[397] Nahetupaccayā ārammaṇe ekaṁ.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadisā evaṁ vitthāretabbā.
Pañhāvāro

[398] Hetu nevadassanenanabhāvanāyapahātabbo dhammo hetussa
nevadassanenanabhāvanāyapahātabbassa dhammassa hetupaccayena paccayo:
tīṇi.

[399] Hetu nevadassanenanabhāvanāyapahātabbo dhammo hetussa
nevadassanenanabhāvanāyapahātabbassa dhammassa ārammaṇapaccayena
paccayo: nava.

[400] Hetuyā tīṇi ārammaṇe nava adhipatiyā nava anantare
nava samanantare nava sahajāte nava aññamaññe nava nissaye
nava upanissaye nava purejāte tīṇi pacchājāte tīṇi āsevane
nava kamme tīṇi vipāke nava āhāre tīṇi indriye nava
jhāne tīṇi magge nava sampayutte nava vippayutte pañca
atthiyā nava natthiyā nava vigate nava avigate nava.

[401] Hetu nevadasasanenanabhāvanāyapahātabbo dhammo hetussa
nevadassanenanabhāvanāyapahātabbassa dhammassa ārammaṇapaccayena
paccayo: sahajātapaccayena paccayo: upanissayapaccayena paccayo:.

[402] Nahetuyā nava nāarammaṇe nava.

[403] Hetupaccayā nāarammaṇe tīṇi.

[404] Nahetupaccayā ārammaṇe nava.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
Hetudukadassanattikaṁ niṭṭhitaṁ.
---------
Hetudukadassanenapahātabbahetukattikaṁ
paṭiccavāro

[405] Hetuṁ dassanenapahātabbahetukaṁ dhammaṁ paṭicca hetu
dassanenapahātabbahetuko dhammo uppajjati hetupaccayā: tīṇi.
Nahetuṁ dassanenapahātabbahetukaṁ dhammaṁ paṭicca nahetu
dassanenapahātabbahetuko dhammo uppajjati hetupaccayā: tīṇi. Hetuṁ
dassanenapahātabbahetukañca nahetuṁ dassanenapahātabbahetukañca
dhammaṁ paṭicca hetu dassanenapahātabbahetuko dhammo uppajjati
hetupaccayā: tīṇi.

[406] Hetuyā nava ārammaṇe nava avigate nava.