พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[1264] Asekkho dhammo asekkhassa dhammassa upanissayapaccayena
paccayo. Anantarūpanissayo: purimā purimā asekkhā khandhā
pacchimānaṁ pacchimānaṁ ... Asekkhaṁ phalaṁ asekkhassa phalassa upanissayapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1265] Asekkho dhammo nevasekkhānāsekkhassa dhammassa ...
Ārammaṇūpanissayo anantarūpanissayo pakatūpanissayo. Pakatūpanissayo:
asekkhā phalasamāpatti kāyikassa sukhassa upanissayapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1266] Nevasekkhānāsekkho dhammo nevasekkhānāsekkhassa
dhammassa upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: nevasekkhānāsekkhaṁ saddhaṁ
upanissāya dānaṁ deti sīlaṁ ... Uposathakammaṁ ... Jhānaṁ ... Vipassanaṁ ...
Abhiññaṁ ... Samāpattiṁ uppādeti mānaṁ jappeti diṭṭhiṁ ... Nevasekkhā-
nāsekkhaṁ sīlaṁ ... Paññaṁ rāgaṁ mohaṁ kāyikaṁ sukhaṁ utuṁ bhojanaṁ ... Senāsanaṁ
upanissāya dānaṁ deti sīlaṁ ... Samāpattiṁ uppādeti pāṇaṁ hanati saṅghaṁ
bhindati nevasekkhānāsekkhā saddhā ... Paññā rāgo patthanā kāyikaṁ
Sukhaṁ ... Senāsanaṁ nevasekkhānāsekkhāya saddhāya paññāya rāgassa
patthanāya kāyikassa sukhassa kāyikassa dukkhassa upanissayapaccayena
paccayo paṭhamassa jhānassa parikammaṁ paṭhamassa jhānassa upanissayapaccayena
paccayo nevasaññānāsaññāyatanassa parikammaṁ
nevasaññānāsaññāyatanassa paṭhamaṁ jhānaṁ dutiyassa jhānassa upanissayapaccayena
paccayo ākiñcaññāyatanaṁ nevasaññānāsaññāyatanassa
upanissayapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1267] Nevasekkhānāsekkho dhammo sekkhassa dhammassa
upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: paṭhamassa maggassa parikammaṁ paṭhamassa
maggassa upanissayapaccayena paccayo catutthassa maggassa parikammaṁ
catutthassa maggassa upanissayapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1268] Nevasekkhānāsekkho dhammo asekkhassa dhammassa
upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: kāyikaṁ sukhaṁ ... Kāyikaṁ dukkhaṁ utu bhojanaṁ ...
Senāsanaṁ asekkhāya phalasamāpattiyā upanissayapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1269] Nevasekkhānāsekkho dhammo nevasekkhānāsekkhassa
dhammassa purejātapaccayena paccayo ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ aniccato ... Vipassati assādeti abhinandati
taṁ ārabbha rāgo uppajjati domanassaṁ ... Sotaṁ ... Vatthuṁ ... Aniccato
Dukkhato anattato vipassati ... Domanassaṁ uppajjati dibbena cakkhunā
rūpaṁ ... Dibbāya sotadhātuyā saddaṁ ... Rūpāyatanaṁ cakkhuviññāṇassa
phoṭṭhabbāyatanaṁ kāyaviññāṇassa purejātapaccayena paccayo. Vatthupurejātaṁ:
cakkhāyatanaṁ cakkhuviññāṇassa kāyāyatanaṁ kāyaviññāṇassa
vatthu nevasekkhānāsekkhānaṁ khandhānaṁ purejātapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1270] Nevasekkhānāsekkho dhammo sekkhassa dhammassa
purejātapaccayena paccayo. Vatthupurejātaṁ: vatthu sekkhānaṁ khandhānaṁ
purejātapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1271] Nevasekkhānāsekkho dhammo asekkhassa dhammassa
purejātapaccayena paccayo. Vatthupurejātaṁ: vatthu asekkhānaṁ khandhānaṁ
purejātapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1272] Sekkho dhammo nevasekkhānāsekkhassa dhammassa
pacchājātapaccayena paccayo. Pacchājātā: sekkhā khandhā purejātassa
imassa kāyassa pacchājātapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1273] Asekkho dhammo nevasekkhānāsekkhassa dhammassa
pacchājātapaccayena paccayo. Pacchājātā: asekkhā khandhā purejātassa
imassa ....