[1574] Appamāṇārammaṇo dhammo appamāṇārammaṇassa
dhammassa ārammaṇapaccayena paccayo ariyā maggā vuṭṭhahitvā maggaṁ
paccavekkhanti phalaṁ paccavekkhanti cetopariyañāṇena
appamāṇārammaṇaparittacittasamaṅgissa cittaṁ jānāti appamāṇārammaṇā
Khandhā cetopariyañāṇassa pubbenivāsānussatiñāṇassa yathākammūpagañāṇassa
anāgataṁsañāṇassa āvajjanāya ārammaṇapaccayena paccayo.

[1575] Appamāṇārammaṇo dhammo parittārammaṇassa dhammassa
ārammaṇapaccayena paccayo ariyā gotrabhuṁ paccavekkhanti vodānaṁ
paccavekkhanti maggapaccavekkhaṇaṁ paccavekkhanti phalapaccavekkhaṇaṁ
paccavekkhanti nibbānapaccavekkhaṇaṁ paccavekkhanti appamāṇārammaṇe
paritte khandhe aniccato ... Vipassati cetopariyañāṇena
appamāṇārammaṇaparittacittasamaṅgissa cittaṁ jānāti appamāṇārammaṇā
parittā khandhā cetopariyañāṇassa pubbenivāsānussatiñāṇassa
yathākammūpagañāṇassa anāgataṁsañāṇassa āvajjanāya
ārammaṇapaccayena paccayo.

[1576] Appamāṇārammaṇo dhammo mahaggatārammaṇassa
dhammassa ārammaṇapaccayena paccayo ariyā appamāṇārammaṇacetopariyañāṇaṁ
paccavekkhanti ... Pubbenivāsānussatiñāṇassa anāgataṁsañāṇassa
āvajjanāya ārammaṇapaccayena paccayo.

[1577] Parittārammaṇo dhammo parittārammaṇassa dhammassa
adhipatipaccayena paccayo ārammaṇādhipati sahajātādhipati.
Ārammaṇādhipati: dānaṁ datvā sīlaṁ samādiyitvā uposathakammaṁ katvā
taṁ garuṁ katvā paccavekkhati pubbe suciṇṇāni garuṁ katvā paccavekkhati
parittārammaṇe paritte khandhe garuṁ katvā assādeti abhinandati taṁ
Garuṁ katvā rāgo uppajjati diṭṭhi uppajjati. Sahajātādhipati:
parittārammaṇādhipati sampayuttakānaṁ khandhānaṁ adhipatipaccayena paccayo.

[1578] Parittārammaṇo dhammo mahaggatārammaṇassa dhammassa
adhipatipaccayena paccayo. Ārammaṇādhipati: dibbaṁ cakkhuṁ garuṁ katvā
paccavekkhati dibbaṁ sotadhātuṁ ... Parittārammaṇaṁ iddhividhañāṇaṁ cetopariyañāṇaṁ
pubbenivāsānussatiñāṇaṁ yathākammūpagañāṇaṁ ... Anāgataṁsañāṇaṁ
paccavekkhati parittārammaṇe mahaggate khandhe garuṁ katvā
assādeti taṁ garuṁ katvā mahaggatārammaṇo rāgo ... Diṭṭhi
uppajjati.

[1579] Mahaggatārammaṇo dhammo mahaggatārammaṇassa dhammassa
adhipatipaccayena paccayo ārammaṇādhipati sahajātādhipati.
Ārammaṇādhipati: viññāṇañcāyatanaṁ garuṁ katvā ... Nevasaññānāsaññāyatanaṁ
... Mahaggatārammaṇaṁ iddhividhañāṇaṁ ... Cetopariyañāṇaṁ pubbenivāsānussatiñāṇaṁ
yathākammūpagañāṇaṁ ... Anāgataṁsañāṇaṁ garuṁ katvā ...
Mahaggatārammaṇe mahaggate khandhe garuṁ katvā assādeti taṁ garuṁ
katvā mahaggatārammaṇo rāgo ... Diṭṭhi .... Sahajātādhipati:
mahaggatārammaṇā adhipati sampayuttakānaṁ khandhānaṁ adhipatipaccayena paccayo.

[1580] Mahaggatārammaṇo dhammo parittārammaṇassa dhammassa
adhipatipaccayena paccayo. Ārammaṇādhipati: paṭhamajjhānapaccavekkhaṇaṁ
garuṁ katvā paccavekkhati anāgataṁsañāṇapaccavekkhaṇaṁ garuṁ katvā ...
Mahaggatārammaṇe paritte khandhe garuṁ katvā assādeti taṁ garuṁ
katvā parittārammaṇo rāgo ... Diṭṭhi uppajjati.

[1581] Appamāṇārammaṇo dhammo appamāṇārammaṇassa
dhammassa adhipatipaccayena paccayo ārammaṇādhipati sahajātādhipati.
Ārammaṇādhipati: ariyā maggā vuṭṭhahitvā maggaṁ garuṁ katvā
paccavekkhanti phalaṁ garuṁ katvā .... Sahājātādhipati: appamāṇārammaṇā
adhipati sampayuttakānaṁ khandhānaṁ.

[1582] Appamāṇārammaṇo dhammo parittārammaṇassa
dhammassa .... Ārammaṇādhipati: sekkhā gotrabhuṁ garuṁ katvā
paccavekkhanti vodānaṁ garuṁ katvā paccavekkhanti maggapaccavekkhaṇaṁ
garuṁ katvā paccavekkhanti phalapaccavekkhaṇaṁ ... Nibbānapaccavekkhaṇaṁ
garuṁ katvā paccavekkhanti.

[1583] Appamāṇārammaṇo dhammo mahaggatārammaṇassa
dhammassa adhipatipaccayena paccayo. Ārammaṇādhipati: sekkhā
appamāṇārammaṇaṁ cetopariyañāṇaṁ garuṁ katvā ... Pubbenivāsānussatiñāṇaṁ ...
Anāgataṁsañāṇaṁ garuṁ katvā paccavekkhanti.