[594] Bhāvanāyapahātabbaṁ dhammaṁ paṭicca bhāvanāyapahātabbo
dhammo uppajjati nahetupaccayā uddhaccasahagate khandhe paṭicca
uddhaccasahagato moho.

[595] Nevadassanenanabhāvanāyapahātabbaṁ dhammaṁ paṭicca
nevadassanenanabhāvanāyapahātabbo dhammo uppajjati nahetupaccayā
ahetukaṁ nevadassanenanabhāvanāyapahātabbaṁ ekaṁ khandhaṁ paṭicca tayo
khandhā cittasamuṭṭhānañca rūpaṁ dve khandhe paṭicca ahetukaṁ
paṭisandhikkhaṇe nevadassanenanabhāvanāyapahātabbaṁ ekaṁ khandhaṁ paṭicca
tayo khandhā kaṭattā ca rūpaṁ dve khandhe paṭicca dve khandhā
khandhe paṭicca vatthu vatthuṁ paṭicca khandhā ekaṁ mahābhūtaṁ paṭicca
tayo mahābhūtā mahābhūte paṭicca cittasamuṭṭhānaṁ rūpaṁ kaṭattārūpaṁ
upādārūpaṁ bāhiraṁ ... Āhārasamuṭṭhānaṁ ... Utusamuṭṭhānaṁ ... Asaññasattānaṁ
ekaṁ mahābhūtaṁ paṭicca tayo mahābhūtā mahābhūte paṭicca
kaṭattārūpaṁ upādārūpaṁ.

[596] Dassanenapahātabbaṁ dhammaṁ paṭicca nevadassanenanabhāvanāya-
pahātabbo dhammo uppajjati nāarammaṇapaccayā dassanenapahātabbe
khandhe paṭicca cittasamuṭṭhānaṁ rūpaṁ.

[597] Bhāvanāyapahātabbaṁ dhammaṁ paṭicca nevadassanenanabhāvanāya-
pahātabbo dhammo uppajjati nāarammaṇapaccayā bhāvanāyapahātabbe
khandhe paṭicca cittasamuṭṭhānaṁ rūpaṁ.

[598] Nevadassanenanabhāvanāyapahātabbaṁ dhammaṁ paṭicca
nevadassanenanabhāvanāyapahātabbo dhammo uppajjati nāarammaṇapaccayā
nevadassanenanabhāvanāyapahātabbe khandhe paṭicca cittasamuṭṭhānaṁ
rūpaṁ paṭisandhikkhaṇe nevadassanenanabhāvanāyapahātabbe
khandhe paṭicca kaṭattārūpaṁ khandhe paṭicca vatthu ... Ekaṁ mahābhūtaṁ ...
Bāhiraṁ ... Āhārasamuṭṭhānaṁ ... Utusamuṭṭhānaṁ ... Asaññasattānaṁ ekaṁ
mahābhūtaṁ ....

[599] Dassanenapahātabbañca nevadassanenanabhāvanāyapahātabbañca
dhammaṁ paṭicca nevadassanenanabhāvanāyapahātabbo dhammo
uppajjati nāarammaṇapaccayā dassanenapahātabbe khandhe ca
mahābhūte ca paṭicca cittasamuṭṭhānaṁ rūpaṁ.

[600] Bhāvanāyapahātabbañca nevadassanenanabhāvanāyapahātabbañca
dhammaṁ paṭicca nevadassanenanabhāvanāyapahātabbo dhammo
uppajjati nāarammaṇapaccayā bhāvanāyapahātabbe khandhe ca
mahābhūte ca paṭicca cittasamuṭṭhānaṁ rūpaṁ.

[601] Dassanenapahātabbaṁ dhammaṁ paṭicca dassanenapahātabbo
dhammo uppajjati nādhipatipaccayā. Paripuṇṇaṁ hetupaccayasadisaṁ.
Nānantarapaccayā nasamanantarapaccayā nāññamaññapaccayā
naupanissayapaccayā ....

[602] ... Napurejātapaccayā arūpe dassanenapahātabbaṁ ekaṁ
khandhaṁ paṭicca tayo khandhā. Dassanenapahātabbaṁ dhammaṁ paṭicca
nevadassanenanabhāvanāyapahātabbo dhammo uppajjati napurejātapaccayā
dassanenapahātabbe khandhe paṭicca cittasamuṭṭhānaṁ rūpaṁ.
Bhāvanāyapahātabbaṁ dhammaṁ paṭicca bhāvanāyapahātabbo dhammo .pe.
Arūpe bhāvanāyapahātabbaṁ ekaṁ khandhaṁ paṭicca tayo khandhā dve
khandhe paṭicca dve khandhā. Bhāvanāyapahātabbaṁ dhammaṁ paṭicca
nevadassanenanabhāvanāyapahātabbo dhammo .pe. Bhāvanāyapahātabbe
khandhe paṭicca cittasamuṭṭhānaṁ rūpaṁ. Nevadassanenanabhāvanāyapahātabbaṁ
dhammaṁ paṭicca nevadassanenanabhāvanāyapahātabbo
dhammo uppajjati napurejātapaccayā arūpe nevadassanenanabhāvanāyapahātabbaṁ
ekaṁ khandhaṁ paṭicca tayo khandhā dve khandhe paṭicca
dve khandhā nevadassanenanabhāvanāyapahātabbe khandhe paṭicca
cittasamuṭṭhānaṁ rūpaṁ paṭisandhikkhaṇe nevadassanenanabhāvanāyapahātabbaṁ
ekaṁ khandhaṁ paṭicca tayo khandhā kaṭattā ca rūpaṁ dve
khandhe paṭicca dve khandhā kaṭattā ca rūpaṁ khandhe paṭicca vatthu
vatthuṁ paṭicca khandhā ekaṁ mahābhūtaṁ paṭicca tayo .pe. Bāhiraṁ ...
Āhārasamuṭṭhānaṁ ... Utusamuṭṭhānaṁ ... Asaññasattānaṁ ekaṁ mahābhūtaṁ ....
Dassanenapahātabbañca nevadassanenanabhāvanāyapahātabbañca dhammaṁ
paṭicca nevadassanenanabhāvanāyapahātabbo dhammo .pe. Dassanenapahātabbe
khandhe ca mahābhūte ca paṭicca cittasamuṭṭhānaṁ rūpaṁ.
Bhāvanāyapahātabbañca nevadassanenanabhāvanāyapahātabbañca dhammaṁ
paṭicca nevadassanenanabhāvanāyapahātabbo dhammo uppajjati
napurejātapaccayā bhāvanāyapahātabbe khandhe ca mahābhūte ca paṭicca
cittasamuṭṭhānaṁ rūpaṁ.

[603] Dassanenapahātabbaṁ dhammaṁ paṭicca dassanenapahātabbo
dhammo uppajjati napacchājātapaccayā nāasevanapaccayā nakammapaccayā
dassanenapahātabbe khandhe paṭicca dassanenapahātabbā cetanā.