahmake
te desayanti saddhammaṁ dukkhahāniṁ sukhāvahaṁ.
Aṅgīraso sakyamuni sabbabhūtānukampako
sabbasattuttamo sīho piṭake tīṇi desayi
suttantaṁ abhidhammañca vinayañca mahāguṇaṁ.
Evaṁ nīyati saddhammo vinayo yadi tiṭṭhati
ubhato ca vibhaṅgāni khandhakā yā ca mātikā
mālā suttaguṇeneva parivārena ganthitā.
Tasseva parivārassa samuṭṭhānaṁ niyato kataṁ
sambhedanidānañcaññaṁ sutte dissanti upari
tasmā sikkhe parivāraṁ dhammakāmo supesaloti.
Vibhaṅge dvīsu paññattaṁ uddisanti uposathe
pavakkhāmi samuṭṭhānaṁ yathāñāyaṁ suṇātha me.
1 Yu. samuṭṭhānassuddānaṁ. Ma. samuṭṭhānasīsasaṅkhepasamuṭṭhānassuddānaṁ. 2 Ma. Yu.
sabbe. 3 Ma. Yu. nāyati. 4 Yu. pārami.
Pārājikaṁ yaṁ paṭhamaṁ dutiyañca tato paraṁ
sañcarittānubhāsañca atirekañca cīvaraṁ
lomāni padasodhammo bhūtasaṁvidhānena ca
theyyadesanacoriñca ananuññāya 1 terasa.
Terasete samuṭṭhānanayā viññūhi cintitā
ekekasmiṁ samuṭṭhāne sadisā idha dissare.
------------

[827] Methunaṁ sukkasaṁsaggo aniyatā paṭhamikā
pubbūpaparipācitā raho bhikkhuniyā saha
sabhojane raho dve ca aṅguli udake hasaṁ
pahāre uggire ceva tepaññāsā ca sekhiyā
adhakkhagāmāvassutā 2 talamaṭṭhañca suddhikā
vassaṁ vutthā ca ovādaṁ nānubandhe pavattiniṁ
chasattati ime sikkhā kāyamānasikā katā
sabbe ekasamuṭṭhānā paṭhamaṁ pārājikaṁ yathā.
Paṭhamapārājikasamuṭṭhānaṁ niṭṭhitaṁ.

[828] Adinnaṁ viggahuttariṁ 3 duṭṭhullā attakāminaṁ
amūlā aññabhāgiyā aniyatā dutiyikā
acchinde pariṇāmane musā omasapesuṇā
duṭṭhullā paṭhavīkhaṇe 4 bhūtaṁ aññāya ujjhape
1 Ma. Yu. ananuññātāya. 2 Yu. adhakkhakaṁ. 3 Ma. viggahuttari. 4 Yu. paṭhaviṁkhaṇe.
Nikkaḍḍhanaṁ siñcanañca āmisahetu bhuttāvī
ehi anādari bhiṁsā apanidhe ca jīvitaṁ
jānaṁ sappāṇakaṁ kammaṁ ūnasaṁvāsanāsanā
sahadhammikavilekhā moho amūlakena ca
kukkuccaṁ dhammikaṁ 1 [2]- datvā pariṇāmeyya puggale
kinte akālācchinde duggahi nirayena ca
gaṇaṁ vibhaṅgaṁ dubbalaṁ kaṭhinaphāsupassayaṁ 3
akkosacaṇḍī maccharī gabbhinī ca pāyantiyā
dve vassā sikkhā saṅghena tayo ceva gihigatā
kumārībhūtā tisso ca ūnadvādasasammatā
alantāva sokāvassaṁ 4 chandā anuvassā ca dve
sikkhāpadā sattatīme samuṭṭhānā tikā katā
kāyacittena na vācā vācācittā na kāyikā 5
tīhi dvārehi jāyanti pārājikaṁ dutiyaṁ yathā.
Dutiyapārājikasamuṭṭhānaṁ niṭṭhitaṁ.

[829] Sañcari kuṭi vihāro dhovanañca paṭiggaho
viññattuttari abhihaṭṭhuṁ ubhinnaṁ dūtakena ca
kosiyā suddhadvebhāgā chabbassāni nisīdanaṁ
riñcanti rūpikā ceva ubho nānappakārakā
ūnabandhanavassikā suttaṁ vikappanena ca
1 Yu. dhammakaṁ. 2 Ma. cīvaraṁ. 3 Ma. kaṭhināphāsupassayaṁ. 4 Ma. Yu. sokāvāsaṁ.
5 Ma. Yu. vācācittaṁ na kāyikaṁ.
Dvāradānasibbinī 1 ca pūvapaccayajoti ca
ratanaṁ sūci mañco ca tūlaṁ nisīdanakaṇḍu ca
vassikā ca sugatena viññatti aññacetāpanā
dve saṅghikā mahājanikā dve puggalā lahukā garu
dve vighāsā sāṭikā ca samaṇacīvarena ca
samapaññāsime dhammā chahi ṭhānehi jāyare
kāyato na vācācittā vācato na kāyamanā
kāyavācā na cittato 2 kāyacittā na vācato 3
vācācittā na kāyena tīhi ṭhānehi 4 jāyare
chasamuṭṭhānikā cete 5 sañcarittena sādisā.
Sañcarittasamuṭṭhānaṁ niṭṭhitaṁ.