[2134] Bahiddhārammaṇaṁ dhammaṁ paṭicca bahiddhārammaṇo dhammo
uppajjati napurejātapaccayā arūpe bahiddhārammaṇaṁ ekaṁ khandhaṁ
paṭicca paṭisandhikkhaṇe ... Napacchājātapaccayā nāasevanapaccayā
sahajātasadisaṁ. Nakammapaccayā ajjhattārammaṇe khandhe paṭicca
ajjhattārammaṇā cetanā.

[2135] Bahiddhārammaṇaṁ dhammaṁ paṭicca bahiddhārammaṇo dhammo
uppajjati nakammapaccayā bahiddhārammaṇe khandhe paṭiccabahiddhārammaṇā
cetanā.

[2136] Ajjhattārammaṇaṁ dhammaṁ paṭicca ... Navipākapaccayā
paṭisandhi natthi. Najhānapaccayā pañcaviññāṇasahagataṁ
ajjhattārammaṇaṁ ekaṁ ....

[2137] Bahiddhārammaṇaṁ dhammaṁ paṭicca ... Najhānapaccayā
pañcaviññāṇasahagataṁ bahiddhārammaṇaṁ ekaṁ khandhaṁ ... Namaggapaccayā
nahetusadiso moho natthi. Navippayuttapaccayā arūpe
ajjhattārammaṇaṁ ekaṁ khandhaṁ ....

[2138] Bahiddhārammaṇaṁ dhammaṁ paṭicca ... Navippayuttapaccayā
arūpe bahiddhārammaṇaṁ ekaṁ khandhaṁ ....

[2139] Nahetuyā dve nādhipatiyā dve napurejāte dve
napacchājāte dve nāasevane nakamme navipāke najhāne namagge
navippayutte dve. Evaṁ gaṇetabbaṁ.
Paccanīyaṁ

[2140] Hetupaccayā nādhipatiyā dve ... Navipāke dve
navippayutte dve. Evaṁ gaṇetabbaṁ.
Anulomapaccanīyaṁ.

[2141] Nahetupaccayā ārammaṇe dve ... Anantare dve
samanantare dve. Saṅkhittaṁ. Magge dve avigate dve.
Evaṁ gaṇetabbaṁ.
Paccanīyānulomaṁ.
Paṭiccavāro niṭṭhito.
Sahajātavāropi paccayavāropi nissayavāropi
saṁsaṭṭhavāropi sampayuttavāropi paṭiccavārasadisā.
Pañhāvāro

[2142] Ajjhattārammaṇo dhammo ajjhattārammaṇassa dhammassa
hetupaccayena paccayo ajjhattārammaṇā hetū sampayuttakānaṁ
khandhānaṁ hetupaccayena paccayo paṭisandhikkhaṇe ajjhattārammaṇā
hetū sampayuttakānaṁ khandhānaṁ.

[2143] Bahiddhārammaṇo dhammo bahiddhārammaṇassa dhammassa
hetupaccayena paccayo bahiddhārammaṇā hetū ... Paṭisandhikkhaṇe ....