[415] Hetupaccayā nāarammaṇe cattāri saṅkhittaṁ ...
Nasamanantare cattāri naupanissaye cattāri namagge cattāri
navippayutte cattāri nonatthiyā cattāri novigate cattāri.

[416] Nahetupaccayā ārammaṇe nava ... Adhipatiyā nava anulomapadāni
gaṇetabbāni ... Avigate nava.
Āsavāasavasampayuttadukaṁ niṭṭhitaṁ.
------------
Āsavavippayuttasāsavadukaṁ
paṭiccavāro

[417] Āsavavippayuttaṁ sāsavaṁ dhammaṁ paṭicca āsavavippayuttosāsavo
dhammo uppajjati hetupaccayā: āsavavippayuttaṁsāsavaṁ
ekaṁ khandhaṁ paṭicca tayo khandhā cittasamuṭṭhānañca rūpaṁ dve khandhe ...
Paṭisandhikkhaṇe khandhe paṭicca vatthu vatthuṁ paṭicca khandhā ekaṁ
mahābhūtaṁ .... Āsavavippayuttaṁ anāsavaṁ dhammaṁ paṭicca āsavavippayutto
anāsavo dhammo uppajjati hetupaccayā: tīṇi. Yathā cūḷantaraduke
lokiyadukaṁ evaṁ vitthāretabbaṁ ninnānākaraṇaṁ. Saṅkhittaṁ.
Āsavavippayuttasāsavadukaṁ niṭṭhitaṁ.
-----------
Saññojanadukaṁ
paṭiccavāro

[418] Saññojanaṁ dhammaṁ paṭicca saññojano dhammo uppajjati
hetupaccayā: kāmarāgasaññojanaṁ paṭicca diṭṭhisaññojanaṁ avijjāsaññojanaṁ
kāmarāgasaññojanaṁ paṭicca sīlabbataparāmāsasaññojanaṁ
avijjāsaññojanaṁ kāmarāgasaññojanaṁ paṭicca mānasaññojanaṁ avijjāsaññojanaṁ
kāmarāgasaññojanaṁ paṭicca avijjāsaññojanaṁ paṭighasaññojanaṁ
paṭicca issāsaññojanaṁ avijjāsaññojanaṁ paṭighasaññojanaṁ
paṭicca macchariyasaññojanaṁ avijjāsaññojanaṁ paṭighasaññojanaṁ
paṭicca avijjāsaññojanaṁ mānasaññojanaṁ paṭicca
bhavarāgasaññojanaṁ avijjāsaññojanaṁ bhavarāgasaññojanaṁ paṭicca
avijjāsaññojanaṁ vicikicchāsaññojanaṁ paṭicca avijjāsaññojanaṁ.
Saññojanaṁ dhammaṁ paṭicca nosaññojano dhammo uppajjati hetupaccayā:
saññojane paṭicca sampayuttakā khandhā cittasamuṭṭhānañca
Rūpaṁ. Saññojanaṁ dhammaṁ paṭicca saññojano ca
nosaññojano ca dhammā uppajjanti hetupaccayā: kāmarāgasaññojanaṁ
paṭicca diṭṭhisaññojanaṁ avijjāsaññojanaṁ sampayuttakā
ca khandhā cittasamuṭṭhānañca rūpaṁ cakkaṁ bandhitabbaṁ. Nosaññojanaṁ
dhammaṁ paṭicca nosaññojano dhammo uppajjati hetupaccayā:
nosaññojanaṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe ... Paṭisandhikkhaṇe khandhe paṭicca vatthu vatthuṁ
paṭicca khandhā ekaṁ mahābhūtaṁ ... Mahābhūte paṭicca cittasamuṭṭhānaṁ
rūpaṁ kaṭattārūpaṁ upādārūpaṁ. Nosaññojanaṁ dhammaṁ paṭicca saññojano
dhammo uppajjati hetupaccayā: nosaññojane khandhe paṭicca
saññojanā. Nosaññojanaṁ dhammaṁ paṭicca saññojano ca nosaññojano
ca dhammā uppajjanti hetupaccayā: nosaññojanaṁ ekaṁ
khandhaṁ paṭicca tayo khandhā saññojanā ca cittasamuṭṭhānañca rūpaṁ
dve khandhe .... Saññojanañca nosaññojanañca dhammaṁ paṭicca
saññojano dhammo uppajjati hetupaccayā: kāmarāgasaññojanañca
sampayuttake ca khandhe paṭicca diṭṭhisaññojanaṁ avijjāsaññojanaṁ
cakkaṁ bandhitabbaṁ. Saññojanañca nosaññojanañca dhammaṁ paṭicca
nosaññojano dhammo uppajjati hetupaccayā: nosaññojanaṁ
ekaṁ khandhañca saññojane ca paṭicca tayo khandhā cittasamuṭṭhānañca
rūpaṁ dve khandhe .... Saññojanañca nosaññojanañca dhammaṁ paṭicca
Saññojano ca nosaññojano ca dhammā uppajjanti hetupaccayā:
nosaññojanaṁ ekaṁ khandhañca kāmarāgasaññojanañca paṭicca tayo
khandhā diṭṭhisaññojanaṁ avijjāsaññojanaṁ cittasamuṭṭhānañca rūpaṁ
cakkaṁ bandhitabbaṁ.
Ārammaṇapaccaye rūpaṁ natthi. Adhipatipaccayo hetusadiso
vicikicchāsaññojanaṁ natthi. Anantarapaccayā: avigatapaccayā:.

[419] Hetuyā nava ārammaṇe nava adhipatiyā nava anantare
nava sabbattha nava vipāke ekaṁ āhāre nava avigate nava.

[420] Saññojanaṁ dhammaṁ paṭicca saññojano dhammo uppajjati
nahetupaccayā: vicikicchāsaññojanaṁ paṭicca avijjāsaññojanaṁ.
Nosaññojanaṁ dhammaṁ paṭicca nosaññojano dhammo uppajjati
nahetupaccayā: ahetukaṁ nosaññojanaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe ... Yāva asaññasattā.
Nosaññojanaṁ dhammaṁ paṭicca saññojano dhammo uppajjati nahetupaccayā:
vicikicchāsahagate uddhaccasahagate khandhe paṭicca avijjāsaññojanaṁ.
Saññojanañca nosaññojanañca dhammaṁ paṭicca saññojano dhammo
uppajjati nahetupaccayā: vicikicchāsaññojanañca sampayuttake ca
khandhe paṭicca avijjāsaññojanaṁ. Saṅkhittaṁ. Āsavagocchakasadisaṁ.
Nāarammaṇāpi sabbe uddharitabbā.

[421] Nahetuyā cattāri nāarammaṇe tīṇi nādhipatiyā
Nava nānantare tīṇi nasamanantare tīṇi nāññamaññe tīṇi
naupanissaye tīṇi napurejāte nava napacchājāte nava nāasevane
nava nakamme tīṇi navipāke nava nāahāre ekaṁ naindriye
ekaṁ najhāne ekaṁ namagge ekaṁ nasampayutte tīṇi navippayutte
nava nonatthiyā tīṇi novigate tīṇi.

[422] Hetupaccayā nāarammaṇe tīṇi ... Nādhipatiyā nava
evaṁ sabbaṁ gaṇetabbaṁ.

[423] Nahetupaccayā ārammaṇe cattāri ... Sabbattha cattāri
vipāke ekaṁ āhāre cattāri magge tīṇi sampayutte cattāri
avigate cattāri.
Saññojanaṁ dhammaṁ sahajāto ...
Paccayavāro

[424] Saññojanaṁ dhammaṁ paccayā saññojano dhammo uppajjati
hetupaccayā: tīṇi paṭiccasadisaṁ. Nosaññojanaṁ dhammaṁ paccayā
nosaññojano dhammo uppajjati hetupaccayā: nosaññojanaṁ ekaṁ
khandhaṁ paccayā tayo khandhā cittasamuṭṭhānañca rūpaṁ dve khandhe ...
Paṭisandhikkhaṇe khandhe paccayā vatthu vatthuṁ paccayā khandhā ekaṁ
mahābhūtaṁ ... Mahābhūte paccayā cittasamuṭṭhānaṁ rūpaṁ kaṭattārūpaṁ
upādārūpaṁ vatthuṁ paccayā nosaññojanā khandhā. Nosaññojanaṁ
dhammaṁ paccayā saññojano dhammo uppajjati hetupaccayā:
Nosaññojane khandhe paccayā saññojanā. Nosaññojanaṁ dhammaṁ
paccayā saññojano ca nosaññojano ca dhammā uppajjanti
hetupaccayā: nosaññojanaṁ ekaṁ khandhaṁ paccayā tayo khandhā
saññojanañca cittasamuṭṭhānañca rūpaṁ dve khandhe ... Vatthuṁ
paccayā saññojanā mahābhūte paccayā cittasamuṭṭhānaṁ rūpaṁ vatthuṁ
paccayā saññojanā sampayuttakā ca khandhā. Saññojanañca
nosaññojanañca dhammaṁ paccayā saññojano dhammo uppajjati
hetupaccayā: kāmarāgasaññojanañca sampayuttake ca khandhe paccayā
diṭṭhisaññojanaṁ avijjāsaññojanaṁ kāmarāgasaññojanañca vatthuñca
paccayā diṭṭhisaññojanaṁ avijjāsaññojanaṁ cakkaṁ bandhitabbaṁ.
Saññojanañca nosaññojanañca dhammaṁ paccayā nosaññojano dhammo
uppajjati hetupaccayā: nosaññojanaṁ ekaṁ khandhañca saññojane
ca paccayā tayo khandhā cittasamuṭṭhānañca rūpaṁ dve khandhe ...
Cakkaṁ saññojane ca vatthuñca paccayā nosaññojanā khandhā.
Saññojanañca nosaññojanañca dhammaṁ paccayā saññojano
ca nosaññojano ca dhammā uppajjanti hetupaccayā: nosaññojanaṁ
ekaṁ khandhañca kāmarāgasaññojanañca paccayā tayo khandhā diṭṭhisaññojanaṁ
avijjāsaññojanaṁ cittasamuṭṭhānañca rūpaṁ dve khandhe ...
Cakkaṁ kāmarāgasaññojanañca vatthuñca paccayā diṭṭhisaññojanaṁ
avijjāsaññojanaṁ sampayuttakā ca khandhā cakkaṁ. Saṅkhittaṁ.