[1534] Paritto ca appamāṇo ca dhammā parittassa
dhammassa ... Sahajātaṁ pacchājātaṁ āhāraṁ indriyaṁ.

[1535] Paritto ca appamāṇo ca dhammā appamāṇassa
dhammassa ... Sahajātaṁ purejātaṁ.

[1536] Paritto ca mahaggato ca dhammā parittassa dhammassa ...
Sahajātaṁ pacchājātaṁ āhāraṁ indriyaṁ.

[1537] Paritto ca mahaggato ca dhammā mahaggatassa dhammassa ...
Sahajātaṁ purejātaṁ.

[1538] Nahetuyā paṇṇarasa nāarammaṇe paṇṇarasa nādhipatiyā
nānantare nasamanantare paṇṇarasa nasahajāte dvādasa
nāññamaññe dvādasa nanissaye dvādasa naupanissaye cuddasa
Napurejāte cuddasa napacchājāte paṇṇarasa nāasevane.
Saṅkhittaṁ. Namagge paṇṇarasa nasampayutte dvādasa navippayutte
dasa noatthiyā dasa nonatthiyā paṇṇarasa novigate paṇṇarasa
noavigate dasa. Evaṁ gaṇetabbaṁ.
Paccanīyaṁ.

[1539] Hetupaccayā nāarammaṇe satta ... Nādhipatiyā
nānantare nasamanantare satta nāññamaññe tīṇi naupanissaye
satta napurejāte. Saṅkhittaṁ. Namagge satta nasampayutte tīṇi
navippayutte tīṇi nonatthiyā satta novigate satta. Evaṁ gaṇetabbaṁ.
Anulomapaccanīyaṁ.

[1540] Nahetupaccayā ārammaṇe satta ... Adhipatiyā satta
anantare nava samanantare nava sahajāte ekādasa aññamaññe
satta nissaye terasa upanissaye nava purejāte tīṇi pacchājāte
tīṇi āsevane cattāri kamme satta. Saṅkhittaṁ. Magge satta
sampayutte tīṇi vippayutte pañca atthiyā terasa natthiyā nava vigate
nava avigate terasa.
Paccanīyānulomaṁ.
Parittattikaṁ dvādasamaṁ
niṭṭhitaṁ.
--------
Parittārammaṇattikaṁ
paṭiccavāro

[1541] Parittārammaṇaṁ dhammaṁ paṭicca parittārammaṇo dhammo
uppajjati hetupaccayā parittārammaṇaṁ ekaṁ khandhaṁ paṭicca tayo
khandhā dve khandhe ... Paṭisandhikkhaṇe parittārammaṇaṁ ekaṁ khandhaṁ
paṭicca tayo khandhā dve khandhe ....

[1542] Mahaggatārammaṇaṁ dhammaṁ paṭicca mahaggatārammaṇo
dhammo uppajjati hetupaccayā mahaggatārammaṇaṁ ekaṁ khandhaṁ
paṭicca tayo khandhā dve khandhe ... Paṭisandhikkhaṇe
mahaggatārammaṇaṁ ....

[1543] Appamāṇārammaṇaṁ dhammaṁ paṭicca appamāṇārammaṇo
dhammo uppajjati hetupaccayā appamāṇārammaṇaṁ ekaṁ khandhaṁ
paṭicca tayo khandhā dve khandhe ....