พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Vinayapiṭake parivāro (เล่ม 8)

[250] Mātugāmaṁ duṭṭhullāhi vācāhi obhāsanto tisso
āpattiyo āpajjati vaccamaggaṁ passāvamaggaṁ ādissa vaṇṇampi
bhaṇati avaṇṇampi bhaṇati āpatti saṅghādisesassa vaccamaggaṁ
passāvamaggaṁ ṭhapetvā adhakkhakaṁ ubbhajānumaṇḍalaṁ ādissa vaṇṇampi
bhaṇati avaṇṇampi bhaṇati āpatti thullaccayassa kāyapaṭibaddhaṁ
ādissa vaṇṇampi bhaṇati avaṇṇampi bhaṇati āpatti dukkaṭassa.

Vinayapiṭake parivāro (เล่ม 8)

[251] Attakāmapāricariyāya vaṇṇaṁ bhāsanto tisso āpattiyo
Āpajjati mātugāmassa santike attakāmapāricariyāya vaṇṇaṁ
bhāsati āpatti saṅghādisesassa paṇḍakassa santike attakāmapāricariyāya
vaṇṇaṁ bhāsati āpatti thullaccayassa tiracchānagatassa
santike attakāmapāricariyāya vaṇṇaṁ bhāsati āpatti dukkaṭassa.

Vinayapiṭake parivāro (เล่ม 8)

[252] Sañcarittaṁ samāpajjanto tisso āpattiyo āpajjati
paṭiggaṇhāti vīmaṁsati paccāharati āpatti saṅghādisesassa
paṭiggaṇhāti vīmaṁsati na paccāharati āpatti thullaccayassa
paṭiggaṇhāti na vīmaṁsati na paccāharati āpatti dukkaṭassa.

Vinayapiṭake parivāro (เล่ม 8)

[253] Saññācikāya kuṭiṁ kārāpento tisso āpattiyo
āpajjati kārāpeti payoge dukkaṭaṁ ekapiṇḍe anāgate
āpatti thullaccayassa tasmiṁ piṇḍe āgate āpatti saṅghādisesassa.

Vinayapiṭake parivāro (เล่ม 8)

[254] Mahallakaṁ vihāraṁ kārāpento tisso āpattiyo
āpajjati kārāpeti payoge dukkaṭaṁ ekapiṇḍe 1 anāgate
āpatti thullaccayassa tasmiṁ piṇḍe āgate āpatti saṅghādisesassa.

Vinayapiṭake parivāro (เล่ม 8)

[255] Bhikkhuṁ amūlakena pārājikena dhammena anuddhaṁsento tisso
āpattiyo āpajjati anokāsaṁ kārāpetvā cāvanādhippāyo
vadeti āpatti saṅghādisesena dukkaṭassa okāsaṁ kārāpetvā
akkosādhippāyo vadeti āpatti omasavādassa.

Vinayapiṭake parivāro (เล่ม 8)

[256] Bhikkhuṁ aññabhāgiyassa adhikaraṇassa kiñci desaṁ lesamattaṁ
upādāya pārājikena dhammena anuddhaṁsento tisso āpattiyo
1 Ma. Yu. ekaṁ piṇḍaṁ. sabbattha īdisameva.
Āpajjati anokāsaṁ kārāpetvā cāvanādhippāyo vadeti āpatti
saṅghādisesena dukkaṭassa okāsaṁ kārāpetvā akkosādhippāyo
vadeti āpatti omasavādassa.

Vinayapiṭake parivāro (เล่ม 8)

[257] Saṅghabhedako bhikkhu yāvatatiyaṁ samanubhāsiyamāno 1
nappaṭinissajjanto tisso āpattiyo āpajjati ñattiyā dukkaṭaṁ
dvīhi kammavācāhi thullaccayā 2 kammavācāpariyosāne āpatti
saṅghādisesassa.

Vinayapiṭake parivāro (เล่ม 8)

[258] Bhedakānuvattakā bhikkhū yāvatatiyaṁ samanubhāsiyamānā 1
nappaṭinissajjantā tisso āpattiyo āpajjanti ñattiyā dukkaṭaṁ
dvīhi kammavācāhi thullaccayā kammavācāpariyosāne āpatti
saṅghādisesassa.

Vinayapiṭake parivāro (เล่ม 8)

[259] Dubbaco bhikkhu yāvatatiyaṁ samanubhāsiyamāno 1 nappaṭinissajjanto
tisso āpattiyo āpajjati ñattiyā dukkaṭaṁ
dvīhi kammavācāhi thullaccayā kammavācāpariyosāne āpatti
saṅghādisesassa.