[1897] Saraṇaṁ bahiddhā dhammaṁ paṭicca saraṇo bahiddhā dhammo
uppajjati hetupaccayā: tīṇi. Araṇaṁ bahiddhā dhammaṁ paṭicca
araṇo bahiddhā dhammo uppajjati hetupaccayā:.

[1898] Hetuyā pañca ārammaṇe dve avigate dve.
Sahajātavārepi pañhāvārepi sabbattha vitthāro.
Saraṇadukājjhattattikaṁ niṭṭhitaṁ.
----------
Saraṇadukājjhattārammaṇattikaṁ

[1899] Saraṇaṁ ajjhattārammaṇaṁ dhammaṁ paṭicca saraṇo
ajjhattārammaṇo dhammo uppajjati hetupaccayā:. Araṇaṁ
ajjhattārammaṇaṁ dhammaṁ paṭicca araṇo ajjhattārammaṇo dhammo
uppajjati hetupaccayā:.

[1900] Hetuyā dve ārammaṇe dve avigate dve.
Sahajātavārepi pañhāvārepi sabbattha vitthāro.

[1901] Saraṇaṁ bahiddhārammaṇaṁ dhammaṁ paṭicca saraṇo
bahiddhā - rammaṇo dhammo uppajjati hetupaccayā:. Araṇaṁ
bahiddhārammaṇaṁ dhammaṁ paṭicca araṇo bahiddhārammaṇo dhammo
uppajjati hetupaccayā:.

[1902] Hetuyā dve ārammaṇe dve avigate dve.
Sahajātavārepi pañhāvārepi sabbattha vitthāro.
Saraṇadukājjhattārammaṇattikaṁ niṭṭhitaṁ.
-----------
Saraṇadukasanidassanattikaṁ

[1903] Araṇaṁ anidassanasappaṭighaṁ dhammaṁ paṭicca araṇo
anidassanasappaṭigho dhammo uppajjati hetupaccayā:.

[1904] Hetuyā ekaṁ adhipatiyā ekaṁ avigate ekaṁ.
Sahajātavārepi pañhāvārepi sabbattha ekaṁ.

[1905] Saraṇaṁ anidassanāppaṭighaṁ dhammaṁ paṭicca saraṇo anidassanāppaṭigho
dhammo uppajjati hetupaccayā: tīṇi. Araṇaṁ anidassanāppaṭighaṁ
dhammaṁ paṭicca araṇo anidassanāppaṭigho dhammo uppajjati
hetupaccayā:. Saraṇaṁ anidassanāppaṭighañca araṇaṁ anidassanāppaṭighañca
dhammaṁ paṭicca araṇo anidassanāppaṭigho dhammo uppajjati
hetupaccayā:.

[1906] Hetuyā pañca ārammaṇe dve avigate pañca.
Sahajātavāropi sampayuttavāropi vitthāretabbā.