[1594] Parittārammaṇo dhammo parittārammaṇassa dhammassa
sahajātapaccayena paccayo aññamaññapaccayena paccayo nissayapaccayena
paccayo tīṇi paṭiccavārasadisā kātabbā. Upanissayapaccaye
ārammaṇūpanissayo anantarūpanissayo pakatūpanissayo.
Pakatūpanissayo: parittārammaṇaṁ saddhaṁ upanissāya dānaṁ deti sīlaṁ ...
Uposathakammaṁ ... Parittārammaṇaṁ jhānaṁ uppādeti vipassanaṁ ...
Abhiññaṁ ... Samāpattiṁ uppādeti mānaṁ jappeti diṭṭhiṁ gaṇhāti
parittārammaṇaṁ sīlaṁ ... Paññaṁ rāgaṁ dosaṁ mohaṁ mānaṁ diṭṭhiṁ patthanaṁ
kāyikaṁ sukhaṁ ... Kāyikaṁ dukkhaṁ upanissāya dānaṁ deti sīlaṁ ... Uposathakammaṁ
... Parittārammaṇaṁ jhānaṁ uppādeti vipassanaṁ ... Abhiññaṁ ... Samāpattiṁ
uppādeti pāṇaṁ hanati saṅghaṁ bhindati parittārammaṇā saddhā ...
Paññā rāgo patthanā kāyikaṁ sukhaṁ ... Kāyikaṁ dukkhaṁ parittārammaṇāya
saddhāya paññāya rāgassa patthanāya kāyikassa sukhassa kāyikassa
dukkhassa upanissayapaccayena paccayo.

[1595] Parittārammaṇo dhammo mahaggatārammaṇassa dhammassa
upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: parittārammaṇaṁ saddhaṁ upanissāya
mahaggatārammaṇaṁ jhānaṁ uppādeti vipassanaṁ ... Abhiññaṁ ... Samāpattiṁ
Uppādeti mānaṁ jappeti diṭṭhiṁ gaṇhāti parittārammaṇaṁ sīlaṁ ...
Paññaṁ rāgaṁ patthanaṁ kāyikaṁ sukhaṁ ... Kāyikaṁ dukkhaṁ upanissāya
mahaggatārammaṇaṁ jhānaṁ uppādeti vipassanaṁ ... Abhiññaṁ ... Samāpattiṁ
uppādeti mānaṁ jappeti diṭṭhiṁ gaṇhāti parittārammaṇā saddhā ...
Kāyikaṁ sukhaṁ ... Kāyikaṁ dukkhaṁ mahaggatārammaṇāya saddhāya paññāya
rāgassa patthanāya upanissayapaccayena paccayo.

[1596] Parittārammaṇo dhammo appamāṇārammaṇassa dhammassa
upanissayapaccayena paccayo anantarūpanissayo pakatūpanissayo.
Pakatūpanissayo: parittārammaṇaṁ saddhaṁ upanissāya appamāṇārammaṇaṁ
jhānaṁ uppādeti maggaṁ ... Abhiññaṁ ... Samāpattiṁ uppādeti parittārammaṇaṁ
sīlaṁ ... Paññaṁ rāgaṁ kāyikaṁ sukhaṁ ... Kāyikaṁ dukkhaṁ upanissāya
appamāṇārammaṇaṁ jhānaṁ uppādeti maggaṁ ... Abhiññaṁ ... Samāpattiṁ
uppādeti parittārammaṇā saddhā ... Kāyikaṁ sukhaṁ kāyikaṁ dukkhaṁ
appamāṇārammaṇāya saddhāya paññāya upanissayapaccayena paccayo.

[1597] Mahaggatārammaṇo dhammo mahaggatārammaṇassa dhammassa
upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: mahaggatārammaṇaṁ saddhaṁ upanissāya
mahaggatārammaṇaṁ jhānaṁ uppādeti vipassanaṁ ... Abhiññaṁ ...
Samāpattiṁ ... Mānaṁ ... Diṭṭhiṁ gaṇhāti mahaggatārammaṇaṁ sīlaṁ ...
Paññaṁ ... Rāgaṁ ... Patthanaṁ upanissāya ... Mahaggatārammaṇaṁ jhānaṁ ... Diṭṭhiṁ
Gaṇhāti mahaggatārammaṇā saddhā ... Paññā ... Rāgo ... Patthanā
mahaggatārammaṇāya saddhāya patthanāya upanissayapaccayena paccayo.

[1598] Mahaggatārammaṇo dhammo parittārammaṇassa dhammassa
upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: mahaggatārammaṇaṁ saddhaṁ upanissāya
dānaṁ deti sīlaṁ samādiyati uposathakammaṁ karoti parittārammaṇaṁ
jhānaṁ ... Vipassanaṁ ... Abhiññaṁ ... Samāpattiṁ ... Mānaṁ jappeti diṭṭhiṁ
gaṇhāti mahaggatārammaṇaṁ sīlaṁ ... Patthanaṁ upanissāya dānaṁ deti ...
Diṭṭhiṁ gaṇhāti mahaggatārammaṇā saddhā ... Patthanā parittārammaṇāya
saddhāya patthanāya kāyikassa sukhassa kāyikassa dukkhassa
upanissayapaccayena paccayo.

[1599] Mahaggatārammaṇo dhammo appamāṇārammaṇassa dhammassa
upanissayapaccayena paccayo anantarūpanissayo pakatūpanissayo.
Pakatūpanissayo: mahaggatārammaṇaṁ saddhaṁ upanissāya appamāṇārammaṇaṁ
jhānaṁ ... Maggaṁ ... Abhiññaṁ ... Samāpattiṁ uppādeti mahaggatārammaṇaṁ
sīlaṁ ... Patthanaṁ upanissāya appamāṇārammaṇaṁ jhānaṁ ...
Samāpattiṁ uppādeti mahaggatārammaṇā saddhā ... Patthanā appamāṇārammaṇāya
saddhāya paññāya upanissayapaccayena paccayo.

[1600] Appamāṇārammaṇo dhammo appamāṇārammaṇassa
dhammassa upanissayapaccayena paccayo ārammaṇūpanissayo
Anantarūpanissayo pakatūpanissayo. Pakatūpanissayo: appamāṇārammaṇaṁ
saddhaṁ upanissāya appamāṇārammaṇaṁ jhānaṁ ... Maggaṁ ... Abhiññaṁ ...
Samāpattiṁ uppādeti appamāṇārammaṇaṁ sīlaṁ ... Paññaṁ upanissāya
appamāṇārammaṇaṁ jhānaṁ ... Maggaṁ ... Samāpattiṁ uppādeti
appamāṇārammaṇā saddhā ... Paññā appamāṇārammaṇāya saddhāya
paññāya phalasamāpattiyā upanissayapaccayena paccayo.

[1601] Appamāṇārammaṇo dhammo parittārammaṇassa dhammassa
upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: appamāṇārammaṇaṁ saddhaṁ upanissāya
dānaṁ deti sīlaṁ samādiyati uposathakammaṁ karoti parittārammaṇaṁ
jhānaṁ uppādeti vipassanaṁ ... Abhiññaṁ ... Samāpattiṁ uppādeti
appamāṇārammaṇaṁ sīlaṁ ... Paññaṁ upanissāya dānaṁ deti ... Samāpattiṁ
uppādeti appamāṇārammaṇā saddhā ... Paññā parittārammaṇāya
saddhāya paññāya kāyikassa sukhassa kāyikassa dukkhassa upanissayapaccayena
paccayo.

[1602] Appamāṇārammaṇo dhammo mahaggatārammaṇassa
dhammassa upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: appamāṇārammaṇaṁ
saddhaṁ upanissāya mahaggatārammaṇaṁ jhānaṁ ... Vipassanaṁ ... Abhiññaṁ ...
Samāpattiṁ uppādeti appamāṇārammaṇaṁ sīlaṁ ... Paññaṁ upanissāya
Mahaggatārammaṇaṁ jhānaṁ ... Vipassanaṁ ... Abhiññaṁ ... Samāpattiṁ
uppādeti appamāṇārammaṇā saddhā ... Paññā mahaggatārammaṇāya
saddhāya paññāya upanissayapaccayena paccayo.

[1603] Parittārammaṇo dhammo parittārammaṇassa dhammassa
āsevanapaccayena paccayo purimā purimā parittārammaṇā khandhā
pacchimānaṁ pacchimānaṁ parittārammaṇānaṁ khandhānaṁ āsevanapaccayena
paccayo.