[370] Saṅghe vinicchayakathāya vattamānāya channaṁ adatvā
uṭṭhāyāsanā pakkamanto dve āpattiyo āpajjati parisāya
hatthapāsaṁ avijahantassa 1 āpatti dukkaṭassa vijahite āpatti
pācittiyassa.
1 Ma. Yu. vijahantassa.

[371] Samaggena saṅghena cīvaraṁ datvā pacchā khīyanadhammaṁ
āpajjanto dve āpattiyo āpajjati khīyati payoge dukkaṭaṁ
khīyite āpatti pācittiyassa.

[372] Jānaṁ saṅghikaṁ lābhaṁ pariṇataṁ puggalassa pariṇāmento
dve āpattiyo āpajjati pariṇāmeti payoge dukkaṭaṁ
pariṇāmite āpatti pācittiyassa.
Sahadhammikavaggo aṭṭhamo.

[373] Pubbe appaṭisaṁvidito rañño antepuraṁ pavisanto
dve āpattiyo āpajjati paṭhamaṁ pādaṁ ummāraṁ atikkāmeti
āpatti dukkaṭassa dutiyaṁ pādaṁ atikkāmeti āpatti pācittiyassa.

[374] Ratanaṁ uggaṇhanto dve āpattiyo āpajjati gaṇhāti
payoge dukkaṭaṁ gahite āpatti pācittiyassa.

[375] Santaṁ bhikkhuṁ anāpucchā vikāle gāmaṁ pavisanto dve
āpattiyo āpajjati paṭhamaṁ pādaṁ parikkhepaṁ pavisanto 1 atikkāmeti
āpatti dukkaṭassa dutiyaṁ pādaṁ atikkāmeti āpatti pācittiyassa.

[376] Aṭṭhimayaṁ vā dantamayaṁ vā visāṇamayaṁ vā sūcigharaṁ
kārāpento dve āpattiyo āpajjati kārāpeti payoge
dukkaṭaṁ kārāpite āpatti pācittiyassa.

[377] Pamāṇātikkantaṁ mañcaṁ vā pīṭhaṁ vā kārāpento
dve āpattiyo āpajjati kārāpeti payoge dukkaṭaṁ
1 Ma. ayaṁ pāṭho natthi.
Kārāpite āpatti pācittiyassa.

[378] Mañcaṁ vā pīṭhaṁ vā tūlonaddhaṁ kārāpento dve
āpattiyo āpajjati kārāpeti payoge dukkaṭaṁ kārāpite
āpatti pācittiyassa.

[379] Pamāṇātikkantaṁ nisīdanaṁ kārāpento dve āpattiyo
āpajjati kārāpeti payoge dukkaṭaṁ kārāpite āpatti
pācittiyassa.