[194] Savitakkasavicāro ca avitakkavicāramatto ca dhammā
avitakkavicāramattassa dhammassa anantarapaccayena paccayo purimā
Purimā savitakkasavicārā khandhā ca vitakko ca pacchimassa pacchimassa
vitakkassa anantarapaccayena paccayo savitakkasavicāraṁ cuticittañca
vitakko ca avitakkavicāramattassa upapatticittassa anantarapaccayena
paccayo savitakkasavicārā khandhā ca vitakko ca avitakkavicāramattassa
vuṭṭhānassa anantarapaccayena paccayo avitakkavicāramattassa
jhānassa parikammañca vitakko ca avitakkavicāramattassa
jhānassa anantarapaccayena paccayo gotrabhu ca vitakko ca
avitakkavicāramattassa maggassa vodānañca vitakko ca avitakkavicāramattassa
maggassa anulomañca vitakko ca avitakkavicāramattāya
phalasamāpattiyā anantarapaccayena paccayo.

[195] Savitakkasavicāro ca avitakkavicāramatto ca dhammā
avitakkāvicārassa dhammassa anantarapaccayena paccayo āvajjanā ca
vitakko ca pañcannaṁ viññāṇānaṁ anantarapaccayena paccayo
savitakkasavicāraṁ cuticittañca vitakko ca avitakkāvicārassa
upapatticittassa vicārassa ca anantarapaccayena paccayo savitakkasavicārā
khandhā ca vitakko ca avitakkāvicārassa vuṭṭhānassa ca vicārassa ca
anantarapaccayena paccayo dutiyassa jhānassa parikammañca vitakko ca
dutiyassa jhānassa ca vicārassa ca anantarapaccayena paccayo tatiyassa
jhānassa parikammañca vitakko ca catutthassa jhānassa parikammañca
vitakko ca ākāsānañcāyatanassa parikammañca vitakko ca
Viññāṇañcāyatanassa parikammañca vitakko ca ākiñcaññāyatanassa
parikammañca vitakko ca nevasaññānāsaññāyatanassa
parikammañca vitakko ca dibbassa cakkhussa parikammañca vitakko ca
dibbāya sotadhātuyā parikammañca vitakko ca iddhividhañāṇassa
parikammañca vitakko ca cetopariyañāṇassa parikammañca vitakko ca
pubbenivāsānussatiñāṇassa .pe. Yathākammūpagañāṇassa .pe.
Anāgataṁsañāṇassa parikammañca vitakko ca gotrabhu ca vitakko ca
avitakkāvicārassa maggassa ca vicārassa ca vodānañca vitakko ca
avitakkāvicārassa maggassa vicārassa ca anulomañca vitakko ca
avitakkāvicārāya phalasamāpattiyā vicārassa ca anantarapaccayena
paccayo.

[196] Savitakkasavicāro ca avitakkavicāramatto ca dhammā
avitakkavicāramattassa ca avitakkāvicārassa ca dhammassa
anantarapaccayena paccayo savitakkasavicāraṁ cuticittañca vitakko ca
avitakkavicāramattassa upapatticittassa ca vicārassa ca anantarapaccayena
paccayo savitakkasavicārā khandhā ca vitakko ca avitakkavicāramattassa
vuṭṭhānassa ca vicārassa ca anantarapaccayena paccayo
avitakkavicāramattassa jhānassa parikammañca vitakko ca avitakkavicāramattassa
jhānassa ca vicārassa ca anantarapaccayena paccayo
gotrabhu ca vitakko ca avitakkavicāramattassa maggassa ca
Vicārassa ca anantarapaccayena paccayo vodānañca vitakko ca
avitakkavicāramattassa maggassa ca vicārassa ca anulomañca
vitakko ca avitakkavicāramattāya phalasamāpattiyā ca vicārassa ca
anantarapaccayena paccayo.

[197] Savitakkasavicāro ca avitakkavicāramatto ca dhammā
savitakkasavicārassa ca avitakkavicāramattassa ca dhammassa
anantarapaccayena paccayo purimā purimā savitakkasavicārā khandhā ca
vitakko ca pacchimānaṁ pacchimānaṁ savitakkasavicārānaṁ khandhānaṁ
vitakkassa ca anantarapaccayena paccayo anulomañca vitakko ca
gotrabhussa ca vitakkassa ca anulomañca vitakko ca vodānassa ca
vitakkassa ca gotrabhu ca vitakko ca savitakkasavicārassa ca
maggassa ca vitakkassa ca vodānañca vitakko ca savitakkasavicārassa
maggassa ca vitakkassa ca anantarapaccayena paccayo
savitakkasavicāro maggo ca vitakko ca savitakkasavicārassa phalassa ca
vitakkassa ca savitakkasavicāraṁ phalañca vitakko ca savitakkasavicārassa
phalassa ca vitakkassa ca anulomañca vitakko ca savitakkasavicārāya
phalasamāpattiyā ca vitakkassa ca anantarapaccayena paccayo.

[198] Savitakkasavicāro dhammo savitakkasavicārassa dhammassa
samanantarapaccayena paccayo. Anantarapaccayopi samanantarapaccayopi
sadiso.

[199] Savitakkasavicāro dhammo savitakkasavicārassa dhammassa
sahajātapaccayena paccayo savitakkasavicāro eko khandho tiṇṇannaṁ
khandhānaṁ sahajātapaccayena paccayo tayo khandhā ekassa khandhassa
sahajātapaccayena paccayo dve khandhā dvinnaṁ khandhānaṁ
sahajātapaccayena paccayo paṭisandhikkhaṇe savitakkasavicāro eko
khandho tiṇṇannaṁ khandhānaṁ dve khandhā dvinnaṁ khandhānaṁ.

[200] Savitakkasavicāro dhammo avitakkavicāramattassa dhammassa
sahajātapaccayena paccayo savitakkasavicārā khandhā vitakkassa
sahajātapaccayena paccayo paṭisandhikkhaṇe ....

[201] Savitakkasavicāro dhammo avitakkāvicārassa dhammassa
sahajātapaccayena paccayo savitakkasavicārā khandhā cittasamuṭṭhānānaṁ
rūpānaṁ sahajātapaccayena paccayo paṭisandhikkhaṇe kaṭattārūpānaṁ.

[202] Savitakkasavicāro dhammo savitakkasavicārassa ca
avitakkāvicārassa ca dhammassa sahajātapaccayena paccayo
savitakkasavicāro eko khandho tiṇṇannaṁ khandhānaṁ cittasamuṭṭhānānañca
rūpānaṁ sahajātapaccayena paccayo dve khandhā dvinnaṁ khandhānaṁ
cittasamuṭṭhānānañca rūpānaṁ sahajātapaccayena paccayo paṭisandhikkhaṇe.
Saṅkhittaṁ.

[203] Savitakkasavicāro dhammo avitakkavicāramattassa ca
avitakkāvicārassa ca dhammassa sahajātapaccayena paccayo savitakkasavicārā
Khandhā vitakkassa ca cittasamuṭṭhānānañca rūpānaṁ
sahajātapaccayena paccayo paṭisandhikkhaṇe ....