[425] Hetuyā nava ārammaṇe nava sabbattha nava
vipāke ekaṁ avigate nava.

[426] Nahetuyā cattāri. Yattha yattha vatthu labbhati tattha
tattha ninnānaṁ kātabbaṁ. Nāarammaṇe tīṇi novigate tīṇi.
Evaṁ itarepi dve gaṇanā ca nissayavāro ca kātabbā.
Saṁsaṭṭhavāro

[427] Saññojanaṁ dhammaṁ saṁsaṭṭho saññojano dhammo uppajjati
hetupaccayā: kāmarāgasaññojanaṁ saṁsaṭṭhaṁ diṭṭhisaññojanaṁ avijjāsaññojanaṁ
evaṁ nava pañhā arūpāyeva kātabbā.
Saṁsaṭṭhavāropi sampayuttavāropi evaṁ kātabbā.
Pañhāvāro

[428] Saññojano dhammo saññojanassa dhammassa hetupaccayena
paccayo: saññojanā hetū sampayuttakānaṁ saññojanānaṁ hetupaccayena
paccayo. Saññojano dhammo nosaññojanassa dhammassa hetupaccayena
paccayo: saññojanā hetū sampayuttakānaṁ khandhānaṁ cittasamuṭṭhānānañca
rūpānaṁ hetupaccayena paccayo. Saññojano dhammo
saññojanassa ca nosaññojanassa ca dhammassa hetupaccayena paccayo:
saññojanā hetū sampayuttakānaṁ khandhānaṁ saññojanānañca cittasamuṭṭhānānañca
rūpānaṁ hetupaccayena paccayo. Nosaññojano dhammo
nosaññojanassa dhammassa hetupaccayena paccayo: nosaññojanā
Hetū sampayuttakānaṁ khandhānaṁ cittasamuṭṭhānānañca rūpānaṁ hetupaccayena
paccayo paṭisandhikkhaṇe ....

[429] Saññojano dhammo saññojanassa dhammassa ārammaṇapaccayena
paccayo: saññojane ārabbha saññojanā uppajjanti.
Mūlaṁ kātabbaṁ saññojane ārabbha nosaññojanā khandhā uppajjanti.
Mūlaṁ kātabbaṁ saññojane ārabbha saññojanā ca
sampayuttakā ca khandhā uppajjanti. Nosaññojano dhammo
nosaññojanassa dhammassa ārammaṇapaccayena paccayo: dānaṁ
datvā sīlaṁ ... Uposathakammaṁ ... Taṁ paccavekkhati pubbe suciṇṇāni
paccavekkhati jhānā vuṭṭhahitvā jhānaṁ paccavekkhati ariyā maggā
vuṭṭhahitvā maggaṁ paccavekkhanti phalaṁ ... Nibbānaṁ paccavekkhanti
nibbānaṁ gotrabhussa vodānassa maggassa phalassa āvajjanāya ariyā
nosaññojane pahīne kilese ... Vikkhambhite kilese ... Pubbe ...
Cakkhuṁ ... Vatthuṁ ... Nosaññojane khandhe aniccato ... Domanassaṁ
uppajjati dibbena cakkhunā rūpaṁ passati dibbāya sotadhātuyā
saddaṁ suṇāti cetopariyañāṇena nosaññojanacittasamaṅgissa cittaṁ
jānāti ākāsānañcāyatanaṁ viññāṇañcāyatanassa ākiñcaññāyatanaṁ
nevasaññānāsaññāyatanassa rūpāyatanaṁ cakkhuviññāṇassa
phoṭṭhabbāyatanaṁ kāyaviññāṇassa nosaññojanā khandhā iddhividhañāṇassa
cetopariyañāṇassa pubbenivāsānussatiñāṇassa yathākammūpagañāṇassa
Anāgataṁsañāṇassa āvajjanāya ārammaṇapaccayena
paccayo. Nosaññojano dhammo saññojanassa dhammassa ārammaṇapaccayena
paccayo: dānaṁ ... Sīlaṁ ... Uposathakammaṁ ... Pubbe ...
Jhānā ... Cakkhuṁ ... Vatthuṁ ... Nosaññojane khandhe assādeti
abhinandati taṁ ārabbha rāgo ... Domanassaṁ uppajjati.
Nosaññojano dhammo saññojanassa ca nosaññojanassa ca dhammassa
ārammaṇapaccayena paccayo: dānaṁ ... Sīlaṁ ... Uposathakammaṁ ... Pubbe
... Jhānā ... Cakkhuṁ ... Vatthuṁ ... Nosaññojane khandhe assādeti
abhinandati taṁ ārabbha saññojanā ca saññojanasampayuttā ca khandhā
uppajjanti. Saññojano ca nosaññojano ca dhammā
saññojanassa dhammassa ārammaṇapaccayena paccayo: tīṇi
ārabbhayeva kātabbā.

[430] Saññojano dhammo saññojanassa dhammassa adhipatipaccayena
paccayo: ārammaṇādhipati: saññojane garuṁ katvā ...
Tīṇi garukārammaṇā. Nosaññojano dhammo nosaññojanassa
dhammassa adhipatipaccayena paccayo: ārammaṇādhipati sahajātādhipati.
Ārammaṇādhipati: dānaṁ datvā sīlaṁ ... Tīṇi. Tiṇṇampi
ārammaṇādhipati sahajātādhipati kātabbā vibhajitabbā tīṇipi.
Saññojano ca nosaññojano ca dhammā saññojanassa dhammassa
adhipatipaccayena paccayo: ārammaṇādhipati: saññojane ca
Sampayuttake ca khandhe garuṁ katvā ... Tīṇi.

[431] Saññojano dhammo saññojanassa dhammassa anantarapaccayena
paccayo: purimā purimā saññojanā pacchimānaṁ pacchimānaṁ
saññojanānaṁ anantarapaccayena paccayo tīṇi. Nosaññojano
dhammo nosaññojanassa dhammassa anantarapaccayena paccayo: purimā
purimā nosaññojanā khandhā pacchimānaṁ ... .pe. Phalasamāpattiyā
anantarapaccayena paccayo. Nosaññojano dhammo saññojanassa
dhammassa anantarapaccayena paccayo: purimā purimā nosaññojanā
khandhā pacchimānaṁ pacchimānaṁ saññojanānaṁ ... Evaṁ dvepi kātabbā.
Saññojano ca nosaññojano ca dhammā saññojanassa dhammassa
anantarapaccayena paccayo: tīṇi. Saññojano dhammo saññojanassa
dhammassa samanantarapaccayena paccayo: nava. Sahajātapaccayena
paccayo: nava. Aññamaññapaccayena paccayo: nava. Nissayapaccayena
paccayo: nava.

[432] ... Upanissayapaccayena paccayo: ārammaṇūpanissayo
anantarūpanissayo pakatūpanissayo .pe. Pakatūpanissayo: saññojanā
saññojanānaṁ upanissayapaccayena paccayo evaṁ tīṇipi.
Nosaññojano dhammo nosaññojanassa dhammassa upanissayapaccayena
paccayo: ārammaṇūpanissayo anantarūpanissayo pakatūpanissayo .pe.
Pakatūpanissayo: saddhaṁ upanissāya dānaṁ deti .pe. Samāpattiṁ
Uppādeti mānaṁ jappeti diṭṭhiṁ gaṇhāti sīlaṁ ... .pe. Paññaṁ
rāgaṁ .pe. Patthanaṁ ... Senāsanaṁ upanissāya dānaṁ deti .pe.
Saṅghaṁ bhindati saddhā .pe. Senāsanaṁ saddhāya .pe. Phalasamāpattiyā
upanissayapaccayena paccayo. Nosaññojano dhammo
saññojanassa dhammassa upanissayapaccayena paccayo: ārammaṇūpanissayo
anantarūpanissayo pakatūpanissayo .pe. Pakatūpanissayo:
saddhaṁ upanissāya mānaṁ jappeti diṭṭhiṁ gaṇhāti sīlaṁ ... .pe.
Senāsanaṁ upanissāya pāṇaṁ hanati .pe. Saṅghaṁ bhindati saddhā
.pe. Senāsanaṁ rāgassa .pe. Patthanāya upanissayapaccayena
paccayo. Nosaññojano dhammo saññojanassa ca nosaññojanassa
ca dhammassa upanissayapaccayena paccayo: ārammaṇūpanissayo
anantarūpanissayo pakatūpanissayo .pe. Pakatūpanissayo:
saddhaṁ upanissāya mānaṁ jappeti diṭṭhiṁ gaṇhāti sīlaṁ ... .pe.
Senāsanaṁ upanissāya pāṇaṁ hanati .pe. Saṅghaṁ bhindati saddhā
.pe. Senāsanaṁ saññojanānaṁ sampayuttakānañca khandhānaṁ upanissayapaccayena
paccayo. Saññojano ca nosaññojano ca dhammā
saññojanassa dhammassa upanissayapaccayena paccayo: tīṇi.

[433] Nosaññojano dhammo nosaññojanassa dhammassa
purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Vatthuṁ aniccato ... Domanassaṁ uppajjati
Dibbena cakkhunā rūpaṁ passati dibbāya sotadhātuyā saddaṁ suṇāti
rūpāyatanaṁ cakkhuviññāṇassa phoṭṭhabbāyatanaṁ kāyaviññāṇassa
ārammaṇapaccayena paccayo. Vatthupurājātaṁ: cakkhāyatanaṁ
cakkhuviññāṇassa kāyāyatanaṁ kāyaviññāṇassa vatthu nosaññojanānaṁ
khandhānaṁ purejātapaccayena paccayo. Nosaññojano dhammo
saññojanassa dhammassa purejātapaccayena paccayo: ārammaṇapurejātaṁ
vatthupurejātaṁ. Ārammaṇapurejātaṁ: cakkhuṁ ... Vatthuṁ
assādeti abhinandati taṁ ārabbha rāgo ... Domanassaṁ uppajjati.
Vatthupurejātaṁ: vatthu saññojanānaṁ purejātapaccayena paccayo.
Nosaññojano dhammo saññojanassa ca nosaññojanassa ca dhammassa
purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Vatthuṁ assādeti abhinandati taṁ ārabbha
saññojanā ca sampayuttakā ca khandhā uppajjanti. Vatthupurejātaṁ:
vatthu saññojanānaṁ sampayuttakānañca khandhānaṁ purejātapaccayena
paccayo.

[434] Saññojano dhammo nosaññojanassa dhammassa pacchājātapaccayena
paccayo: ekaṁ. Nosaññojano dhammo nosaññojanassa
dhammassa pacchājātapaccayena paccayo:. Saññojano
ca nosaññojano ca dhammā nosaññojanassa dhammassa pacchājātapaccayena
paccayo:.