[44] Cittaṁ dhammaṁ paṭicca nocitto dhammo uppajjati
nāarammaṇapaccayā: cittaṁ paṭicca cittasamuṭṭhānaṁ rūpaṁ paṭisandhi.
Nocittaṁ dhammaṁ paṭicca nocitto dhammo uppajjati nāarammaṇapaccayā:
nocitte khandhe paṭicca cittasamuṭṭhānaṁ rūpaṁ paṭisandhi yāva
asaññasattā. Cittañca nocittañca dhammaṁ paṭicca nocitto
dhammo uppajjati nāarammaṇapaccayā: cittañca sampayuttake ca
khandhe paṭicca cittasamuṭṭhānaṁ rūpaṁ cittañca mahābhūte ca paṭicca
cittasamuṭṭhānaṁ rūpaṁ paṭisandhikkhaṇe cittañca sampayuttake ca khandhe
paṭicca kaṭattārūpaṁ cittañca mahābhūte ca paṭicca kaṭattārūpaṁ.

[45] Nocittaṁ dhammaṁ paṭicca nocitto dhammo uppajjati
Nādhipatipaccayā: pañca. Nānantarapaccayā: .pe. Naupanissayapaccayā:
tīṇi.

[46] Cittaṁ dhammaṁ paṭicca nocitto dhammo uppajjati
napurejātapaccayā: arūpe cittaṁ paṭicca sampayuttakā khandhā cittaṁ paṭicca
cittasamuṭṭhānaṁ rūpaṁ paṭisandhikkhaṇe cittaṁ paṭicca sampayuttakā
khandhā kaṭattā ca rūpaṁ. Nocittaṁ dhammaṁ paṭicca nocitto dhammo
uppajjati napurejātapaccayā: arūpe nocittaṁ ekaṁ khandhaṁ paṭicca
dve khandhā dve khandhe .pe. Nocitte khandhe paṭicca
cittasamuṭṭhānaṁ rūpaṁ paṭisandhi yāva asaññasattā. Nocittaṁ dhammaṁ
paṭicca citto dhammo uppajjati napurejātapaccayā: arūpe nocitte
khandhe paṭicca cittaṁ paṭisandhikkhaṇe vatthuṁ paṭicca cittaṁ. Nocittaṁ
dhammaṁ paṭicca citto ca nocitto ca dhammā uppajjanti napurejātapaccayā:
arūpe nocittaṁ ekaṁ khandhaṁ paṭicca dve khandhā cittañca
paṭisandhikkhaṇe vatthuṁ paṭicca cittañca sampayuttakā ca khandhā.
Cittañca nocittañca dhammaṁ paṭicca nocitto dhammo uppajjati
napurejātapaccayā: arūpe nocittaṁ ekaṁ khandhañca cittañca paṭicca
dve khandhā dve khandhe ... Nocitte khandhe ca cittañca paṭicca
cittasamuṭṭhānaṁ rūpaṁ cittañca mahābhūte ca paṭicca cittasamuṭṭhānaṁ rūpaṁ
paṭisandhikkhaṇe cittañca vatthuñca paṭicca nocittā khandhā
paṭisandhikkhaṇe cittañca sampayuttake khandhe ca paṭicca kaṭattārūpaṁ
Cittañca mahābhūte ca paṭicca kaṭattārūpaṁ. Napacchājātapaccayā:
nāasevanapaccayā:.

[47] Cittaṁ dhammaṁ paṭicca nocitto dhammo uppajjati
nakammapaccayā: cittaṁ paṭicca sampayuttakā cetanā. Nocittaṁ dhammaṁ
paṭicca nocitto dhammo uppajjati nakammapaccayā: nocitte khandhe
paṭicca sampayuttakā cetanā bāhiraṁ ... Āhārasamuṭṭhānaṁ ...
Utusamuṭṭhānaṁ .... Cittañca nocittañca dhammaṁ paṭicca nocitto
dhammo uppajjati nakammapaccayā: nocitte khandhe ca cittañca
paṭicca sampayuttakā cetanā. Saṅkhittaṁ.

[48] Nahetuyā pañca nāarammaṇe tīṇi nādhipatiyā
pañca nānantare tīṇi nasamantare tīṇi nāññamaññe tīṇi
naupanissaye tīṇi napurejāte pañca napacchājāte pañca
nāasevane pañca nakamme tīṇi navipāke pañca nāahāre ekaṁ
naindriye ekaṁ najhāne pañca namagge pañca nasampayutte
tīṇi navippayutte pañca nonatthiyā tīṇi novigate tīṇi.

[49] Hetupaccayā nāarammaṇe tīṇi ... Nādhipatiyā pañca.
Saṅkhittaṁ.

[50] Nahetupaccayā ārammaṇe pañca ... Anantare pañca
sabbattha pañca magge tīṇi avigate pañca.
Sahajātavāro paṭiccavārasadiso.
Paccayavāro

[51] Cittaṁ dhammaṁ paccayā nocitto dhammo uppajjati
hetupaccayā: cittaṁ paccayā sampayuttakā khandhā cittasamuṭṭhānañca
rūpaṁ paṭisandhi. Nocittaṁ dhammaṁ paccayā nocitto dhammo uppajjati
hetupaccayā: nocittaṁ ekaṁ khandhaṁ paccayā dve khandhā
cittasamuṭṭhānañca rūpaṁ dve khandhe .pe. Paṭisandhi yāva mahābhūtā
vatthuṁ paccayā nocittā khandhā. Nocittaṁ dhammaṁ paccayā citto
dhammo uppajjati hetupaccayā: nocitte khandhe paccayā cittaṁ
vatthuṁ paccayā cittaṁ paṭisandhikkhaṇe nocitte khandhe paccayā cittaṁ
paṭisandhikkhaṇe vatthuṁ paccayā cittaṁ. Nocittaṁ dhammaṁ paccayā
citto ca nocitto ca dhammā uppajjanti hetupaccayā: nocittaṁ
ekaṁ khandhaṁ paccayā dve khandhā cittañca cittasamuṭṭhānañca rūpaṁ
dve khandhe ... Vatthuṁ paccayā cittañca sampayuttakā ca khandhā
paṭisandhikkhaṇe nocittaṁ ekaṁ khandhaṁ paccayā dve khandhā cittañca
kaṭattā ca rūpaṁ dve khandhe ... Paṭisandhikkhaṇe vatthuṁ paccayā
cittañca sampayuttakā ca khandhā. Cittañca nocittañca dhammaṁ
paccayā nocitto dhammo uppajjati hetupaccayā: nocittaṁ ekaṁ
khandhañca cittañca paccayā dve khandhā cittasamuṭṭhānañca rūpaṁ
dve khandhe ... Cittañca vatthuñca paccayā nocittā khandhā
paṭisandhikkhaṇe nocittaṁ ekaṁ khandhañca cittañca paccayā dve khandhā
Kaṭattā ca rūpaṁ dve khandhe ... Paṭisandhikkhaṇe cittañca vatthuñca
paccayā nocittā khandhā.

[52] Cittaṁ dhammaṁ paccayā nocitto dhammo uppajjati
ārammaṇapaccayā: ekaṁ paṭiccasadisaṁ. Nocittaṁ dhammaṁ paccayā
nocitto dhammo uppajjati ārammaṇapaccayā: nocittaṁ ekaṁ khandhaṁ
paccayā dve khandhā dve khandhe .pe. Paṭisandhikkhaṇe vatthuṁ
paccayā nocittā khandhā cakkhāyatanaṁ paccayā cakkhuviññāṇasahagatā
khandhā kāyāyatanaṁ paccayā kāyaviññāṇasahagatā khandhā vatthuṁ
paccayā nocittā khandhā. Nocittaṁ dhammaṁ paccayā citto dhammo
uppajjati ārammaṇapaccayā: nocitte khandhe paccayā cittaṁ vatthuṁ
paccayā cittaṁ paṭisandhikkhaṇe nocitte khandhe paccayā cittaṁ
paṭisandhikkhaṇe vatthuṁ paccayā cittaṁ cakkhāyatanaṁ paccayā
cakkhuviññāṇaṁ kāyāyatanaṁ paccayā kāyaviññāṇaṁ. Nocittaṁ dhammaṁ
paccayā citto ca nocitto ca dhammā uppajjanti ārammaṇapaccayā:
nocittaṁ ekaṁ khandhaṁ paccayā dve khandhā cittañca dve khandhe ...
Vatthuṁ paccayā cittañca sampayuttakā ca khandhā paṭisandhikkhaṇe
vatthuṁ paccayā cittañca sampayuttakā ca khandhā cakkhāyatanaṁ
paccayā cakkhuviññāṇaṁ sampayuttakā ca khandhā kāyāyatanaṁ paccayā
kāyaviññāṇaṁ sampayuttakā ca khandhā. Cittañca nocittañca
dhammaṁ paccayā nocitto dhammo uppajjati ārammaṇapaccayā:
Nocittaṁ ekaṁ khandhañca cittañca paccayā dve khandhā dve khandhe ...
Cittañca vatthuñca paccayā nocittā khandhā paṭisandhikkhaṇe
cittañca vatthuñca paccayā nocittā khandhā cakkhāyatanañca
cakkhuviññāṇañca paccayā cakkhuviññāṇasahagatā khandhā
kāyāyatanañca ... Saṅkhittaṁ.

[53] Hetuyā pañca ārammaṇe pañca adhipatiyā pañca
sabbattha pañca avigate pañca.