[1474] Paritto ca mahaggato ca dhammā mahaggatassa dhammassa ...
Mahaggato eko khandho ca vatthu ca tiṇṇannaṁ khandhānaṁ nissayapaccayena
paccayo paṭisandhikkhaṇe mahaggato eko khandho ca vatthu ca
tiṇṇannaṁ khandhānaṁ nissayapaccayena paccayo dve khandhā ....

[1475] Paritto dhammo parittassa dhammassa upanissayapaccayena
paccayo ārammaṇūpanissayo anantarūpanissayo pakatūpanissayo.
Pakatūpanissayo: parittaṁ saddhaṁ upanissāya dānaṁ deti sīlaṁ samādiyati
uposathakammaṁ karoti vipassanaṁ uppādeti mānaṁ jappeti diṭṭhiṁ gaṇhāti
parittaṁ sīlaṁ ... Paññaṁ rāgaṁ patthanaṁ kāyikaṁ sukhaṁ ... Senāsanaṁ upanissāya
dānaṁ deti sīlaṁ ... Uposathakammaṁ ... Vipassanaṁ uppādeti pāṇaṁ hanati
saṅghaṁ bhindati parittā saddhā ... Paññā rāgo patthanā kāyikaṁ
sukhaṁ ... Senāsanaṁ parittāya saddhāya paññāya rāgassa patthanāya
kāyikassa sukhassa kāyikassa dukkhassa upanissayapaccayena paccayo
Kusalākusalaṁ kammaṁ vipākassa upanissayapaccayena paccayo pāṇātipāto
pāṇātipātassa upanissayapaccayena paccayo. Cakkaṁ kātabbaṁ.
Mātughātikammaṁ mātughātikammassa upanissayapaccayena paccayo. Cakkaṁ
kātabbaṁ kusalattikasadisaṁ.

[1476] Paritto dhammo mahaggatassa dhammassa ... Anantarūpanissayo
pakatūpanissayo. Pakatūpanissayo: parittaṁ saddhaṁ upanissāya
mahaggataṁ jhānaṁ uppādeti abhiññaṁ ... Samāpattiṁ uppādeti parittaṁ
sīlaṁ ... Paññaṁ ... Rāgaṁ ... Senāsanaṁ upanissāya mahaggataṁ jhānaṁ uppādeti
abhiññaṁ ... Samāpattiṁ uppādeti parittā saddhā ... Senāsanaṁ
mahaggatāya saddhāya paññāya upanissayapaccayena paccayo paṭhamassa
jhānassa parikammaṁ ... Nevasaññānāsaññāyatanassa parikammaṁ
nevasaññānāsaññāyatanassa upanissayapaccayena paccayo dibbassa
cakkhussa parikammaṁ anāgataṁsañāṇassa ....

[1477] Paritto dhammo appamāṇassa dhammassa upanissayapaccayena
paccayo anantarūpanissayo pakatūpanissayo. Pakatūpanissayo:
parittaṁ saddhaṁ upanissāya appamāṇaṁ jhānaṁ uppādeti maggaṁ ...
Phalasamāpattiṁ uppādeti parittaṁ sīlaṁ ... Paññaṁ rāgaṁ patthanaṁ
kāyikaṁ sukhaṁ ... Senāsanaṁ upanissāya appamāṇaṁ jhānaṁ uppādeti maggaṁ ...
Phalasamāpattiṁ uppādeti parittā saddhā ... Senāsanaṁ appamāṇāya
saddhāya paññāya maggassa phalasamāpattiyā upanissayapaccayena paccayo
Paṭhamassa maggassa parikammaṁ paṭhamassa maggassa catutthassa maggassa
parikammaṁ catutthassa maggassa upanissayapaccayena paccayo.

[1478] Mahaggato dhammo mahaggatassa dhammassa upanissayapaccayena
paccayo anantarūpanissayo pakatūpanissayo. Pakatūpanissayo:
mahaggataṁ saddhaṁ upanissāya mahaggataṁ jhānaṁ uppādeti abhiññaṁ ...
Samāpattiṁ uppādeti mahaggataṁ sīlaṁ ... Paññaṁ upanissāya mahaggataṁ
jhānaṁ ... Abhiññaṁ ... Samāpattiṁ uppādeti mahaggatā saddhā ... Paññā
mahaggatāya saddhāya paññāya upanissayapaccayena paccayo paṭhamaṁ
jhānaṁ dutiyassa jhānassa ākiñcaññāyatanaṁ nevasaññānāsaññāyatanassa
upanissayapaccayena paccayo.

[1479] Mahaggato dhammo parittassa dhammassa ... Ārammaṇūpanisyo
anantarūpanissayo pakatūpanissayo. Pakatūpanissayo: mahaggataṁ
saddhaṁ upanissāya dānaṁ deti sīlaṁ samādiyati uposathakammaṁ karoti vipassanaṁ
uppādeti mānaṁ jappeti diṭṭhiṁ gaṇhāti mahaggataṁ sīlaṁ ... Paññaṁ
upanissāya dānaṁ deti ... Vipassanaṁ uppādeti .pe. Mahaggatā saddhā ...
Paññā parittāya saddhāya paññāya kāyikassa sukhassa kāyikassa
dukkhassa upanissayapaccayena paccayo.

[1480] Mahaggato dhammo appamāṇassa dhammassa ... Anantarūpanissayo
pakatūpanissayo. Pakatūpanissayo: mahaggataṁ saddhaṁ
upanissāya appamāṇaṁ jhānaṁ uppādeti maggaṁ ... Phalasamāpattiṁ
Uppādeti mahaggataṁ sīlaṁ ... Paññaṁ upanissāya appamāṇaṁ jhānaṁ ...
Maggaṁ ... Phalasamāpattiṁ uppādeti mahaggatā saddhā ... Paññā
appamāṇāya saddhāya paññāya maggassa phalasamāpattiyā upanissayapaccayena
paccayo.

[1481] Appamāṇo dhammo appamāṇassa dhammassa ...
Ārammaṇūpanissayo anantarūpanissayo pakatūpanissayo. Pakatūpanissayo:
appamāṇaṁ saddhaṁ upanissāya appamāṇaṁ jhānaṁ uppādeti maggaṁ ...
Phalasamāpattiṁ uppādeti appamāṇaṁ sīlaṁ ... Paññaṁ upanissāya
appamāṇaṁ jhānaṁ ... Maggaṁ ... Phalasamāpattiṁ uppādeti appamāṇā
saddhā ... Paññā appamāṇāya saddhāya paññāya upanissayapaccayena
paccayo paṭhamo maggo dutiyassa ... Tatiyo maggo catutthassa
maggassa.

[1482] Appamāṇo dhammo parittassa dhammassa upanissayapaccayena
paccayo ārammaṇūpanissayo anantarūpanissayo pakatūpanissayo.
Pakatūpanissayo: appamāṇaṁ saddhaṁ upanissāya dānaṁ deti
sīlaṁ ... Uposathakammaṁ ... Vipassanaṁ uppādeti appamāṇaṁ sīlaṁ ... Paññaṁ
upanissāya dānaṁ deti ... Sīlaṁ ... Uposathakammaṁ ... Vipassanaṁ ...
Appamāṇā saddhā ... Paññā parittāya saddhāya paññāya kāyikassa
sukhassa kāyikassa dukkhassa upanissayapaccayena paccayo phalasamāpatti
kāyikassa sukhassa upanissayapaccayena paccayo ariyā maggaṁ
Upanissāya saṅkhāre aniccato ... Vipassanti maggo ariyānaṁ
atthapaṭisambhidāya dhammapaṭisambhidāya niruttipaṭisambhidāya paṭibhāṇapaṭisambhidāya
ṭhānāṭhānakosallassa upanissayapaccayena paccayo.

[1483] Appamāṇo dhammo mahaggatassa dhammassa upanissayapaccayena
paccayo anantarūpanissayo pakatūpanissayo. Pakatūpanissayo:
appamāṇaṁ saddhaṁ upanissāya mahaggataṁ jhānaṁ ... Abhiññaṁ ...
Samāpattiṁ uppādeti appamāṇaṁ sīlaṁ ... Paññaṁ upanissāya mahaggataṁ
jhānaṁ ... Abhiññaṁ ... Samāpattiṁ uppādeti appamāṇā saddhā ...
Paññā mahaggatāya saddhāya paññāya upanissayapaccayena paccayo
ariyā maggaṁ upanissāya anuppannaṁ samāpattiṁ uppādenti uppannaṁ
samāpajjanti.