[574] Dassanenapahātabbo dhammo dassanenapahātabbassa dhammassa
hetupaccayena paccayo: tīṇi. Nadassanenapahātabbo dhammo
nadassanenapahātabbassa dhammassa hetupaccayena paccayo: nadassanenapahātabbā
hetū sampayuttakānaṁ khandhānaṁ cittasamuṭṭhānānañca rūpānaṁ
hetupaccayena paccayo paṭisandhikkhaṇe .pe.

[575] Dassanenapahātabbo dhammo dassanenapahātabbassa dhammassa
ārammaṇapaccayena paccayo: dassanenapahātabbaṁ rāgaṁ assādeti
abhinandati taṁ ārabbha dassanenapahātabbo rāgo uppajjati diṭṭhi ...
Vicikicchā ... Dassanenapahātabbaṁ domanassaṁ uppajjati dassanenapahātabbaṁ
diṭṭhiṁ assādeti abhinandati taṁ ārabbha dassanenapahātabbo
rāgo uppajjati diṭṭhi ... Vicikicchā ... Dassanenapahātabbaṁ
domanassaṁ uppajjati vicikicchaṁ ārabbha vicikicchā uppajjati
diṭṭhi ... Domanassaṁ uppajjati dassanenapahātabbaṁ domanassaṁ
ārabbha dassanenapahātabbaṁ domanassaṁ uppajjati diṭṭhi uppajjati
vicikicchā uppajjati. Dassanenapahātabbo dhammo nadassanenapahātabbassa
dhammassa ārammaṇapaccayena paccayo: ariyā dassanenapahātabbe
pahīne kilese paccavekkhanti pubbe samudāciṇṇe ...
Dassanenapahātabbe khandhe aniccato ... Vipassanti cetopariyañāṇena
dassanenapahātabbacittasamaṅgissa cittaṁ jānanti dassanenapahātabbā
khandhā cetopariyañāṇassa pubbenivāsānussatiñāṇassa
yathākammupagañāṇassa anāgataṁsañāṇassa āvajjanāya ārammaṇapaccayena
paccayo. Nadassanenapahātabbo dhammo nadassanenapahātabbassa
dhammassa ārammaṇapaccayena paccayo: dānaṁ ... Sīlaṁ ...
Uposathakammaṁ katvā taṁ paccavekkhati assādeti abhinandati taṁ
ārabbha nadassanenapahātabbo rāgo uppajjati nadassanenapahātabbaṁ
domanassaṁ uppajjati pubbe suciṇṇāni ... Jhānā ... Ariyā
maggā vuṭṭhahitvā maggaṁ paccavekkhanti .pe. Phalassa āvajjanāya
ārammaṇapaccayena paccayo ariyā nadassanenapahātabbe pahīne
Kilese paccavekkhanti vikkhambhite kilese paccavekkhanti pubbe
.pe. Cakkhuṁ ... Vatthuṁ ... Nadassanenapahātabbe khandhe aniccato ...
Vipassanti assādenti abhinandanti taṁ ārabbha nadassanenapahātabbo
rāgo uppajjati uddhaccaṁ ... Nadassanenapahātabbaṁ domanassaṁ
uppajjati dibbena cakkhunā .pe. Anāgataṁsañāṇassa āvajjanāya
ārammaṇapaccayena paccayo. Nadassanenapahātabbo dhammo dassanenapahātabbassa
dhammassa ārammaṇapaccayena paccayo: dānaṁ ... Sīlaṁ ...
Uposathakammaṁ ... Pubbe ... Jhānā .pe. Cakkhuṁ ... Vatthuṁ ...
Nadassanenapahātabbe khandhe assādeti abhinandati taṁ ārabbha
dassanenapahātabbo rāgo uppajjati diṭṭhi ... Vicikicchā ...
Dassanenapahātabbaṁ domanassaṁ uppajjati.

[576] Dassanenapahātabbo dhammo dassanenapahātabbassa dhammassa
adhipatipaccayena paccayo: ārammaṇādhipati sahajātādhipati. Ārammaṇādhipati:
dassanenapahātabbaṁ rāgaṁ garuṁ katvā assādeti abhinandati
taṁ garuṁ katvā dassanenapahātabbo rāgo ... Diṭṭhi uppajjati diṭṭhiṁ
garuṁ katvā .pe. Sahajātādhipati: dassanenapahātabbā adhipati
sampayuttakānaṁ khandhānaṁ adhipatipaccayena paccayo. Dassanenapahātabbo
dhammo nadassanenapahātabbassa dhammassa adhipatipaccayena
paccayo: sahajātādhipati: dassanenapahātabbā adhipati cittasamuṭṭhānānaṁ
rūpānaṁ adhipatipaccayena paccayo. Dassanenapahātabbo
Dhammo dassanenapahātabbassa ca nadassanenapahātabbassa ca dhammassa
adhipatipaccayena paccayo: sahajātādhipati: dassanenapahātabbā adhipati
sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena
paccayo. Nadassanenapahātabbo dhammo nadassanenapahātabbassa
dhammassa adhipatipaccayena paccayo: ārammaṇādhipati sahajātādhipati.
Ārammaṇādhipati: dānaṁ ... Sīlaṁ ... Uposathakammaṁ ... Pubbe
suciṇṇāni ... Jhānā vuṭṭhahitvā jhānaṁ assādeti abhinandati taṁ
garuṁ katvā nadassanenapahātabbo rāgo uppajjati .pe. Ariyā
maggā vuṭṭhahitvā maggaṁ garuṁ katvā .pe. Phalassa adhipatipaccayena
paccayo. Sahajātādhipati: nadassanenapahātabbā adhipati sampayuttakānaṁ
khandhānaṁ cittasamuṭṭhānānañca rūpānaṁ adhipatipaccayena
paccayo. Nadassanenapahātabbo dhammo dassanenapahātabbassa
dhammassa adhipatipaccayena paccayo: ārammaṇādhipati: dānaṁ datvā
.pe. Jhānaṁ ... Cakkhuṁ ... Vatthuṁ ... Nadassanenapahātabbe khandhe garuṁ
katvā assādeti abhinandati taṁ garuṁ katvā dassanenapahātabbo
rāgo uppajjati diṭṭhi uppajjati.

[577] Dassanenapahātabbo dhammo dassanenapahātabbassa dhammassa
anantarapaccayena paccayo: purimā purimā dassanenapahātabbā khandhā
pacchimānaṁ pacchimānaṁ khandhānaṁ anantarapaccayena paccayo. Dassanenapahātabbo
dhammo nadassanenapahātabbassa dhammassa anantarapaccayena
Paccayo: dassanenapahātabbā khandhā vuṭṭhānassa anantarapaccayena
paccayo. Mūlaṁ purimā purimā nadassanenapahātabbā khandhā .pe.
Phalasamāpattiyā anantarapaccayena paccayo. Mūlaṁ āvajjanā
dassanenapahātabbānaṁ khandhānaṁ anantarapaccayena paccayo. ...
Samanantarapaccayena paccayo: sahajātapaccayena paccayo: aññamaññapaccayena
paccayo: dve nissayapaccayena paccayo:.

[578] Dassanenapahātabbo dhammo dassanenapahātabbassa dhammassa
upanissayapaccayena paccayo: ārammaṇūpanissayo anantarūpanissayo
pakatūpanissayo .pe. Pakatūpanissayo: dassanenapahātabbaṁ rāgaṁ
upanissāya pāṇaṁ hanati .pe. Saṅghaṁ bhindati dassanenapahātabbaṁ
domanassaṁ ... Mohaṁ ... Diṭṭhiṁ ... Patthanaṁ upanissāya pāṇaṁ hanati
.pe. Saṅghaṁ bhindati dassanenapahātabbo rāgo .pe. Patthanā
dassanenapahātabbassa rāgassa .pe. Patthanāya upanissayapaccayena
paccayo. Dassanenapahātabbo dhammo nadassanenapahātabbassa
dhammassa upanissayapaccayena paccayo: anantarūpanissayo pakatūpanissayo
.pe. Pakatūpanissayo: dassanenapahātabbaṁ rāgaṁ upanissāya dānaṁ
deti .pe. Samāpattiṁ uppādeti dassanenapahātabbaṁ domanassaṁ ...
Mohaṁ ... Diṭṭhiṁ ... Patthanaṁ upanissāya dānaṁ deti .pe. Samāpattiṁ
uppādeti dassanenapahātabbo rāgo .pe. Patthanā saddhāya
.pe. Paññāya nadassanenapahātabbassa rāgassa dosassa mohassa
Mānassa patthanāya kāyikassa sukhassa phalasamāpattiyā upanissayapaccayena
paccayo. Nadassanenapahātabbo dhammo nadassanenapahātabbassa
dhammassa upanissayapaccayena paccayo: ārammaṇūpanissayo
anantarūpanissayo pakatūpanissayo .pe. Pakatūpanissayo:
saddhaṁ upanissāya dānaṁ deti .pe. Samāpattiṁ uppādeti mānaṁ
jappeti sīlaṁ ... Paññaṁ nadassanenapahātabbaṁ rāgaṁ dosaṁ mohaṁ mānaṁ
patthanaṁ kāyikaṁ sukhaṁ ... Senāsanaṁ upanissāya dānaṁ deti .pe.
Samāpattiṁ uppādeti mānaṁ jappeti saddhā .pe. Paññā ...
Nadassanenapahātabbo rāgo .pe. Patthanā ... Kāyikaṁ sukhaṁ ... Senāsanaṁ
saddhāya .pe. Paññāya nadassanenapahātabbassa rāgassa .pe.
Patthanāya kāyikassa sukhassa maggassa phalasamāpattiyā upanissayapaccayena
paccayo. Nadassanenapahātabbo dhammo dassanenapahātabbassa
dhammassa upanissayapaccayena paccayo: ārammaṇūpanissayo
anantarūpanissayo pakatūpanissayo .pe. Pakatūpanissayo: saddhaṁ
upanissāya ... Diṭṭhiṁ gaṇhāti sīlaṁ .pe. Paññaṁ upanissāya ...
Nadassanenapahātabbaṁ rāgaṁ ... Dosaṁ mohaṁ mānaṁ patthanaṁ kāyikaṁ sukhaṁ ...
Senāsanaṁ upanissāya pāṇaṁ hanati .pe. Saṅghaṁ bhindati saddhā
.pe. Senāsanaṁ dassanenapahātabbassa rāgassa dosassa mohassa
diṭṭhiyā patthanāya upanissayapaccayena paccayo.

[579] Nadassanenapahātabbo dhammo nadassanenapahātabbassa
Dhammassa purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Vatthuṁ aniccato ... Vipassati assādeti
abhinandati taṁ ārabbha nadassanenapahātabbo rāgo ... Uddhaccaṁ ...
Nadassanenapahātabbaṁ domanassaṁ uppajjati dibbena cakkhunā .pe.
Phoṭṭhabbāyatanaṁ kāyaviññāṇassa. Vatthupurejātaṁ: cakkhāyatanaṁ
cakkhuviññāṇassa kāyāyatanaṁ ... Vatthu nadassanenapahātabbānaṁ
khandhānaṁ purejātapaccayena paccayo. Nadassanenapahātabbo dhammo
dassanenapahātabbassa dhammassa purejātapaccayena paccayo: ārammaṇapurejātaṁ
vatthupurejātaṁ. Ārammaṇapurejātaṁ cakkhuṁ ... Vatthuṁ
assādeti abhinandati taṁ ārabbha dassanenapahātabbo rāgo ...
Diṭṭhi ... Vicikicchā ... Dassanenapahātabbaṁ domanassaṁ uppajjati.
Vatthupurejātaṁ: vatthu dassanenapahātabbānaṁ khandhānaṁ purejātapaccayena
paccayo.

[580] Dassanenapahātabbo dhammo nadassanenapahātabbassa
dhammassa pacchājātapaccayena paccayo:. Saṅkhittaṁ. Nadassanenapahātabbo
dhammo nadassanenapahātabbassa dhammassa pacchājātapaccayena
paccayo:. Saṅkhittaṁ. ... Āsevanapaccayena paccayo: dve.

[581] Dassanenapahātabbo dhammo dassanenapahātabbassa
dhammassa kammapaccayena paccayo: dassanenapahātabbā cetanā sampayuttakānaṁ
khandhānaṁ kammapaccayena paccayo. Dassanenapahātabbo
Dhammo nadassanenapahātabbassa dhammassa kammapaccayena paccayo:
sahajātā nānākhaṇikā. Sahajātā: dassanenapahātabbā cetanā
cittasamuṭṭhānānaṁ rūpānaṁ kammapaccayena paccayo. Nānākhaṇikā:
dassanenapahātabbā cetanā vipākānaṁ khandhānaṁ kaṭattā ca rūpānaṁ
kammapaccayena paccayo. Dassanenapahātabbo dhammo dassanenapahātabbassa
ca nadassanenapahātabbassa ca dhammassa kammapaccayena
paccayo: dassanenapahātabbā cetanā sampayuttakānaṁ khandhānaṁ
cittasamuṭṭhānānañca rūpānaṁ kammapaccayena paccayo. Nadassanenapahātabbo
dhammo nadassanenapahātabbassa dhammassa kammapaccayena
paccayo: sahajātā nānākhaṇikā. Sahajātā: nadassanenapahātabbā
cetanā sampayuttakānaṁ khandhānaṁ cittasamuṭṭhānānañca rūpānaṁ
kammapaccayena paccayo. Nānākhaṇikā: nadassanenapahātabbā cetanā
vipākānaṁ khandhānaṁ kaṭattā ca rūpānaṁ kammapaccayena paccayo.

[582] Nadassanenapahātabbo dhammo nadassanenapahātabbassa
dhammassa vipākapaccayena paccayo:. ... Āhārapaccayena paccayo:
cattāri indriyapaccayena paccayo: cattāri jhānapaccayena
paccayo: cattāri maggapaccayena paccayo: cattāri sampayuttapaccayena
paccayo dve.

[583] Dassanenapahātabbo dhammo nadassanenapahātabbassa
dhammassa vippayuttapaccayena paccayo: sahajātaṁ pacchājātaṁ. Saṅkhittaṁ.
Nadassanenapahātabbo dhammo nadassanenapahātabbassa dhammassa
vippayuttapaccayena paccayo: sahajātaṁ purejātaṁ pacchājātaṁ. Saṅkhittaṁ.
Nadassanenapahātabbo dhammo dassanenapahātabbassa dhammassa
vippayuttapaccayena paccayo: purejātaṁ: vatthu dassanenapahātabbānaṁ
khandhānaṁ vippayuttapaccayena paccayo.