[1454] Paritto ca mahaggato ca dhammā mahaggatassa dhammassa
sahajātapaccayena paccayo paṭisandhikkhaṇe mahaggato eko khandho ca
vatthu ca tiṇṇannaṁ khandhānaṁ sahajātapaccayena paccayo.

[1455] Paritto dhammo parittassa dhammassa aññamaññapaccayena
paccayo paritto eko khandho tiṇṇannaṁ khandhānaṁ
aññamaññapaccayena paccayo paṭisandhikkhaṇe khandhā vatthussa vatthu
khandhānaṁ aññamaññapaccayena paccayo ekaṁ mahābhūtaṁ ...
Asaññasattānaṁ ....

[1456] Paritto dhammo mahaggatassa dhammassa aññamaññapaccayena
paccayo paṭisandhikkhaṇe vatthu mahaggatānaṁ khandhānaṁ
aññamaññapaccayena paccayo.

[1457] Mahaggato dhammo mahaggatassa dhammassa ... Mahaggato
eko khandho tiṇṇannaṁ khandhānaṁ aññamaññapaccayena paccayo
paṭisandhikkhaṇe ....

[1458] Mahaggato dhammo parittassa dhammassa ... Paṭisandhikkhaṇe
Mahaggatā khandhā vatthussa aññamaññapaccayena paccayo.

[1459] Mahaggato dhammo parittassa ca mahaggatassa ca dhammassa ...
Paṭisandhikkhaṇe mahaggato eko khandho tiṇṇannaṁ khandhānaṁ vatthussa ca
aññamaññapaccayena paccayo.

[1460] Appamāṇo dhammo appamāṇassa dhammassa ...
Appamāṇo eko khandho tiṇṇannaṁ khandhānaṁ aññamaññapaccayena
paccayo dve khandhā ....

[1461] Paritto ca mahaggato ca dhammā mahaggatassa dhammassa
aññamaññapaccayena paccayo paṭisandhikkhaṇe mahaggato eko
khandho vatthu ca tiṇṇannaṁ khandhānaṁ aññamaññapaccayena paccayo.

[1462] Paritto dhammo parittassa dhammassa nissayapaccayena
paccayo paritto eko khandho tiṇṇannaṁ khandhānaṁ
cittasamuṭṭhānānañca rūpānaṁ nissayapaccayena paccayo dve khandhā ...
Paṭisandhikkhaṇe khandhā vatthussa vatthu khandhānaṁ nissayapaccayena paccayo
ekaṁ mahābhūtaṁ .pe. Asaññasattānaṁ ekaṁ mahābhūtaṁ ... Cakkhāyatanaṁ
cakkhuviññāṇassa kāyāyatanaṁ kāyaviññāṇassa vatthu parittānaṁ
khandhānaṁ nissayapaccayena paccayo.

[1463] Paritto dhammo mahaggatassa dhammassa ... Vatthu
mahaggatānaṁ khandhānaṁ nissayapaccayena paccayo paṭisandhikkhaṇe vatthu
mahaggatānaṁ khandhānaṁ nissayapaccayena paccayo.