พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[474] Pītisahagatañca sukhasahagatañca dhammaṁ paṭicca pītisahagato
dhammo uppajjati nahetupaccayā ahetukaṁ pītisahagatañca sukhasahagatañca
ekaṁ khandhaṁ paṭicca pītisahagatā tayo khandhā dve
khandhe paṭicca dve khandhā. Pītisahagatañca sukhasahagatañca dhammaṁ
paṭicca sukhasahagato dhammo uppajjati nahetupaccayā ahetukaṁ pītisahagatañca
sukhasahagatañca ekaṁ khandhaṁ paṭicca sukhasahagatā dve khandhā
dve khandhe paṭicca eko khandho. Pītisahagatañca sukhasahagatañca
dhammaṁ paṭicca pītisahagatañca sukhasahagato ca dhammā uppajjanti
nahetupaccayā ahetukaṁ pītisahagatañca sukhasahagatañca ekaṁ khandhaṁ
paṭicca pītisahagatā ca sukhasahagatā ca dve khandhā dve khandhe
Paṭicca eko khandho.

Abhidhammapiṭake paṭṭhānaṁ dutiyo bhāgo (เล่ม 41)

[475] Pītisahagataṁ dhammaṁ paṭicca pītisahagato dhammo uppajjati
nādhipatipaccayā. Na adhipati paṭisandhikkhaṇe paripuṇṇaṁ. Napurejātapaccayā
arūpeti niyāmetabbaṁ paṭisandhikkhaṇeti ca. ... Napacchājātapaccayā
nāasevanapaccayā. Pītisahagataṁ dhammaṁ paṭicca pītisahagato
dhammo uppajjati nakammapaccayā pītisahagate khandhe paṭicca pītisahagatā
cetanā. Pītisahajataṁ dhammaṁ paṭicca sukhasahagato dhammo
uppajjati nakammapaccayā pītisahagate khandhe paṭicca sukhasahagatā
cetanā. Iminā kāraṇena dasa pañhā vitthāretabbā. Pītisahagataṁ
dhammaṁ paṭicca pītisahagato dhammo uppajjati navipākapaccayā
.pe. Paripuṇṇaṁ. Paṭisandhi natthi .pe.

Abhidhammapiṭake paṭṭhānaṁ dutiyo bhāgo (เล่ม 41)

[476] Sukhasahagataṁ dhammaṁ paṭicca sukhasahagato dhammo uppajjati
najhānapaccayā sukhasahagataṁ kāyaviññāṇasahagataṁ ekaṁ khandhaṁ paṭicca
dve khandhā dve khandhe paṭicca eko khandho.

Abhidhammapiṭake paṭṭhānaṁ dutiyo bhāgo (เล่ม 41)

[477] Upekkhāsahagataṁ dhammaṁ paṭicca upekkhāsahagato dhammo
uppajjati najhānapaccayā cakkhuviññāṇasahagataṁ ekaṁ khandhaṁ paṭicca
dve khandhā dve khandhe paṭicca eko khandho. Namaggapaccayā
nahetupaccayasadisaṁ. Moho natthi. Navippayuttapaccayā paripuṇṇaṁ
arūpapañhameva.

Abhidhammapiṭake paṭṭhānaṁ dutiyo bhāgo (เล่ม 41)

[478] Nahetuyā dasa nādhipatiyā dasa napurejāte napacchājāte
Nāasevane nakamme navipāke dasa najhāne dve namagge dasa
navippayatte dasa. Paccanīyaṁ paripuṇṇaṁ kātabbaṁ.
Paccanīyaṁ.

Abhidhammapiṭake paṭṭhānaṁ dutiyo bhāgo (เล่ม 41)

[479] Hetupaccayā nādhipatiyā dasa ... Napurejāte dasa
napacchājāte nāasevane nakamme navipāke navippayutte dasa.
Anulomapaccanīyaṁ vitthārena gaṇetabbaṁ.
Anulomapaccanīyaṁ.

Abhidhammapiṭake paṭṭhānaṁ dutiyo bhāgo (เล่ม 41)

[480] Nahetupaccayā ārammaṇe dasa ... Anantare dasa
samanantare dasa sahajāte aññamaññe nissaye upanissaye purejāte
āsevane kamme vipāke āhāre indriye jhāne sabbe dasa.
Magge ekaṁ sampayutte dasa vippayutte atthiyā natthiyā vigate
avigate sabbe dasa.
Paccanīyānulomaṁ.
Paṭiccavāro.
Sahajātavāropi paccayavāropi nissayavāropi
saṁsaṭṭhavāropi sampayuttavāropi paṭiccavārasadisā.
Pañhāvāro

Abhidhammapiṭake paṭṭhānaṁ dutiyo bhāgo (เล่ม 41)

[481] Pītisahagato dhammo pītisahagatassa dhammassa hetupaccayena
paccayo pītisahagatā hetū sampayuttakānaṁ khandhānaṁ hetupaccayena
paccayo paṭisandhikkhaṇe pītisahagatā hetū sampayuttakānaṁ khandhānaṁ
Hetupaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[482] Pītisahagato dhammo sukhasahagatassa dhammassa hetupaccayena
paccayo pītisahagatā hetū sampayuttakānaṁ sukhasahagatānaṁ khandhānaṁ
hetupaccayena paccayo paṭisandhikkhaṇe ....

Abhidhammapiṭake paṭṭhānaṁ dutiyo bhāgo (เล่ม 41)

[483] Pītisahagato dhammo pītisahagatassa ca sukhasahagatassa ca
dhammassa hetupaccayena paccayo pītisahagatā hetū sampayuttakānaṁ
pītisahagatānañca sukhasahagatānañca khandhānaṁ hetupaccayena paccayo
paṭisandhikkhaṇe ....