[1544] Parittārammaṇaṁ dhammaṁ paṭicca parittārammaṇo dhammo
uppajjati ārammaṇapaccayā adhipatipaccayā. Saṅkhittaṁ. Avigatapaccayā.

[1545] Hetuyā tīṇi ārammaṇe tīṇi adhipatiyā tīṇi.
Saṅkhittaṁ. Avigate tīṇi. Evaṁ gaṇetabbaṁ.
Anulomaṁ.

[1546] Parittārammaṇaṁ dhammaṁ paṭicca parittārammaṇo dhammo
uppajjati nahetupaccayā ahetukaṁ parittārammaṇaṁ ekaṁ khandhaṁ paṭicca
tayo khandhā dve khandhe ... Ahetukapaṭisandhikkhaṇe parittārammaṇaṁ
ekaṁ khandhaṁ paṭicca tayo khandhā dve khandhe ... Vicikicchāsahagate
uddhaccasahagate khandhe paṭicca vicikicchāsahagato uddhaccasahagato
moho.

[1547] Mahaggatārammaṇaṁ dhammaṁ paṭicca mahaggatārammaṇo
dhammo ... Nahetupaccayā ahetukaṁ mahaggatārammaṇaṁ ekaṁ khandhaṁ paṭicca
tayo khandhā dve khandhe ... Vicikicchāsahagate uddhaccasahagate khandhe
paṭicca vicikicchāsahagato uddhaccasahagato moho.

[1548] Appamāṇārammaṇaṁ dhammaṁ paṭicca appamāṇārammaṇo
dhammo ... Nahetupaccayā ahetukaṁ appamāṇārammaṇaṁ ekaṁ khandhaṁ
paṭicca tayo khandhā dve khandhe ....

[1549] Parittārammaṇaṁ dhammaṁ paṭicca parittārammaṇo dhammo
uppajjati nādhipatipaccayā parittārammaṇaṁ ekaṁ khandhaṁ paṭicca tayo
khandhā dve khandhe ... Paṭisandhikkhaṇe ....

[1550] Mahaggatārammaṇaṁ dhammaṁ paṭicca mahaggatārammaṇo dhammo
uppajjati nādhipatipaccayā mahaggatārammaṇaṁ ekaṁ khandhaṁ paṭicca
tayo khandhā dve khandhe ... Paṭisandhikkhaṇe ....

[1551] Appamāṇārammaṇaṁ dhammaṁ paṭicca appamāṇārammaṇo
Dhammo ... Nādhipatipaccayā appamāṇārammaṇaṁ ekaṁ khandhaṁ paṭicca
tayo khandhā dve khandhe ....

[1552] Parittārammaṇaṁ dhammaṁ paṭicca parittārammaṇo
dhammo ... Napurejātapaccayā arūpe parittārammaṇaṁ ekaṁ
khandhaṁ paṭisandhikkhaṇe ....

[1553] Parittārammaṇaṁ dhammaṁ paṭicca mahaggatārammaṇo
dhammo ... Napurejātapaccayā arūpe mahaggatārammaṇaṁ ekaṁ khandhaṁ paṭicca
tayo khandhā dve khandhe ... Napurejātapaccayā mahaggatārammaṇe
paṭisandhi natthi.