[444] Upādānasampayutto dhammo upādānasampayuttassa dhammassa
adhipatipaccayena paccayo: ārammaṇādhipati sahajātādhipati.
Ārammaṇādhipati: upādānasampayutte khandhe garuṁ katvā upādānasampayuttā
khandhā uppajjanti. Sahajātādhipati: upādānasampayuttā
adhipati sampayuttakānaṁ khandhānaṁ adhipatipaccayena paccayo:. Mūlaṁ
kātabbaṁ ārammaṇādhipati sahajātādhipati. Ārammaṇādhipati:
Upādānasampayutte khandhe garuṁ katvā diṭṭhigatavippayutto lobho
uppajjati. Sahajātādhipati: upādānasampayuttā adhipati
cittasamuṭṭhānānaṁ rūpānaṁ adhipatipaccayena paccayo diṭṭhigatavippayuttalobhasahagatā
adhipati lobhassa adhipatipaccayena paccayo. Mūlaṁ kātabbaṁ
ārammaṇādhipati sahajātādhipati. Ārammaṇādhipati: upādānasampayutte
khandhe garu katvā diṭṭhigatavippayuttalobhasahagatā khandhā ca
lobho ca uppajjanti. Sahajātādhipati: upādānasampayuttā
adhipatisampayuttakānaṁ khandhānaṁ cittasamuṭṭhānānañca rūpānaṁ adhipatipaccayena
paccayo diṭṭhigatavippayuttalobhasahagatā adhipati sampayuttakānaṁ
khandhānaṁ lobhassa ca cittasamuṭṭhānānañca rūpānaṁ adhipatipaccayena
paccayo. Upādānavippayutto dhammo upādānavippayuttassa
dhammassa adhipatipaccayena paccayo: ārammaṇādhipati sahajātādhipati.
Ārammaṇādhipati: dānaṁ ... Sīlaṁ .pe. Jhānā vuṭṭhahitvā jhānaṁ
garuṁ katvā paccavekkhati assādeti abhinandati taṁ garuṁ katvā
diṭṭhigatavippayutto rāgo uppajjati .pe. Ariyā maggā
vuṭṭhahitvā .pe. Phalassa adhipatipaccayena paccayo cakkhuṁ ... Vatthuṁ ...
Upādānavippayutte khandhe ca lobhañca garuṁ katvā assādeti abhinandati
taṁ garuṁ katvā diṭṭhigatavippayutto rāgo uppajjati .pe. Sahajātādhipati:
upādānavippayuttā adhipati sampayuttakānaṁ khandhānaṁ cittasamuṭṭhānānañca
rūpānaṁ adhipatipaccayena paccayo. Upādānavippayutto
Dhammo upādānasampayuttassa dhammassa adhipatipaccayena paccayo:
ārammaṇādhipati: dānaṁ .pe. Jhānā ... Cakkhuṁ ... Vatthuṁ ...
Upādānavippayutte khandhe ca lobhañca garuṁ katvā assādeti abhinandati
taṁ garuṁ katvā rāgo uppajjati diṭṭhi uppajjati. Upādānavippayutto
dhammo upādānasampayuttassa ca upādānavippayuttassa ca
dhammassa adhipatipaccayena paccayo: ārammaṇādhipati: cakkhuṁ ...
Vatthuṁ ... Upādānavippayutte khandhe ca lobhañca garuṁ katvā
diṭṭhigatavippayuttalobhasahagatā khandhā ca lobho ca uppajjanti.
Upādānasampayutto ca upādānavippayutto ca dhammā upādānasampayuttassa
dhammassa adhipatipaccayena paccayo: ārammaṇādhipati: diṭṭhigatavippayutta-
lobhasahagate khandhe ca lobhañca garuṁ katvā upādānasampayuttā
khandhā uppajjanti. Mūlaṁ kātabbaṁ diṭṭhigatavippayuttalobhasahagate
khandhe ca lobhañca garuṁ katvā diṭṭhigatavippayutto lobho uppajjati.
Mūlaṁ kātabbaṁ diṭṭhigatavippayuttalobhasahagate khandhe ca lobhañca
garuṁ katvā diṭṭhigatavippayuttalobhasahagatā khandhā ca lobho ca
uppajjanti.

[445] Upādānasampayutto dhammo upādānasampayuttassa dhammassa
anantarapaccayena paccayo: purimā purimā upādānasampayuttā khandhā
pacchimānaṁ pacchimānaṁ upādānasampayuttānaṁ khandhānaṁ anantarapaccayena
paccayo. Mūlaṁ kātabbaṁ purimā purimā diṭṭhigatavippayuttalobhasahagatā
Khandhā pacchimassa pacchimassa diṭṭhigatavippayuttassa
lobhassa anantarapaccayena paccayo upādānasampayuttā khandhā
vuṭṭhānassa anantarapaccayena paccayo. Mūlaṁ kātabbaṁ purimā
purimā diṭṭhigatavippayuttalobhasahagatā khandhā pacchimānaṁ pacchimānaṁ
diṭṭhigatavippayuttalobhasahagatānaṁ khandhānaṁ lobhassa ca anantarapaccayena
paccayo. Upādānavippayutto dhammo upādānavippayuttassa dhammassa
anantarapaccayena paccayo: purimo purimo diṭṭhigatavippayutto
lobho pacchimassa pacchimassa diṭṭhigatavippayuttassa lobhassa
anantarapaccayena paccayo diṭṭhigatavippayutto lobho vuṭṭhānassa
anantarapaccayena paccayo purimā purimā upādānavippayuttā khandhā
pacchimānaṁ pacchimānaṁ upādānavippayuttānaṁ khandhānaṁ anantarapaccayena
paccayo anulomaṁ gotrabhussa phalasamāpattiyā anantarapaccayena
paccayo. Mūlaṁ kātabbaṁ purimo purimo diṭṭhigatavippayutto lobho
pacchimānaṁ pacchimānaṁ diṭṭhigatavippayuttalobhasahagatānaṁ khandhānaṁ anantarapaccayena
paccayo āvajjanā upādānasampayuttānaṁ khandhānaṁ anantarapaccayena
paccayo. Mūlaṁ kātabbaṁ purimo purimo diṭṭhigatavippayutto
lobho pacchimānaṁ pacchimānaṁ diṭṭhigatavippayuttalobhasahagatānaṁ khandhānaṁ
lobhassa ca anantarapaccayena paccayo āvajjanā diṭṭhigatavippayutta-
lobhasahagatānaṁ khandhānaṁ lobhassa ca anantarapaccayena paccayo.
Upādānasampayutto ca upādānavippayutto ca dhammā upādānasampayuttassa
Dhammassa anantarapaccayena paccayo: purimā purimā
diṭṭhigatavippayuttalobhasahagatā khandhā ca lobho ca pacchimānaṁ pacchimānaṁ
diṭṭhigatavippayuttalobhasahagatānaṁ khandhānaṁ anantarapaccayena paccayo.
Mūlaṁ kātabbaṁ purimā purimā diṭṭhigatavippayuttalobhasahagatā khandhā ca
lobho ca pacchimassa pacchimassa diṭṭhigatavippayuttassa lobhassa
anantarapaccayena paccayo diṭṭhigatavippayuttalobhasahagatā khandhā ca
lobho ca vuṭṭhānassa anantarapaccayena paccayo. Mūlaṁ kātabbaṁ
purimā purimā diṭṭhigatavippayuttalobhasahagatā khandhā ca lobho ca
pacchimānaṁ pacchimānaṁ diṭṭhigatavippayuttalobhasahagatānaṁ khandhānaṁ
lobhassa ca anantarapaccayena paccayo.

[446] Upādānasampayutto dhammo upādānasampayuttassa
dhammassa samanantarapaccayena paccayo:. ... Sahajātapaccayena paccayo:
paṭiccasadisaṁ nava. ... Aññamaññapaccayena paccayo: paṭiccasadisaṁ
cha. ... Nissayapaccayena paccayo: paccayavārasadisaṁ nava.

[447] Upādānasampayutto dhammo upādānasampayuttassa dhammassa
upanissayapaccayena paccayo: ārammaṇūpanissayo anantarūpanissayo
pakatūpanissayo .pe. Pakatūpanissayo: upādānasampayuttā khandhā
upādānasampayuttānaṁ khandhānaṁ upanissayapaccayena paccayo. Mūlaṁ
kātabbaṁ upādānasampayuttā khandhā upādānavippayuttānaṁ khandhānaṁ
lobhassa ca upanissayapaccayena paccayo. Mūlaṁ kātabbaṁ upādānasampayuttā
Khandhā diṭṭhigatavippayuttalobhasahagatānaṁ khandhānaṁ lobhassa ca
upanissayapaccayena paccayo. Upādānavippayutto dhammo upādānavippayuttassa
dhammassa upanissayapaccayena paccayo: ārammaṇūpanissayo
anantarūpanissayo pakatūpanissayo .pe. Pakatūpanissayo:
saddhaṁ upanissāya dānaṁ deti .pe. Samāpattiṁ uppādeti mānaṁ
jappeti sīlaṁ .pe. Paññaṁ ... Upādānavippayuttaṁ rāgaṁ mānaṁ
patthanaṁ ... Senāsanaṁ upanissāya dānaṁ deti .pe. Saṅghaṁ bhindati
saddhā .pe. Senāsanaṁ saddhāya .pe. Paññāya upādānavippayuttassa
rāgassa mānassa patthanāya kāyikassa sukhassa phalasamāpattiyā
upanissayapaccayena paccayo. Upādānavippayutto dhammo upādānasampayuttassa
dhammassa upanissayapaccayena paccayo: tīṇi. Saddhaṁ
upanissāya mānaṁ jappeti diṭṭhiṁ gaṇhāti sīlaṁ .pe. Paññaṁ ...
Upādānavippayuttaṁ rāgaṁ mānaṁ patthanaṁ ... Senāsanaṁ upanissāya adinnaṁ ...
Musā ... Pisuṇaṁ ... Samphaṁ ... Sandhiṁ ... Nillopaṁ ... Ekāgārikaṁ ...
Paripanthe ... Paradāraṁ ... Gāmaghātaṁ ... Nigamaghātaṁ ... Saddhā ...
Senāsanaṁ upādānasampayuttassa rāgassa mohassa mānassa diṭṭhiyā patthanāya
upanissayapaccayena paccayo. Upādānavippayutto dhammo upādānasampayuttassa
ca upādānavippayuttassa ca dhammassa upanissayapaccayena
paccayo: ārammaṇūpanissayo anantarūpanissayo pakatūpanissayo .pe.
Pakatūpanissayo: saddhaṁ upanissāya mānaṁ jappeti sīlaṁ ... Paññaṁ ...
Upādānavippayuttaṁ rāgaṁ .pe. Senāsanaṁ upanissāya gāmaghātaṁ
karoti nigamaghātaṁ karoti saddhā ... Senāsanaṁ diṭṭhigatavippayuttalobhasahagatānaṁ
khandhānaṁ lobhassa ca upanissayapaccayena paccayo.
Upādānasampayutto ca upādānavippayutto ca dhammā upādānasampayuttassa
dhammassa upanissayapaccayena paccayo: diṭṭhigatavippayuttalobhasahagatā
khandhā ca lobho ca upādānasampayuttānaṁ khandhānaṁ
upanissayapaccayena paccayo. Mūlaṁ kātabbaṁ diṭṭhigatavippayuttalobhasahagatā
khandhā ca lobho ca upādānavippayuttānaṁ khandhānaṁ
lobhassa ca upanissayapaccayena paccayo. Mūlaṁ kātabbaṁ
diṭṭhigatavippayuttalobhasahagatā khandhā ca lobho ca diṭṭhigatavippayuttalobhasahagatānaṁ
khandhānaṁ lobhassa ca upanissayapaccayena paccayo.

[448] Upādānavippayutto dhammo upādānavippayuttassa dhammassa
purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Vatthuṁ aniccato .pe. Domanassaṁ uppajjati
dibbena cakkhunā rūpaṁ passati dibbāya sotadhātuyā saddaṁ suṇāti
rūpāyatanaṁ cakkhuviññāṇassa phoṭṭhabbāyatanaṁ .... Vatthupurejātaṁ:
cakkhāyatanaṁ cakkhuviññāṇassa kāyāyatanaṁ ... Vatthu upādānavippayuttānaṁ
khandhānaṁ lobhassa ca purejātapaccayena paccayo.
Upādānavippayutto dhammo upādānasampayuttassa dhammassa purejātapaccayena
paccayo: ārammaṇapurejātaṁ vatthupurejātaṁ. Ārammaṇapurejātaṁ:
Cakkhuṁ ... Vatthuṁ assādeti abhinandati taṁ ārabbha
rāgo uppajjati diṭṭhi uppajjati. Vatthupurejātaṁ: vatthu
upādānasampayuttānaṁ khandhānaṁ purejātapaccayena paccayo.
Upādānavippayutto dhammo upādānasampayuttassa ca upādānavippayuttassa ca
dhammassa purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Vatthuṁ ārabbha diṭṭhigatavippayuttalobhasahagatā
khandhā ca lobho ca uppajjanti. Vatthupurejātaṁ: vatthu
diṭṭhigatavippayuttalobhasahagatānaṁ khandhānaṁ lobhassa ca purejātapaccayena
paccayo.

[449] Upādānasampayutto dhammo upādānavippayuttassa dhammassa
pacchājātapaccayena paccayo:. Saṅkhittaṁ. Upādānavippayutto
dhammo upādānavippayuttassa dhammassa pacchājātapaccayena paccayo:.
Saṅkhittaṁ. Upādānasampayutto ca upādānavippayutto ca dhammā
upādānavippayuttassa dhammassa pacchājātapaccayena paccayo:.
Saṅkhittaṁ. ... Āsevanapaccayena paccayo:.

[450] Upādānasampayutto dhammo upādānasampayuttassa dhammassa
kammapaccayena paccayo: upādānasampayuttā cetanā sampayuttakānaṁ
khandhānaṁ kammapaccayena paccayo. Upādānasampayutto dhammo
upādānavippayuttassa dhammassa kammapaccayena paccayo: sahajātā
nānākhaṇikā. Sahajātā: upādānasampayuttā cetanā
Cittasamuṭṭhānānaṁ rūpānaṁ kammapaccayena paccayo diṭṭhigatavippayuttalobhasahagatā
cetanā lobhassa cittasamuṭṭhānānañca rūpānaṁ kammapaccayena
paccayo. Nānākhaṇikā: upādānasampayuttā cetanā
vipākānaṁ khandhānaṁ kaṭattā ca rūpānaṁ kammapaccayena paccayo.
Upādānasampayutto dhammo upādānasampayuttassa ca upādānavippayuttassa
ca dhammassa kammapaccayena paccayo: upādānasampayuttā
cetanā sampayuttakānaṁ khandhānaṁ cittasamuṭṭhānānañca rūpānaṁ
kammapaccayena paccayo diṭṭhigatavippayuttalobhasahagatā cetanā
sampayuttakānaṁ khandhānaṁ lobhassa ca cittasamuṭṭhānānañca rūpānaṁ
kammapaccayena paccayo. Upādānavippayutto dhammo upādānavippayuttassa
dhammassa kammapaccayena paccayo: sahajātā nānākhaṇikā.
Sahajātā: upādānavippayuttā cetanā sampayuttakānaṁ khandhānaṁ
cittasamuṭṭhānānañca rūpānaṁ kammapaccayena paccayo. Nānākhaṇikā:
upādānavippayuttā cetanā vipākānaṁ khandhānaṁ kaṭattā ca rūpānaṁ
kammapaccayena paccayo.

[451] Upādānavippayutto dhammo upādānavippayuttassa dhammassa
vipākapaccayena paccayo: vipāko upādānavippayutto eko .pe.
Ekaṁ.

[452] Upādānasampayutto dhammo upādānasampayuttassa dhammassa
āhārapaccayena paccayo:. ... Indriyapaccayena paccayo:
Jhānapaccayena paccayo: maggapaccayena paccayo:. Imesu catūsupi yathā
kammapaccaye diṭṭhigatavippayutto lobho dassito evaṁ dassetabbo
cattāri cattāri pañhā. ... Sampayuttapaccayena paccayo: cha.

[453] Upādānasampayutto dhammo upādānavippayuttassa dhammassa
vippayuttapaccayena paccayo: sahajātaṁ pacchājātaṁ. Saṅkhittaṁ.
Upādānavippayutto dhammo upādānavippayuttassa dhammassa vippayuttapaccayena
paccayo: sahajātaṁ purejātaṁ pacchājātaṁ. Saṅkhittaṁ.
Upādānavippayutto dhammo upādānasampayuttassa dhammassa
vippayuttapaccayena paccayo: purejātaṁ vatthu upādānasampayuttānaṁ khandhānaṁ
vippayuttapaccayena paccayo. Upādānavippayutto dhammo upādānasampayuttassa
ca upādānavippayuttassa ca dhammassa vippayuttapaccayena
paccayo: purejātaṁ: vatthu diṭṭhigatavippayuttalobhasahagatānaṁ
khandhānaṁ lobhassa ca vippayuttapaccayena paccayo. Upādānasampayutto
ca upādānavippayutto ca dhammā upādānavippayuttassa
dhammassa vippayuttapaccayena paccayo: sahajātaṁ pacchājātaṁ. Sahajātā:
diṭṭhigatavippayuttalobhasahagatā khandhā ca lobho ca cittasamuṭṭhānānaṁ
rūpānaṁ vippayuttapaccayena paccayo. Pacchājātā: .pe.