[54] Cittaṁ dhammaṁ paccayā nocitto dhammo uppajjati nahetupaccayā:
ahetukaṁ cittaṁ paccayā sampayuttakā khandhā cittasamuṭṭhānañca
rūpaṁ ahetukapaṭisandhikkhaṇe vicikicchāsahagataṁ uddhaccasahagataṁ cittaṁ
paccayā vicikicchāsahagato uddhaccasahagato moho. Nocittaṁ dhammaṁ
paccayā nocitto dhammo uppajjati nahetupaccayā: ahetukaṁ nocittaṁ
ekaṁ khandhaṁ paccayā dve khandhā cittasamuṭṭhānañca rūpaṁ dve khandhe ...
Ahetukapaṭisandhi yāva asaññasattā cakkhāyatanaṁ paccayā
cakkhuviññāṇasahagatā khandhā kāyāyatanaṁ paccayā kāyaviññāṇasahagatā
khandhā vatthuṁ paccayā ahetukā nocittā khandhā vicikicchāsahagate
uddhaccasahagate khandhe ca vatthuñca paccayā vicikicchāsahagato uddhaccasahagato
moho. Nocittaṁ dhammaṁ paccayā citto dhammo uppajjati
nahetupaccayā: ahetuke nocitte khandhe paccayā cittaṁ vatthuṁ
paccayā cittaṁ ahetukapaṭisandhi .pe. Ahetukapaṭisandhikkhaṇe vatthuṁ
Paccayā cittaṁ cakkhāyatanaṁ paccayā cakkhuviññāṇaṁ kāyāyatanaṁ
paccayā .pe. Nocittaṁ dhammaṁ paccayā citto ca nocitto ca
dhammā uppajjanti nahetupaccayā: ahetukaṁ nocittaṁ ekaṁ khandhaṁ paccayā
dve khandhā cittañca cittasamuṭṭhānañca rūpaṁ dve khandhe .pe.
Vatthuṁ paccayā cittañca sampayuttakā ca khandhā ahetukapaṭisandhi
.pe. Ahetukapaṭisandhikkhaṇe vatthuṁ paccayā cittañca sampayuttakā ca
khandhā cakkhāyatanaṁ paccayā .pe. Kāyāyatanaṁ .pe. Cittañca
nocittañca dhammaṁ paccayā nocitto dhammo uppajjati nahetupaccayā:
ahetukaṁ nocittaṁ ekaṁ khandhañca cittañca paccayā dve khandhā
cittasamuṭṭhānañca rūpaṁ dve khandhe .pe. Cittañca vatthuñca
paccayā nocittā khandhā ahetukapaṭisandhikkhaṇe cittañca vatthuñca
paccayā nocittā khandhā cakkhāyatanañca cakkhuviññāṇañca paccayā
cakkhuviññāṇasahagatā khandhā kāyāyatanañca .pe. Vicikicchāsahagate
uddhaccasahagate khandhe ca cittañca paccayā vicikicchāsahagato
uddhaccasahagato moho. Saṅkhittaṁ.

[55] Nahetuyā pañca nāarammaṇe tīṇi nādhipatiyā pañca
nānantare tīṇi nasamanantare tīṇi nāññamaññe tīṇi
naupanissaye tīṇi napurejāte pañca napacchājāte pañca nāasevane
pañca nakamme tīṇi navipāke pañca nāahāre ekaṁ
naindriye ekaṁ najhāne pañca namagge pañca nasampayutte tīṇi
Navippayutte pañca nonatthiyā tīṇi novigate tīṇi.

[56] Hetupaccayā nāarammaṇe tīṇi ... Nādhipatiyā pañca.
Saṅkhittaṁ.

[57] Nahetupaccayā ārammaṇe pañca ... Anantare pañca
sabbattha pañca magge tīṇi avigate pañca.
Nissayavāro paccayavārasadiso.
Saṁsaṭṭhavāro

[58] Cittaṁ dhammaṁ saṁsaṭṭho nocitto dhammo uppajjati
hetupaccayā: cittaṁ saṁsaṭṭhā sampayuttakā khandhā paṭisandhikkhaṇe
.pe. Nocittaṁ dhammaṁ saṁsaṭṭho nocitto dhammo uppajjati
hetupaccayā: nocittaṁ ekaṁ khandhaṁ saṁsaṭṭhā dve khandhā dve khandhe
saṁsaṭṭho eko khandho paṭisandhi. Nocittaṁ dhammaṁ saṁsaṭṭho
citto dhammo uppajjati hetupaccayā: nocitte khandhe saṁsaṭṭhaṁ cittaṁ
paṭisandhi. Nocittaṁ dhammaṁ saṁsaṭṭho citto ca nocitto ca
dhammā uppajjanti hetupaccayā: nocittaṁ ekaṁ khandhaṁ saṁsaṭṭhā dve
khandhā cittañca dve khandhe .pe. Paṭisandhi. Cittañca
nocittañca dhammaṁ saṁsaṭṭho nocitto dhammo uppajjati hetupaccayā:
nocittaṁ ekaṁ khandhañca cittañca saṁsaṭṭhā dve khandhā dve khandhe
.pe. Paṭisandhi. Saṅkhittaṁ.

[59] Hetuyā pañca ārammaṇe pañca adhipatiyā pañca
Sabbattha pañca avigate pañca. Saṅkhittaṁ.

[60] Nahetuyā pañca nādhipatiyā pañca napurejāte pañca
napacchājāte pañca nāasevane pañca nakamme tīṇi navipāke
pañca najhāne pañca namagge pañca navippayutte pañca.
Evaṁ itare dve gaṇanāpi sampayuttavāropi sabbe kātabbā.
Pañhāvāro

[61] Nocitto dhammo nocittassa dhammassa hetupaccayena
paccayo: nocittā hetū sampayuttakānaṁ khandhānaṁ cittasamuṭṭhānānañca
rūpānaṁ hetupaccayena paccayo paṭisandhikkhaṇe .pe. Nocitto
dhammo cittassa dhammassa hetupaccayena paccayo: nocittā hetū
cittassa hetupaccayena paccayo paṭisandhi. Nocitto dhammo
cittassa ca nocittassa ca dhammassa hetupaccayena paccayo: nocittā
hetū sampayuttakānaṁ khandhānaṁ cittassa ca cittasamuṭṭhānānañca rūpānaṁ
hetupaccayena paccayo paṭisandhi.

[62] Citto dhammo cittassa dhammassa ārammaṇapaccayena
paccayo: cittaṁ ārabbha cittaṁ uppajjati. Mūlaṁ kātabbaṁ. Cittaṁ
ārabbha nocittā khandhā uppajjanti. Mūlaṁ kātabbaṁ. Cittaṁ ārabbha
cittañca sampayuttakā ca khandhā uppajjanti. Nocitto dhammo
nocittassa dhammassa ārammaṇapaccayena paccayo: dānaṁ datvā
sīlaṁ samādiyitvā uposathakammaṁ katvā taṁ paccavekkhati assādeti
Abhinandati taṁ ārabbha rāgo uppajjati .pe. Domanassaṁ
uppajjati pubbe suciṇṇāni ... Jhānā vuṭṭhahitvā jhānaṁ ... Ariyā
maggā vuṭṭhahitvā maggaṁ paccavekkhanti phalaṁ paccavekkhanti nibbānaṁ
paccavekkhanti nibbānaṁ gotrabhussa vodānassa maggassa phalassa
āvajjanāya ārammaṇapaccayena paccayo ariyā nocitte pahīne
kilese paccavekkhanti vikkhambhite kilese paccavekkhanti pubbe
samudāciṇṇe kilese jānanti cakkhuṁ ... Vatthuṁ ... Nocitte khandhe
aniccato .pe. Domanassaṁ uppajjati dibbena cakkhunā rūpaṁ passati
dibbāya sotadhātuyā saddaṁ suṇāti cetopariyañāṇena
nocittasamaṅgissa cittaṁ jānāti ākāsānañcāyatanaṁ .pe.
Ākiñcaññāyatanaṁ .pe. Rūpāyatanaṁ cakkhuviññāṇasahagatānaṁ khandhānaṁ
phoṭṭhabbāyatanaṁ .pe. Nocittā khandhā iddhividhañāṇassa cetopariyañāṇassa
pubbenivāsānussatiñāṇassa yathākammupagañāṇassa anāgataṁsañāṇassa
āvajjanāya ārammaṇapaccayena paccayo. Nocitto
dhammo cittassa dhammassa ārammaṇapaccayena paccayo: dānaṁ
datvā ... Paṭhamagamanasadisaṁ ninnānākaraṇaṁ. Imaṁ nānaṁ rūpāyatanaṁ
cakkhuviññāṇassa phoṭṭhabbāyatanaṁ kāyaviññāṇassa. Nocittā khandhā
iddhividhañāṇassa .pe. Āvajjanāya ārammaṇapaccayena paccayo.
Nocitto dhammo cittassa ca nocittassa ca dhammassa ārammaṇapaccayena
paccayo: dānaṁ datvā ... Paṭhamagamanasadisaṁ ninnānākaraṇaṁ.
Imaṁ nānaṁ rūpāyatanaṁ cakkhuviññāṇassa sampayuttakānañca khandhānaṁ
phoṭṭhabbāyatanaṁ kāyaviññāṇassa sampayuttakānañca khandhānaṁ.
Nocittā khandhā iddhividhañāṇassa .pe. Āvajjanāya
ārammaṇapaccayena paccayo. Citto ca nocitto ca dhammā cittassa
dhammassa ārammaṇapaccayena paccayo: cittañca sampayuttake ca
khandhe ārabbha cittaṁ tīṇi.

[63] Citto dhammo cittassa dhammassa adhipatipaccayena paccayo:
ārammaṇādhipati: cittaṁ garuṁ katvā cittaṁ uppajjati. Citto
dhammo nocittassa dhammassa adhipatipaccayena paccayo: ārammaṇādhipati
sahajātādhipati. Ārammaṇādhipati: cittaṁ garuṁ katvā nocittā
khandhā uppajjanti. Sahajātādhipati: cittādhipati sampayuttakānaṁ
khandhānaṁ cittasamuṭṭhānānañca rūpānaṁ adhipatipaccayena paccayo.
Citto dhammo cittassa ca nocittassa ca dhammassa
adhipatipaccayena paccayo: ārammaṇādhipati: cittaṁ garuṁ katvā
cittañca sampayuttakā ca khandhā uppajjanti. Nocitto dhammo
nocittassa dhammassa adhipatipaccayena paccayo: ārammaṇādhipati
sahajātādhipati. Ārammaṇādhipati: dānaṁ ... Sīlaṁ ... Uposathakammaṁ ...
Taṁ garuṁ katvā paccavekkhati assādeti abhinandati taṁ garuṁ katvā
rāgo uppajjati diṭṭhi uppajjati .pe. Pubbe ... Jhānā ...
Ariyā maggā vuṭṭhahitvā maggaṁ paccavekkhanti phalaṁ ... Nibbānaṁ
Garuṁ katvā ... Nibbānaṁ gotrabhussa vodānassa maggassa phalassa
adhipatipaccayena paccayo cakkhuṁ ... Vatthuṁ ... Nocitte khandhe garuṁ
katvā assādeti abhinandati taṁ garuṁ katvā rāgo uppajjati
diṭṭhi uppajjati .pe. Sahajātādhipati: nocittā adhipati sampayuttakānaṁ
khandhānaṁ cittasamuṭṭhānānañca rūpānaṁ adhipatipaccayena paccayo.
Nocitto dhammo cittassa dhammassa adhipatipaccayena paccayo:
dvepi gamanā paṭhamagamanasadisā ninnānākaraṇā ārammaṇādhipati
sahajātādhipati kātabbā. Citto ca nocitto ca dhammā cittassa
dhammassa adhipatipaccayena paccayo: ārammaṇādhipati tīṇipi
garukārammaṇā kātabbā ārammaṇādhipatiyeva.