[670] Aññadatthikena parikkhārena aññuddisikena mahājanikena
aññaṁ cetāpentī dve āpattiyo āpajjati cetāpeti payoge
dukkaṭaṁ cetāpite nissaggiyaṁ pācittiyaṁ.

[671] Aññadatthikena parikkhārena aññuddisikena mahājanikena
saññācikena aññaṁ cetāpentī dve āpattiyo āpajjati
cetāpeti payoge dukkaṭaṁ cetāpite nissaggiyaṁ pācittiyaṁ.

[672] Aññadatthikena parikkhārena aññuddisikena puggalikena
saññācikena aññaṁ cetāpentī dve āpattiyo āpajjati
cetāpeti payoge dukkaṭaṁ cetāpite nissaggiyaṁ pācittiyaṁ.

[673] Atirekacatukkaṁsaparamaṁ garupāpuraṇaṁ 1 cetāpentī dve
āpattiyo āpajjati cetāpeti payoge dukkaṭaṁ cetāpite
nissaggiyaṁ pācittiyaṁ.

[674] Atirekaḍḍhateyyakaṁsaparamaṁ lahupāpuraṇaṁ 1 cetāpentī dve
āpattiyo āpajjati cetāpeti payoge dukkaṭaṁ cetāpite
nissaggiyaṁ pācittiyaṁ.
Nissaggiyā pācittiyā niṭṭhitā.

[675] Lasuṇaṁ khādantī dve āpattiyo āpajjati
khādissāmīti paṭiggaṇhāti āpatti dukkaṭassa ajjhohāre
ajjhohāre āpatti pācittiyassa.

[676] Sambādhe lomaṁ saṁharāpentī dve āpattiyo āpajjati
saṁharāpeti payoge dukkaṭaṁ saṁharāpite āpatti pācittiyassa.

[677] Talaghātakaṁ karontī dve āpattiyo āpajjati karoti
payoge dukkaṭaṁ kate āpatti pācittiyassa.

[678] Jatumaṭṭhakaṁ ādiyantī dve āpattiyo āpajjati
ādiyati payoge dukkaṭaṁ ādinne āpatti pācittiyassa.

[679] Atirekadvaṅgulapabbaparamaṁ udakasuddhikaṁ ādiyantī dve
1 Ma. Yu. garupāvuraṇaṁ.
Āpattiyo āpajjati ādiyati payoge dukkaṭaṁ ādinne
āpatti pācittiyassa.