พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[404] Avitakkavicāramatto dhammo avitakkavicāramattassa dhammassa
atthipaccayena paccayo avitakkavicāramatto eko khandho tiṇṇannaṁ
khandhānaṁ atthipaccayena paccayo dve khandhā dvinnaṁ khandhānaṁ
paṭisandhikkhaṇe ....

Abhidhammapiṭake paṭṭhānaṁ dutiyo bhāgo (เล่ม 41)

[405] Avitakkavicāramatto dhammo savitakkasavicārassa dhammassa
atthipaccayena paccayo vitakko savitakkasavicārānaṁ khandhānaṁ
atthipaccayena paccayo paṭisandhikkhaṇe ....

Abhidhammapiṭake paṭṭhānaṁ dutiyo bhāgo (เล่ม 41)

[406] Avitakkavicāramatto dhammo avitakkāvicārassa dhammassa
atthipaccayena paccayo sahajātaṁ pacchājātaṁ. Sahajātā: avitakkavicāramattā
khandhā ca vitakko ca cittasamuṭṭhānānaṁ rūpānaṁ atthipaccayena
paccayo paṭisandhikkhaṇe avitakkavicāramattā khandhā ca
vitakko ca kaṭattārūpānaṁ atthipaccayena paccayo. Pacchājātā:
avitakkavicāramattā khandhā ca vitakko ca purejātassa imassa kāyassa
atthipaccayena paccayo. Avitakkavicāramattamūlakā pañca pañhā
avasesā sahajātapaccayasadisā.

Abhidhammapiṭake paṭṭhānaṁ dutiyo bhāgo (เล่ม 41)

[407] Avitakkāvicāro dhammo avitakkāvicārassa dhammassa
atthipaccayena paccayo sahajātaṁ purejātaṁ pacchājātaṁ āhāraṁ
indriyaṁ. Sahajāto: avitakkāvicāro eko khandho tiṇṇannaṁ
khandhānaṁ cittasamuṭṭhānānañca rūpānaṁ atthipaccayena paccayo dve
Khandhā ... Vicāro cittasamuṭṭhānānaṁ rūpānaṁ atthipaccayena paccayo
paṭisandhikkhaṇe avitakkāvicāro eko khandho tiṇṇannaṁ khandhānaṁ
kaṭattā ca rūpānaṁ atthipaccayena paccayo khandhā vatthussa atthipaccayena
paccayo vatthu khandhānaṁ atthipaccayena paccayo vicāro
vatthussa atthipaccayena paccayo vatthu vicārassa atthipaccayena
paccayo ekaṁ mahābhūtaṁ tiṇṇannaṁ mahābhūtānaṁ atthipaccayena paccayo
mahābhūtā cittasamuṭṭhānānaṁ rūpānaṁ kaṭattārūpānaṁ upādārūpānaṁ atthipaccayena
paccayo bāhiraṁ ... Āhārasamuṭṭhānaṁ ... Utusamuṭṭhānaṁ ...
Asaññasattānaṁ ekaṁ mahābhūtaṁ tiṇṇannaṁ mahābhūtānaṁ mahābhūtā
kaṭattārūpānaṁ upādārūpānaṁ atthipaccayena paccayo. Purejātaṁ:
dibbena cakkhunā rūpaṁ passati dibbāya sotadhātuyā saddaṁ suṇāti
rūpāyatanaṁ cakkhuviññāṇassa phoṭṭhabbāyatanaṁ kāyaviññāṇassa atthipaccayena
paccayo cakkhāyatanaṁ cakkhuviññāṇassa kāyāyatanaṁ kāyaviññāṇassa
atthipaccayena paccayo vatthu avitakkāvicārānaṁ khandhānaṁ
vicārassa ca atthipaccayena paccayo. Pacchājātā: avitakkāvicārā
khandhā ca vicāro ca purejātassa imassa kāyassa atthipaccayena
paccayo. Kabaḷiṁkāro āhāro imassa kāyassa atthipaccayena
paccayo. Rūpajīvitindriyaṁ kaṭattārūpānaṁ atthipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[408] Avitakkāvicāro dhammo savitakkasavicārassa dhammassa
atthipaccayena paccayo sahajātaṁ purejātaṁ. Sahajātaṁ: paṭisandhikkhaṇe
Vatthu savitakkasavicārānaṁ khandhānaṁ atthipaccayena paccayo. Purejātaṁ:
cakkhuṁ aniccato dukkhato anattato vipassati assādeti
abhinandati taṁ ārabbha rāgo uppajjati domanassaṁ uppajjati
rūpe ... Sadde gandhe rase phoṭṭhabbe ... Vatthuṁ aniccato dukkhato
anattato vipassati ... Domanassaṁ uppajjati vatthu savitakkasavicārānaṁ
khandhānaṁ atthipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[409] Avitakkāvicāro dhammo avitakkavicāramattassa dhammassa
atthipaccayena paccayo sahajātaṁ purejātaṁ. Sahajāto: vicāro
avitakkavicāramattānaṁ khandhānaṁ atthipaccayena paccayo paṭisandhikkhaṇe
vicāro avitakkavicāramattānaṁ khandhānaṁ atthipaccayena paccayo paṭisandhikkhaṇe
vatthu avitakkavicāramattānaṁ khandhānaṁ vitakkassa ca atthipaccayena
paccayo. Purejātaṁ: cakkhuṁ aniccato dukkhato anattato
vipassati assādeti abhinandati taṁ ārabbha vitakko uppajjati
sotaṁ ... Ghānaṁ jivhaṁ kāyaṁ rūpe sadde gandhe rase phoṭṭhabbe ...
Vatthuṁ aniccato dukkhato anattato vipassati assādeti abhinandati
taṁ ārabbha vitakko uppajjati vatthu avitakkavicāramattānaṁ khandhānaṁ
vitakkassa ca atthipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[410] Avitakkāvicāro dhammo avitakkavicāramattassa ca
avitakkāvicārassa ca dhammassa atthipaccayena paccayo sahajātaṁ
purejātaṁ. Sahajāto: vicāro avitakkavicāramattānaṁ khandhānaṁ
Cittasamuṭṭhānānañca rūpānaṁ paṭisandhikkhaṇe vicāro avitakkavicāramattānaṁ
khandhānaṁ kaṭattā ca rūpānaṁ atthipaccayena paccayo
paṭisandhikkhaṇe vatthu avitakkavicāramattānaṁ khandhānaṁ atthipaccayena
paccayo. Purejātaṁ: vatthu avitakkavicāramattānaṁ khandhānaṁ
vicārassa ca atthipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[411] Avitakkāvicāro dhammo savitakkasavicārassa ca
avitakkavicāramattassa ca dhammassa atthipaccayena paccayo sahajātaṁ
purejātaṁ. Sahajātaṁ: paṭisandhikkhaṇe vatthu savitakkasavicārānaṁ
khandhānaṁ vitakkassa ca atthipaccayena paccayo. Purejātaṁ: cakkhuṁ
aniccato dukkhato anattato vipassati assādeti abhinandati taṁ
ārabbha savitakkasavicārā khandhā ca vitakko ca uppajjanti sotaṁ ...
Ghānaṁ jivhaṁ kāyaṁ ... Vatthuṁ aniccato dukkhato anattato vipassati
assādeti abhinandati taṁ ārabbha savitakkasavicārā khandhā ca
vitakko ca uppajjanti vatthu savitakkasavicārānaṁ khandhānaṁ vitakkassa ca
atthipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[412] Savitakkasavicāro ca avitakkāvicāro ca dhammā
savitakkasavicārassa dhammassa atthipaccayena paccayo sahajātaṁ
purejātaṁ. Sahajāto: savitakkasavicāro eko khandho ca vatthu ca
tiṇṇannaṁ khandhānaṁ atthipaccayena paccayo dve khandhā ca vatthu ca
dvinnaṁ khandhānaṁ atthipaccayena paccayo paṭisandhikkhaṇe savitakkasavicāro
Eko khandho ca vatthu ca tiṇṇannaṁ khandhānaṁ atthipaccayena
paccayo dve khandhā ca vatthu ca dvinnaṁ khandhānaṁ atthipaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[413] Savitakkasavicāro ca avitakkāvicāro ca dhammā
avitakkavicāramattassa dhammassa atthipaccayena paccayo sahajātaṁ
purejātaṁ. Sahajātā: savitakkasavicārā khandhā ca vatthu ca vitakkassa
atthipaccayena paccayo paṭisandhikkhaṇe savitakkasavicārā khandhā ca
vatthu ca vitakkassa atthipaccayena paccayo.