[357] Hetu upekkhāsahagato dhammo hetussa upekkhāsahagatassa
Dhammassa adhipatipaccayena paccayo: nava.

[358] Hetuyā tīṇi ārammaṇe nava adhipatiyā nava
anantare nava samanantare nava sahajāte nava aññamaññe
nava nissaye nava upanissaye nava āsevane nava kamme
tīṇi vipāke nava āhāre tīṇi indriye nava jhāne
tīṇi magge nava sampayutte nava atthiyā nava natthiyā nava
vigate nava avigate nava.

[359] Hetu upekkhāsahagato dhammo hetussa upekkhāsahagatassa
dhammassa ārammaṇapaccayena paccayo: sahajātapaccayena paccayo:
upanissayapaccayena paccayo:.

[360] Nahetuyā nava nāarammaṇe nava.

[361] Hetupaccayā nāarammaṇe tīṇi.

[362] Nahetupaccayā ārammaṇe nava.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
Hetudukapītittikaṁ niṭṭhitaṁ.
---------
Hetudukadassanattikaṁ
paṭiccavāro

[363] Hetuṁ dassanenapahātabbaṁ dhammaṁ paṭicca hetu
dassanenapahātabbo dhammo uppajjati hetupaccayā: tīṇi. Nahetuṁ
dassanenapahātabbaṁ dhammaṁ paṭicca nahetu dassanenapahātabbo dhammo
uppajjati hetupaccayā: tīṇi. Hetuṁ dassanenapahātabbañca nahetuṁ
dassanenapahātabbañca dhammaṁ paṭicca hetu dassanenapahātabbo dhammo
uppajjati hetupaccayā: tīṇi.

[364] Hetuyā nava ārammaṇe nava adhipatiyā nava kamme
nava āhāre nava avigate nava.

[365] Nahetuṁ dassanenapahātabbaṁ dhammaṁ paṭicca hetu dassanenapahātabbo
dhammo uppajjati nahetupaccayā:.

[366] Hetuṁ dassanenapahātabbaṁ dhammaṁ paṭicca hetu dassanenapahātabbo
dhammo uppajjati nādhipatipaccayā: nava.