พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[584] Nevadassanenanabhāvanāyapahātabbaṁ dhammaṁ paṭicca
nevadassanenanabhāvanāyapahātabbo dhammo uppajjati ārammaṇapaccayā
nevadassanenanabhāvanāyapahātabbaṁ ekaṁ khandhaṁ paṭicca tayo khandhā
dve khandhe paṭicca dve khandhā paṭisandhikkhaṇe nevadassanenanabhāvanāyapahātabbaṁ
ekaṁ khandhaṁ paṭicca tayo khandhā dve khandhe
paṭicca dve khandhā vatthuṁ paṭicca khandhā.

Abhidhammapiṭake paṭṭhānaṁ dutiyo bhāgo (เล่ม 41)

[585] Dassanenapahātabbaṁ dhammaṁ paṭicca dassanenapahātabbo
dhammo uppajjati adhipatipaccayā tīṇi. Bhāvanāyapahātabbaṁ dhammaṁ
paṭicca bhāvanāyapahātabbo dhammo uppajjati adhipatipaccayā tīṇi.
Nevadassanenanabhāvanāyapahātabbaṁ dhammaṁ paṭicca nevadassanenanabhāvanāyapahātabbo
dhammo uppajjati adhipatipaccayā nevadassanenanabhāvanāyapahātabbaṁ
ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe paṭicca dve khandhā cittasamuṭṭhānañca
Rūpaṁ ekaṁ mahābhūtaṁ paṭicca tayo mahābhūtā dve mahābhūte
paṭicca dve mahābhūtā mahābhūte paṭicca cittasamuṭṭhānaṁ rūpaṁ
upādārūpaṁ. Dassanenapahātabbañca nevadassanenanabhāvanāyapahātabbañca
dhammaṁ paṭicca nevadassanenanabhāvanāyapahātabbo
dhammo uppajjati adhipatipaccayā dassanenapahātabbe khandhe ca
mahābhūte ca paṭicca cittasamuṭṭhānaṁ rūpaṁ. Bhāvanāyapahātabbañca
nevadassanenanabhāvanāyapahātabbañca dhammaṁ paṭicca nevadassanenanabhāvanāya-
pahātabbo dhammo uppajjati adhipatipaccayā bhāvanāyapahātabbe
khandhe ca mahābhūte ca paṭicca cittasamuṭṭhānaṁ rūpaṁ.

Abhidhammapiṭake paṭṭhānaṁ dutiyo bhāgo (เล่ม 41)

[586] Dassanenapahātabbaṁ dhammaṁ paṭicca dassanenapahātabbo
dhammo uppajjati anantarapaccayā samanantarapaccayā. Ārammaṇasadisaṁ.

Abhidhammapiṭake paṭṭhānaṁ dutiyo bhāgo (เล่ม 41)

[587] Dassanenapahātabbaṁ dhammaṁ paṭicca dassanenapahātabbo
dhammo uppajjati sahajātapaccayā tīṇi. Bhāvanāya ... Tīṇi.
Nevadassanena. Peyyālo. Ekaṁ mahābhūtaṁ paṭicca ... Bāhiraṁ ...
Āhārasamuṭṭhānaṁ ... Utusamuṭṭhānaṁ ... Asaññasattānaṁ ekaṁ mahābhūtaṁ ....
Dassanenapahātabbañca nevadassanenanabhāvanāyapahātabbañca dhammaṁ
paṭicca nevadassanenanabhāvanāyapahātabbo dhammo uppajjati
sahajātapaccayā dassanenapahātabbe khandhe ca mahābhūte ca paṭicca
cittasamuṭṭhānaṁ rūpaṁ. Bhāvanāyapahātabbañca nevadassanenanabhāvanāyapahātabbañca
Dhammaṁ paṭicca nevadassanenanabhāvanāyapahātabbo
dhammo uppajjati sahajātapaccayā bhāvanāyapahātabbe
khandhe ca mahābhūte ca paṭicca cittasamuṭṭhānaṁ rūpaṁ.

Abhidhammapiṭake paṭṭhānaṁ dutiyo bhāgo (เล่ม 41)

[588] Dassanenapahātabbaṁ dhammaṁ paṭicca dassanenapahātabbo
dhammo uppajjati aññamaññapaccayā ekaṁ. Bhāvanāyapahātabbaṁ ...
Ekaṁ. Nevadassanenanabhāvanāyapahātabbaṁ dhammaṁ paṭicca
nevadassanenanabhāvanāyapahātabbo dhammo uppajjati aññamaññapaccayā
nevadassanenanabhāvanāyapahātabbaṁ ekaṁ khandhaṁ paṭicca
tayo khandhā dve khandhe paṭicca dve khandhā paṭisandhikkhaṇe
nevadassanenanabhāvanāyapahātabbaṁ ekaṁ khandhaṁ paṭicca tayo khandhā
dve khandhe paṭicca dve khandhā khandhe paṭicca vatthu vatthuṁ paṭicca
khandhā ekaṁ mahābhūtaṁ paṭicca tayo mahābhūtā dve mahābhūte paṭicca
dve mahābhūtā bāhiraṁ ... Āhārasamuṭṭhānaṁ ... Utusamuṭṭhānaṁ ...
Asaññasattānaṁ ... Dve mahābhūte paṭicca dve mahābhūtā.

Abhidhammapiṭake paṭṭhānaṁ dutiyo bhāgo (เล่ม 41)

[589] Dassanenapahātabbaṁ dhammaṁ paṭicca dassanenapahātabbo
dhammo uppajjati nissayapaccayā. Hetupaccayasadisaṁ. Upanissayapaccayā
tīṇi. Purejātapaccayā tīṇi. Paṭisandhi natthi.
Āsevanapaccayā vipākapaṭisandhi natthi. Kammapaccayā paripuṇṇaṁ
ajjhattikā ca asaññasattānañca mahābhūtā.

Abhidhammapiṭake paṭṭhānaṁ dutiyo bhāgo (เล่ม 41)

[590] Nevadassanenanabhāvanāyapahātabbaṁ dhammaṁ paṭicca
Nevadassanenanabhāvanāyapahātabbo dhammo uppajjati vipākapaccayā
vipākaṁ ekaṁ khandhaṁ paṭicca tayo khandhā cittasamuṭṭhānañca rūpaṁ
paṭisandhikkhaṇe khandhe paṭicca vatthu vatthuṁ paṭicca khandhā ekaṁ
mahābhūtaṁ ... Mahābhūte paṭicca cittasamuṭṭhānaṁ rūpaṁ kaṭattārūpaṁ
upādārūpaṁ.

Abhidhammapiṭake paṭṭhānaṁ dutiyo bhāgo (เล่ม 41)

[591] Dassanenapahātabbaṁ dhammaṁ paṭicca dassanenapahātabbo
dhammo uppajjati āhārapaccayā. Paripuṇṇaṁ ajjhattikā mahābhūtā
ca āhārasamuṭṭhānañca. Indriyapaccayā kammapaccayasadisaṁ.
Jhānapaccayā maggapaccayā hetupaccayasadisaṁ. Sampayuttapaccayā
ārammaṇapaccayasadisaṁ. Vippayuttapaccayā kusalattike vippayuttapaccayasadisaṁ.
Atthipaccayā sahajātapaccayasadisaṁ. Natthipaccayā .pe.
Vigatapaccayā avigatapaccayā.

Abhidhammapiṭake paṭṭhānaṁ dutiyo bhāgo (เล่ม 41)

[592] Hetuyā nava ārammaṇe tīṇi adhipatiyā nava anantare
tīṇi samanantare tīṇi sahajāte nava aññamaññe tīṇi nissaye
nava upanissaye tīṇi purejāte tīṇi āsevane tīṇi kamme nava
vipāke ekaṁ āhāre nava indriye nava jhāne nava magge nava
sampayutte tīṇi vippayutte nava atthiyā nava natthiyā tīṇi vigate
tīṇi avigate nava.
Imāni padāni anumajjantena anulomaṁ gaṇetabbaṁ.
Anulomaṁ.

Abhidhammapiṭake paṭṭhānaṁ dutiyo bhāgo (เล่ม 41)

[593] Dassanenapahātabbaṁ dhammaṁ paṭicca dassanenapahātabbo
dhammo uppajjati nahetupaccayā vicikicchāsahagate khandhe paṭicca
vicikicchāsahagato moho.