[554] Saṅkiliṭṭhocevanocakileso dhammo saṅkiliṭṭhassacevanocakilesassa
dhammassa kammapaccayena paccayo: saṅkiliṭṭhācevanocakilesā
cetanā sampayuttakānaṁ khandhānaṁ kammapaccayena paccayo. Saṅkiliṭṭhoceva-
nocakileso dhammo kilesassacevasaṅkiliṭṭhassaca dhammassa kammapaccayena
paccayo: saṅkiliṭṭhācevanocakilesā cetanā sampayuttakānaṁ
kilesānaṁ kammapaccayena paccayo. Saṅkiliṭṭhocevanocakileso dhammo
kilesassacevasaṅkiliṭṭhassaca saṅkiliṭṭhassacevanocakilesassa ca dhammassa
kammapaccayena paccayo: saṅkiliṭṭhācevanocakilesā cetanā sampayuttakānaṁ
khandhānaṁ kilesānañca kammapaccayena paccayo. ... Āhārapaccayena
Paccayo: tīṇi indriyapaccayena paccayo: tīṇi
jhānapaccayena paccayo: tīṇi maggapaccayena paccayo: nava sampayuttapaccayena
paccayo: nava atthipaccayena paccayo: nava natthipaccayena
paccayo: vigatapaccayena paccayo: avigatapaccayena paccayo:.

[555] Hetuyā tīṇi ārammaṇe nava adhipatiyā nava anantare
nava samanantare nava sahajāte nava aññamaññe nava nissaye
nava upanissaye nava āsevane nava kamme tīṇi āhāre tīṇi
indriye tīṇi jhāne tīṇi magge nava sampayutte nava
atthiyā nava natthiyā nava vigate nava avigate nava.

[556] Kilesocevasaṅkiliṭṭhoca dhammo kilesassacevasaṅkiliṭṭhassaca
dhammassa ārammaṇapaccayena paccayo: sahajātapaccayena paccayo:
upanissayapaccayena paccayo:. Navapi tīṇiyeva padā kātabbā.

[557] Nahetuyā nava nāarammaṇe nava sabbattha nava
noavigate nava.

[558] Hetupaccayā nāarammaṇe tīṇi ... Nādhipatiyā tīṇi
nānantare tīṇi nasamanantare tīṇi naupanissaye tīṇi namagge
tīṇi navippayutte tīṇi nonatthiyā tīṇi novigate tīṇi.

[559] Nahetupaccayā ārammaṇe nava. Anulomamātikā
kātabbā. ... Avigate nava.
Kilesasaṅkiliṭṭhadukaṁ niṭṭhitaṁ.
------------
Kilesakilesasampayuttadukaṁ
paṭiccavāro

[560] Kilesañcevakilesasampayuttañca dhammaṁ paṭicca
kilesocevakilesasampayutto dhammo uppajjati hetupaccayā: lobhaṁ paṭicca
moho diṭṭhi thīnaṁ uddhaccaṁ ahirikaṁ anottappaṁ. Kilesañceva
saṅkiliṭṭhadukasadisaṁ ninnānākaraṇaṁ sabbe vārā vitthāretabbā.
Kilesakilesasampayuttadukaṁ niṭṭhitaṁ.
-----------
Kilesavippayuttasaṅkilesikadukaṁ
paṭiccavāro

[561] Kilesavippayuttaṁsaṅkilesikaṁ dhammaṁ paṭicca kilesavippayutto-
saṅkilesiko dhammo uppajjati hetupaccayā: kilesavippayuttaṁsaṅkilesikaṁ
ekaṁ khandhaṁ paṭicca tayo khandhā cittasamuṭṭhānañca rūpaṁ
dve khandhe ....
Yathā lokiyadukaṁ evaṁ ninnānākaraṇaṁ.
Kilesavippayuttasaṅkilesikadukaṁ niṭṭhitaṁ.
-------------
Dassanadukaṁ
paṭiccavāro

[562] Dassanenapahātabbaṁ dhammaṁ paṭicca dassanenapahātabbo
Dhammo uppajjati hetupaccayā: dassanenapahātabbaṁ ekaṁ khandhaṁ
paṭicca tayo khandhā dve khandhe .... Dassanenapahātabbaṁ dhammaṁ
paṭicca nadassanenapahātabbo dhammo uppajjati hetupaccayā:
dassanenapahātabbe khandhe paṭicca cittasamuṭṭhānaṁ rūpaṁ. Dassanenapahātabbaṁ
dhammaṁ paṭicca dassanenapahātabbo ca nadassanenapahātabbo ca
dhammā uppajjanti hetupaccayā: dassanenapahātabbaṁ ekaṁ khandhaṁ
paṭicca tayo khandhā cittasamuṭṭhānañca rūpaṁ dve khandhe ....
Nadassanenapahātabbaṁ dhammaṁ paṭicca nadassanenapahātabbo dhammo
uppajjati hetupaccayā: nadassanenapahātabbaṁ ekaṁ khandhaṁ paṭicca
tayo khandhā cittasamuṭṭhānañca rūpaṁ dve khandhe ... Paṭisandhikkhaṇe
khandhe paṭicca vatthu vatthuṁ paṭicca khandhā ekaṁ mahābhūtaṁ ....
Dassanenapahātabbañca nadassanenapahātabbañca dhammaṁ paṭicca
nadassanenapahātabbo dhammo uppajjati hetupaccayā: dassanenapahātabbe
khandhe ca mahābhūte ca paṭicca cittasamuṭṭhānaṁ rūpaṁ. Saṅkhittaṁ.

[563] Hetuyā pañca ārammaṇe dve adhipatiyā pañca
anantare dve samanantare dve sahajāte pañca aññamaññe
dve nissaye pañca upanissaye dve purejāte dve āsevane
dve kamme pañca vipāke ekaṁ āhāre pañca avigate pañca.