[2124] Nahetuyā cha nāarammaṇe cha nādhipatiyā cha.
Saṅkhittaṁ. Sabbattha cha kātabbā navippayutte cha noatthiyā
cattāri nonatthiyā cha novigate cha noavigate cattāri. Evaṁ
gaṇetabbaṁ.
Paccanīyaṁ.

[2125] Hetupaccayā nāarammaṇe dve ... Nādhipatiyā nānantare
nasamanantare nāññamaññe naupanissaye dve. Saṅkhittaṁ. Sabbattha
dve nasampayutte navippayutte nonatthiyā novigate dve. Evaṁ
gaṇetabbaṁ.
Anulomapaccanīyaṁ.

[2126] Nahetupaccayā ārammaṇe cattāri ... Adhipatiyā cattāri
anulomapadāni gaṇetabbāni avigate cha. Evaṁ gaṇetabbaṁ.
Paccanīyānulomaṁ.
Pañhāvāro niṭṭhito.
Ajjhattattikaṁ vīsatimaṁ
niṭṭhitaṁ
--------
Ajjhattārammaṇattikaṁ
paṭiccavāro

[2127] Ajjhattārammaṇaṁ dhammaṁ paṭicca ajjhattārammaṇo
dhammo uppajjati hetupaccayā ajjhattārammaṇaṁ ekaṁ khandhaṁ paṭicca
tayo khandhā dve khandhe ... Paṭisandhikkhaṇe ajjhattārammaṇaṁ ekaṁ
khandhaṁ paṭicca tayo khandhā dve khandhe ....

[2128] Bahiddhārammaṇaṁ dhammaṁ paṭicca bahiddhārammaṇo dhammo
uppajjati hetupaccayā bahiddhārammaṇaṁ ekaṁ khandhaṁ paṭicca tayo
khandhā dve khandhe ... Paṭisandhikkhaṇe bahiddhārammaṇaṁ ekaṁ khandhaṁ
paṭicca tayo khandhā dve khandhe ....

[2129] Ajjhattārammaṇaṁ dhammaṁ paṭicca ajjhattārammaṇo
dhammo uppajjati ārammaṇapaccayā. Saṅkhittaṁ. Avigatapaccayā.

[2130] Hetuyā dve ārammaṇe dve. Saṅkhittaṁ. Sabbattha
dve avigate dve. Evaṁ gaṇetabbaṁ.
Anulomaṁ.

[2131] Ajjhattārammaṇaṁ dhammaṁ paṭicca ajjhattārammaṇo
dhammo uppajjati nahetupaccayā ahetukaṁ ajjhattārammaṇaṁ ekaṁ
khandhaṁ paṭicca tayo khandhā dve khandhe ... Ahetukapaṭisandhikkhaṇe
ajjhattārammaṇaṁ ekaṁ khandhaṁ paṭicca dve khandhe ... Vicikicchāsahagate
uddhaccasahagate khandhe paṭicca vicikicchāsahagato uddhaccasahagato
Moho.

[2132] Bahiddhārammaṇaṁ dhammaṁ paṭicca bahiddhārammaṇo dhammo
uppajjati nahetupaccayā ahetukaṁ bahiddhārammaṇaṁ ekaṁ khandhaṁ paṭicca
tayo khandhā dve khandhe ... Ahetukapaṭisandhikkhaṇe vicikicchāsahagate
uddhaccasahagate khandhe paṭicca vicikicchāsahagato uddhaccasahagato moho.

[2133] Ajjhattārammaṇaṁ dhammaṁ paṭicca ajjhattārammaṇo dhammo
uppajjati nādhipatipaccayā anulomasahajātasadisaṁ ninnākaraṇaṁ.
Napurejātapaccayā arūpe ajjhattārammaṇaṁ ekaṁ khandhaṁ paṭicca
paṭisandhikkhaṇe ....