[1887] Saraṇo paccuppanno dhammo saraṇassa paccuppannassa
dhammassa hetupaccayena paccayo: tīṇi. Araṇo paccuppanno
dhammo araṇassa paccuppannassa dhammassa hetupaccayena paccayo:.

[1888] Hetuyā cattāri ārammaṇe dve avigate satta.
Yathā kusalattike pañhāvāraṁ evaṁ vitthāretabbaṁ.
Saraṇadukātītattikaṁ niṭṭhitaṁ.
----------
Saraṇadukātītārammaṇattikaṁ

[1889] Saraṇaṁ atītārammaṇaṁ dhammaṁ paṭicca saraṇo
atītārammaṇo dhammo uppajjati hetupaccayā:. Araṇaṁ atītārammaṇaṁ
Dhammaṁ paṭicca araṇo atītārammaṇo dhammo uppajjati
hetupaccayā:.

[1890] Hetuyā dve ārammaṇe dve avigate dve.
Sahajātavārepi pañhāvārepi sabbattha vitthāro.

[1891] Saraṇaṁ anāgatārammaṇaṁ dhammaṁ paṭicca saraṇo
anāgatārammaṇo dhammo uppajjati hetupaccayā:. Araṇaṁ
anāgatārammaṇaṁ dhammaṁ paṭicca araṇo anāgatārammaṇo dhammo
uppajjati hetupaccayā:.

[1892] Hetuyā dve ārammaṇe dve avigate dve.
Sahajātavārepi pañhāvārepi sabbattha vitthāro.

[1893] Saraṇaṁ paccuppannārammaṇaṁ dhammaṁ paṭicca saraṇo
paccuppannārammaṇo dhammo uppajjati hetupaccayā:. Araṇaṁ
paccuppannārammaṇaṁ dhammaṁ paṭicca araṇo paccuppannārammaṇo
dhammo uppajjati hetupaccayā:.

[1894] Hetuyā dve ārammaṇe dve avigate dve.
Sahajātavārepi pañhāvārepi sabbattha vitthāro.
Saraṇadukātītārammaṇattikaṁ niṭṭhitaṁ.
-----------
Saraṇadukājjhattattikaṁ

[1895] Saraṇaṁ ajjhattaṁ dhammaṁ paṭicca saraṇo ajjhatto
dhammo uppajjati hetupaccayā: tīṇi. Araṇaṁ ajjhattaṁ dhammaṁ
paṭicca araṇo ajjhatto dhammo uppajjati hetupaccayā:.

[1896] Hetuyā pañca ārammaṇe dve avigate pañca.
Sahajātavārepi pañhāvārepi sabbattha vitthāro.