พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Vinayapiṭake parivāro (เล่ม 8)

[380] Pamāṇātikkantaṁ kaṇḍupaṭicchādiṁ kārāpento dve
āpattiyo āpajjati kārāpeti payoge dukkaṭaṁ kārāpite
āpatti pācittiyassa.

Vinayapiṭake parivāro (เล่ม 8)

[381] Pamāṇātikkantaṁ vassikasāṭikaṁ kārāpento dve
āpattiyo āpajjati kārāpeti payoge dukkaṭaṁ kārāpite
āpatti pācittiyassa.

Vinayapiṭake parivāro (เล่ม 8)

[382] Sugatacīvarappamāṇaṁ cīvaraṁ kārāpento kati āpattiyo
āpajjati sugatacīvarappamāṇaṁ cīvaraṁ kārāpento dve āpattiyo
āpajjati kārāpeti payoge dukkaṭaṁ kārāpite āpatti
pācittiyassa sugatacīvarappamāṇaṁ cīvaraṁ kārāpento imā dve
āpattiyo āpajjati.
Rājavaggo navamo.
Khuddakā niṭṭhitā.

Vinayapiṭake parivāro (เล่ม 8)

[383] Aññātikāya bhikkhuniyā antaragharaṁ paviṭṭhāya hatthato
khādanīyaṁ vā bhojanīyaṁ vā sahatthā paṭiggahetvā bhuñjanto kati
āpattiyo āpajjati. Aññātikāya bhikkhuniyā antaragharaṁ
paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā
bhuñjanto dve āpattiyo āpajjati bhuñjissāmīti paṭiggaṇhāti
āpatti dukkaṭassa ajjhohāre ajjhohāre āpatti pāṭidesanīyassa
aññātikāya bhikkhuniyā antaragharaṁ paviṭṭhāya hatthato
khādanīyaṁ vā bhojanīyaṁ vā sahatthā paṭiggahetvā bhuñjanto imā
dve āpattiyo āpajjati.

Vinayapiṭake parivāro (เล่ม 8)

[384] Bhikkhuniyā vosāsantiyā na nivāretvā bhuñjanto
dve āpattiyo āpajjati bhuñjissāmīti paṭiggaṇhāti āpatti
dukkaṭassa ajjhohāre ajjhohāre āpatti pāṭidesanīyassa.

Vinayapiṭake parivāro (เล่ม 8)

[385] Sekkhasammatesu kulesu khādanīyaṁ vā bhojanīyaṁ vā sahatthā
paṭiggahetvā bhuñjanto dve āpattiyo āpajjati bhuñjissāmīti
paṭiggaṇhāti āpatti dukkaṭassa ajjhohāre ajjhohāre
āpatti pāṭidesanīyassa.

Vinayapiṭake parivāro (เล่ม 8)

[386] Āraññakesu senāsanesu pubbe appaṭisaṁviditaṁ khādanīyaṁ
vā bhojanīyaṁ vā ajjhārāme sahatthā paṭiggahetvā bhuñjanto
kati āpattiyo āpajjati. Āraññakesu senāsanesu pubbe
appaṭisaṁviditaṁ khādanīyaṁ vā bhojanīyaṁ vā ajjhārāme sahatthā
Paṭiggahetvā bhuñjanto dve āpattiyo āpajjati bhuñjissāmīti
paṭiggaṇhāti āpatti dukkaṭassa ajjhohāre ajjhohāre
āpatti pāṭidesanīyassa āraññakesu senāsanesu pubbe
appaṭisaṁviditaṁ khādanīyaṁ vā bhojanīyaṁ vā ajjhārāme
sahatthā paṭiggahetvā bhuñjanto imā dve āpattiyo
āpajjati.
Cattāro pāṭidesanīyā niṭṭhitā.

Vinayapiṭake parivāro (เล่ม 8)

[387] Anādariyaṁ paṭicca purato vā pacchato vā olambento
nivāsento kati āpattiyo āpajjati. Anādariyaṁ paṭicca purato
vā pacchato vā olambento nivāsento ekaṁ āpattiṁ āpajjati
dukkaṭaṁ anādariyaṁ paṭicca purato vā pacchato vā olambento
nivāsento imaṁ ekaṁ āpattiṁ āpajjati.

Vinayapiṭake parivāro (เล่ม 8)

[388] Anādariyaṁ paṭicca purato vā pacchato vā olambento
pārupanto ekaṁ āpattiṁ āpajjati dukkaṭaṁ.

Vinayapiṭake parivāro (เล่ม 8)

[389] Anādariyaṁ paṭicca kāyaṁ vivaritvā antaraghare gacchanto
ekaṁ āpattiṁ āpajjati dukkaṭaṁ.