พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[394] Avitakkāvicāro dhammo avitakkāvicārassa dhammassa
vippayuttapaccayena paccayo sahajātaṁ purejātaṁ pacchājātaṁ. Sahajātā:
avitakkāvicārā khandhā cittasamuṭṭhānānaṁ rūpānaṁ vippayuttapaccayena
paccayo vicāro cittasamuṭṭhānānaṁ rūpānaṁ vippayuttapaccayena paccayo
paṭisandhikkhaṇe avitakkāvicārā khandhā kaṭattārūpānaṁ vippayuttapaccayena
paccayo vicāro kaṭattārūpānaṁ vippayuttapaccayena paccayo
khandhā vatthussa vippayuttapaccayena paccayo vatthu khandhānaṁ
vippayuttapaccayena paccayo vicāro vatthussa vippayuttapaccayena paccayo
vatthu vicārassa vippayuttapaccayena paccayo. Purejātaṁ: cakkhāyatanaṁ
cakkhuviññāṇassa vippayuttapaccayena paccayo kāyāyatanaṁ kāyaviññāṇassa
vippayuttapaccayena paccayo vatthu avitakkāvicārānaṁ
khandhānaṁ vicārassa ca vippayuttapaccayena paccayo. Pacchājātā:
avitakkāvicārā khandhā ca vicāro ca purejātassa imassa kāyassa
vippayuttapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[395] Avitakkāvicāro dhammo savitakkasavicārassa dhammassa
vippayuttapaccayena paccayo sahajātaṁ purejātaṁ. Sahajātaṁ: paṭisandhikkhaṇe
vatthu savitakkasavicārānaṁ khandhānaṁ vippayuttapaccayena paccayo.
Purejātaṁ: vatthu savitakkasavicārānaṁ khandhānaṁ vippayuttapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[396] Avitakkāvicāro dhammo avitakkavicāramattassa dhammassa
Vippayuttapaccayena paccayo sahajātaṁ purejātaṁ. Sahajātaṁ:
paṭisandhikkhaṇe vatthu avitakkavicāramattānaṁ khandhānaṁ vitakkassa ca
vippayuttapaccayena paccayo. Purejātaṁ: vatthu avitakkavicāramattānaṁ
khandhānaṁ vitakkassa ca vippayuttapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[397] Avitakkāvicāro dhammo avitakkavicāramattassa ca
avitakkāvicārassa ca dhammassa vippayuttapaccayena paccayo sahajātaṁ purejātaṁ.
Sahajātaṁ: paṭisandhikkhaṇe vatthu avitakkavicāramattānaṁ khandhānaṁ
vicārassa ca vippayuttapaccayena paccayo. Purejātaṁ: vatthu
avitakkavicāramattānaṁ khandhānaṁ vicārassa ca vippayuttapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[398] Avitakkāvicāro dhammo savitakkasavicārassa ca
avitakkavicāramattassa ca dhammassa vippayuttapaccayena paccayo sahajātaṁ
purejātaṁ. Sahajātaṁ: paṭisandhikkhaṇe vatthu savitakkasavicārānaṁ khandhānaṁ
vitakkassa ca vippayuttapaccayena paccayo. Purejātaṁ: vatthu
savitakkasavicārānaṁ khandhānaṁ vitakkassa ca vippayuttapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[399] Avitakkavicāramatto ca avitakkāvicāro ca dhammā
avitakkāvicārassa dhammassa vippayuttapaccayena paccayo sahajātaṁ
pacchājātaṁ. Sahajātā: avitakkavicāramattā khandhā ca vicāro ca
cittasamuṭṭhānānaṁ rūpānaṁ vippayuttapaccayena paccayo paṭisandhikkhaṇe
avitakkavicāramattā khandhā ca vicāro ca kaṭattārūpānaṁ vippayuttapaccayena
paccayo. Pacchājātā: avitakkavicāramattā khandhā ca
Vicāro ca purejātassa imassa kāyassa vippayuttapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[400] Savitakkasavicāro ca avitakkavicāramatto ca dhammā avitakka-
avicārassa dhammassa vippayuttapaccayena paccayo sahajātaṁ pacchājātaṁ.
Sahajātā: savitakkasavicārā khandhā ca vitakko ca cittasamuṭṭhānānaṁ
rūpānaṁ vippayuttapaccayena paccayo paṭisandhikkhaṇe
savitakkasavicārā khandhā ca vitakko ca kaṭattārūpānaṁ vippayuttapaccayena
paccayo. Pacchājātā: savitakkasavicārā khandhā ca
vitakko ca purejātassa imassa kāyassa vippayuttapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[401] Savitakkasavicāro dhammo savitakkasavicārassa dhammassa
atthipaccayena paccayo savitakkasavicāro eko khandho tiṇṇannaṁ
khandhānaṁ atthipaccayena paccayo dve khandhā ... Paṭisandhikkhaṇe ....

Abhidhammapiṭake paṭṭhānaṁ dutiyo bhāgo (เล่ม 41)

[402] Savitakkasavicāro dhammo avitakkavicāramattassa dhammassa
atthipaccayena paccayo savitakkasavicārā khandhā vitakkassa atthipaccayena
paccayo paṭisandhikkhaṇe ....

Abhidhammapiṭake paṭṭhānaṁ dutiyo bhāgo (เล่ม 41)

[403] Savitakkasavicāro dhammo avitakkāvicārassa dhammassa
atthipaccayena paccayo sahajātaṁ pacchājātaṁ. Sahajātā:
savitakkasavicārā khandhā cittasamuṭṭhānānaṁ rūpānaṁ atthipaccayena paccayo
paṭisandhikkhaṇe savitakkasavicārā khandhā kaṭattārūpānaṁ atthipaccayena
paccayo. Pacchājātā: savitakkasavicārā khandhā purejātassa
imassa kāyassa atthipaccayena paccayo. Savitakkasavicāramūlake
Avasesā pañhā sahajātapaccayasadisā.