[454] Upādānasampayutto dhammo upādānasampayuttassa dhammassa
atthipaccayena paccayo: ekaṁ paṭiccasadisaṁ. Upādānasampayutto
dhammo upādānavippayuttassa dhammassa atthipaccayena paccayo:
Sahajātaṁ pacchājātaṁ. Saṅkhittaṁ. Upādānasampayutto dhammo
upādānasampayuttassa ca upādānavippayuttassa ca dhammassa
atthipaccayena paccayo: paṭiccasadisaṁ. Upādānavippayutto dhammo
upādānavippayuttassa dhammassa atthipaccayena paccayo: sahajātaṁ
purejātaṁ pacchājātaṁ āhāraṁ indriyaṁ. Saṅkhittaṁ. Upādānavippayutto
dhammo upādānasampayuttassa dhammassa atthipaccayena
paccayo: sahajātaṁ purejātaṁ. Saṅkhittaṁ. Upādānavippayutto
dhammo upādānasampayuttassa ca upādānavippayuttassa ca dhammassa
atthipaccayena paccayo: sahajātaṁ purejātaṁ. Imesu sahajātaṁ:
sahajātasadisaṁ purejātaṁ: purejātasadisaṁ. Upādānasampayutto ca
upādānavippayutto ca dhammā upādānasampayuttassa dhammassa
atthipaccayena paccayo: sahajātaṁ purejātaṁ. Sahajāto:
upādānasampayutto eko khandho ca vatthu ca tiṇṇannaṁ khandhānaṁ
atthipaccayena paccayo dve khandhā .... Sahajāto:
diṭṭhigatavippayuttalobhasahagato eko khandho ca lobho ca tiṇṇannaṁ khandhānaṁ
atthipaccayena paccayo dve khandhā .... Upādānasampayutto ca
upādānavippayutto ca dhammā upādānavippayuttassa dhammassa
atthipaccayena paccayo: sahajātaṁ purejātaṁ pacchājātaṁ āhāraṁ indriyaṁ.
Sahajātā: upādānasampayuttā khandhā ca mahābhūtā ca cittasamuṭṭhānānaṁ
rūpānaṁ atthipaccayena paccayo. Sahajātā: diṭṭhigatavippayuttalobhasahagatā
Khandhā ca lobho ca cittasamuṭṭhānānaṁ rūpānaṁ
atthipaccayena paccayo. Sahajātā: diṭṭhigatavippayuttalobhasahagatā
khandhā ca vatthu ca lobhassa atthipaccayena paccayo. Pacchājātā:
diṭṭhigatavippayuttalobhasahagatā khandhā ca lobho ca purejātassa
imassa kāyassa atthipaccayena paccayo. Pacchājātā:
diṭṭhigatavippayuttalobhasahagatā khandhā ca lobho ca kabaḷiṁkāro āhāro ca
imassa kāyassa atthipaccayena paccayo. Pacchājātā:
diṭṭhigatavippayuttalobhasahagatā khandhā ca lobho ca rūpajīvitindriyañca
kaṭattārūpānaṁ atthipaccayena paccayo. Upādānasampayutto ca
upādānavippayutto ca dhammā upādānasampayuttassa ca upādānavippayuttassa
ca dhammassa atthipaccayena paccayo: sahajātaṁ purejātaṁ.
Sahajāto: diṭṭhigatavippayuttalobhasahagato eko khandho ca lobho ca
tiṇṇannaṁ khandhānaṁ cittasamuṭṭhānānañca rūpānaṁ atthipaccayena paccayo
dve khandhā .... Sahajāto: diṭṭhigatavippayuttalobhasahagato eko
khandho ca vatthu ca tiṇṇannaṁ khandhānaṁ lobhassa ca atthipaccayena
paccayo dve khandhā .... ... Natthipaccayena paccayo: vigatapaccayena
paccayo: avigatapaccayena paccayo:.

[455] Hetuyā nava ārammaṇe nava adhipatiyā nava anantare
nava samanantare nava sahajāte nava aññamaññe cha nissaye
nava upanissaye nava purejāte tīṇi pacchājāte tīṇi āsevane
Nava kamme cattāri vipāke ekaṁ āhāre cattāri indriye
cattāri jhāne cattāri magge cattāri sampayutte cha
vippayutte pañca atthiyā nava natthiyā nava vigate nava
avigate nava.

[456] Upādānasampayutto dhammo upādānasampayuttassa dhammassa
ārammaṇapaccayena paccayo: sahajātapaccayena paccayo: upanissayapaccayena
paccayo:. Upādānasampayutto dhammo upādānavippayuttassa
dhammassa ārammaṇapaccayena paccayo: sahajātapaccayena
paccayo: upanissayapaccayena paccayo: pacchājātapaccayena paccayo:
kammapaccayena paccayo:. Upādānasampayutto dhammo upādānasampayuttassa
ca upādānavippayuttassa ca dhammassa ārammaṇapaccayena
paccayo: sahajātapaccayena paccayo: upanissayapaccayena
paccayo:. Upādānavippayutto dhammo upādānavippayuttassa
dhammassa ārammaṇapaccayena paccayo: sahajātapaccayena paccayo:
upanissayapaccayena paccayo: purejātapaccayena paccayo: pacchājātapaccayena
paccayo: kammapaccayena paccayo: āhārapaccayena
paccayo: indriyapaccayena paccayo:. Upādānavippayutto dhammo
upādānasampayuttassa dhammassa ārammaṇapaccayena paccayo:
sahajātapaccayena paccayo: upanissayapaccayena paccayo: purejātapaccayena
paccayo:. Upādānavippayutto dhammo upādānasampayuttassa ca
Upādānavippayuttassa ca dhammassa ārammaṇapaccayena paccayo:
sahajātapaccayena paccayo: upanissayapaccayena paccayo: purejātapaccayena
paccayo:. Upādānasampayutto ca upādānavippayutto ca
dhammā upādānasampayuttassa dhammassa ārammaṇapaccayena paccayo:
sahajātapaccayena paccayo: upanissayapaccayena paccayo:.
Upādānasampayutto ca upādānavippayutto ca dhammā upādānavippayuttassa
dhammassa ārammaṇapaccayena paccayo: sahajātapaccayena paccayo:
upanissayapaccayena paccayo: pacchājātapaccayena paccayo:
āhārapaccayena paccayo: indriyapaccayena paccayo:. Upādānasampayutto
ca upādānavippayutto ca dhammā upādānasampayuttassa ca
upādānavippayuttassa ca dhammassa ārammaṇapaccayena paccayo:
sahajātapaccayena paccayo: upanissayapaccayena paccayo:.

[457] Nahetuyā nava nāarammaṇe nava nādhipatiyā nava
sabbattha nava noavigate nava.

[458] Hetupaccayā nāarammaṇe nava ... Nādhipatiyā nava nānantare
nava nasamanantare nava nāññamaññe tīṇi naupanissaye nava sabbattha
nava nasampayutte tīṇi navippayutte cha nonatthiyā nava novigate nava.

[459] Nahetupaccayā ārammaṇe nava ... Adhipatiyā nava.
Anulomamātikā. ... Avigate nava.
Upādānasampayuttadukaṁ niṭṭhitaṁ.
------------
Upādāna upādāniyadukaṁ
paṭiccavāro

[460] Upādānañcevaupādāniyañca dhammaṁ paṭicca upādānoceva-
upādāniyoca dhammo uppajjati hetupaccayā: diṭṭhupādānaṁ
paṭicca kāmupādānaṁ kāmupādānaṁ paṭicca diṭṭhupādānaṁ. Cakkaṁ.
Upādānañcevaupādāniyañca dhammaṁ paṭicca upādāniyocevanocaupādāno
dhammo uppajjati hetupaccayā: upādāne paṭicca
sampayuttakā khandhā cittasamuṭṭhānañca rūpaṁ. Upādānañcevaupādāniyañca
dhammaṁ paṭicca upādānocevaupādāniyoca upādāniyocevanocaupādāno
ca dhammā uppajjanti hetupaccayā:
diṭṭhupādānaṁ paṭicca kāmupādānaṁ sampayuttakā ca khandhā cittasamuṭṭhānañca
rūpaṁ. Cakkaṁ. Upādāniyañcevanocaupādānaṁ dhammaṁ paṭicca
upādāniyocevanocaupādāno dhammo uppajjati hetupaccayā:
upādāniyañcevanocaupādānaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ paṭisandhi yāva ajjhattikā mahābhūtā.
Upādāniyañcevanocaupādānaṁ dhammaṁ paṭicca upādānocevaupādāniyoca
dhammo uppajjati hetupaccayā: upādāniyecevanocaupādāne
khandhe paṭicca upādānā. Upādāniyañcevanocaupādānaṁ dhammaṁ
paṭicca upādānocevaupādāniyoca upādāniyocevanocaupādāno ca
Dhammā uppajjanti hetupaccayā: upādāniyañcevanocaupādānaṁ ekaṁ
khandhaṁ paṭicca tayo khandhā upādānā ca cittasamuṭṭhānañca rūpaṁ
dve khandhe .... Upādānañcevaupādāniyañca upādāniyañceva-
nocaupādānañca dhammaṁ paṭicca upādānocevaupādāniyoca dhammo
uppajjati hetupaccayā: diṭṭhupādānañca sampayuttake ca khandhe
paṭicca kāmupādānaṁ. Cakkaṁ. Upādānañcevaupādāniyañca
upādāniyañcevanocaupādānañca dhammaṁ paṭicca upādāniyocevanocaupādāno
dhammo uppajjati hetupaccayā: upādāniyañcevanocaupādānaṁ
ekaṁ khandhañca upādāne ca paṭicca tayo khandhā
cittasamuṭṭhānañca rūpaṁ dve khandhe ... Upādāne ca mahābhūte ca
paṭicca cittasamuṭṭhānaṁ rūpaṁ. Upādānañcevaupādāniyañca
upādāniyañcevanocaupādānañca dhammaṁ paṭicca upādānocevaupādāniyoca
upādāniyocevanocaupādāno ca dhammā uppajjanti
hetupaccayā: upādāniyañcevanocaupādānaṁ ekaṁ khandhañca
diṭṭhupādānañca paṭicca tayo khandhā kāmupādānañca cittasamuṭṭhānañca
rūpaṁ dve khandhe .... Cakkaṁ.
Evaṁ yathā upādānadukaṁ evaṁ paṭiccavāropi
sahajātavāropi paccayavāropi nissayavāropi
saṁsaṭṭhavāropi sampayuttavāropi kātabbo
ninnānākaraṇā. Āmasanaṁ nānākaraṇaṁ.
Pañhāvāro

[461] Upādānocevaupādāniyoca dhammo upādānassaceva-
upādāniyassaca dhammassa hetupaccayena paccayo: upādānācevaupādāniyāca
hetū sampayuttakānaṁ upādānānaṁ hetupaccayena paccayo.
Upādānocevaupādāniyoca dhammo upādāniyassacevanocaupādānassa
dhammassa hetupaccayena paccayo: upādānācevaupādāniyāca hetū
sampayuttakānaṁ khandhānaṁ cittasamuṭṭhānānañca rūpānaṁ hetupaccayena
paccayo. Upādānadukasadisā ninnānā nava pañhā.

[462] Upādānocevaupādāniyoca dhammo upādānassaceva-
upādāniyassaca dhammassa ārammaṇapaccayena paccayo: upādāne
ārabbha upādānā uppajjanti. Tīṇi. Upādāniyocevanocaupādāno
dhammo upādāniyassacevanocaupādānassa dhammassa
ārammaṇapaccayena paccayo: dānaṁ .pe. Jhānā vuṭṭhahitvā jhānaṁ
paccavekkhati assādeti abhinandati taṁ ārabbha rāgo ... Diṭṭhi vicikicchā
uddhaccaṁ ... Domanassaṁ uppajjati ariyā gotrabhuṁ paccavekkhanti
vodānaṁ paccavekkhanti pahīne kilese ... Vikkhambhite kilese ... Pubbe
samudāciṇṇe ... Cakkhuṁ ... Vatthuṁ .... Saṅkhittaṁ. Anāgataṁsañāṇassa
āvajjanāya ārammaṇapaccayena paccayo. Upādāniyocevanocaupādāno
dhammo upādānassacevaupādāniyassaca dhammassa ārammaṇapaccayena
paccayo:. Saṅkhittaṁ. Itare dve upādānadukasadisā.
Upādānocevaupādāniyoca upādāniyocevanocaupādāno ca dhammā
upādānassacevaupādāniyassa ca dhammassa ārammaṇapaccayena paccayo:
tīṇi. Heṭṭhā adhipati tīṇi upādānadukasadisā.

[463] Upādāniyocevanocaupādāno dhammo upādāniyassaceva-
nocaupādānassa dhammassa adhipatipaccayena paccayo: ārammaṇādhipati
sahajātādhipati. Ārammaṇādhipati: dānaṁ .pe. Jhānā vuṭṭhahitvā
jhānaṁ garuṁ katvā paccavekkhati assādeti abhinandati taṁ
garuṁ katvā rāgo ... Diṭṭhi uppajjati .pe. Sekkhā gotrabhuṁ
garuṁ katvā ... Vodānaṁ ... Cakkhuṁ ... Vatthuṁ ... Upādāniyeceva-
nocaupādāne khandhe garuṁ katvā assādeti abhinandati taṁ garuṁ katvā
rāgo uppajjati diṭṭhi .pe. Upādāniyācevanocaupādānā khandhā
uppajjanti. Sahajātādhipati: upādāniyācevanocaupādānā adhipati
sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena
paccayo. Avasesā dvepi ārammaṇādhipatipi sahajātādhipatipi
upādānadukasadisā. Ghaṭanā adhipatipi tīṇi upādānadukasadisā
sabbe paccayā upādānadukasadisā upādāniye lokuttaraṁ natthi
paccanīyampi itare dve gaṇanāpi upādānadukasadisā.
Upādānaupādāniyadukaṁ niṭṭhitaṁ.
-----------
Upādānaupādānasampayuttadukaṁ
paṭiccavāro