[174] Savitakkasavicāro dhammo avitakkavicāramattassa dhammassa
anantarapaccayena paccayo purimā purimā savitakkasavicārā khandhā
pacchimassa pacchimassa vitakkassa anantarapaccayena paccayo
savitakkasavicāraṁ cuticittaṁ avitakkavicāramattassa upapatticittassa
savitakkasavicārā khandhā avitakkavicāramattassa vuṭṭhānassa vitakkassa ca
avitakkavicāramattassa jhānassa parikammaṁ avitakkavicāramattassa jhānassa
gotrabhu avitakkavicāramattassa maggassa vodānaṁ avitakkavicāramattassa
maggassa anulomaṁ avitakkavicāramattāya phalasamāpattiyā
vitakkassa ca anantarapaccayena paccayo.

[175] Savitakkasavicāro dhammo avitakkāvicārassa dhammassa
anantarapaccayena paccayo āvajjanā pañcannaṁ viññāṇānaṁ
Anantarapaccayena paccayo savitakkasavicāraṁ cuticittaṁ avitakkāvicārassa
upapatticittassa vicārassa ca anantarapaccayena paccayo savitakkasavicārā
khandhā avitakkāvicārassa vuṭṭhānassa vicārassa ca dutiyassa
jhānassa parikammaṁ dutiye jhāne vicārassa anantarapaccayena paccayo
tatiyassa jhānassa parikammaṁ ... Catutthassa jhānassa parikammaṁ ...
Ākāsānañcāyatanassa parikammaṁ ... Viññāṇañcāyatanassa parikammaṁ ...
Ākiñcaññāyatanassa parikammaṁ ... Nevasaññānāsaññāyatanassa
parikammaṁ ... Dibbassa cakkhussa parikammaṁ ... Dibbāya sotadhātuyā
parikammaṁ ... Iddhividhañāṇassa parikammaṁ ... Cetopariyañāṇassa parikammaṁ
pubbenivāsānussatiñāṇassa yathākammūpagañāṇassa anāgataṁsañāṇassa
parikammaṁ ... Gotrabhu avitakkāvicārassa maggassa vicārassa ca
vodānaṁ avitakkāvicārassa maggassa vicārassa ca anulomaṁ avitakkāvicārāya
phalasamāpattiyā vicārassa ca anantarapaccayena paccayo.

[176] Savitakkasavicāro dhammo avitakkavicāramattassa ca
avitakkāvicārassa ca dhammassa anantarapaccayena paccayo savitakkasavicāraṁ
cuticittaṁ avitakkavicāramattassa upapatticittassa vicārassa ca
anantarapaccayena paccayo savitakkasavicārā khandhā avitakkavicāramattassa
vuṭṭhānassa vicārassa ca anantarapaccayena paccayo
avitakkavicāramattassa jhānassa parikammaṁ avitakkavicāramattassa
jhānassa vicārassa ca anantarapaccayena paccayo gotrabhu avitakkavicāramattassa
Maggassa vicārassa ca vodānaṁ avitakkavicāramattassa
maggassa vicārassa ca anulomaṁ avitakkavicāramattāya phalasamāpattiyā
vicārassa ca anantarapaccayena paccayo.

[177] Savitakkasavicāro dhammo savitakkasavicārassa ca
avitakkavicāramattassa ca dhammassa anantarapaccayena paccayo purimā
purimā savitakkasavicārā khandhā pacchimānaṁ pacchimānaṁ savitakkasavicārānaṁ
khandhānaṁ vitakkassa ca anantarapaccayena paccayo anulomaṁ
gotrabhussa vitakkassa ca anulomaṁ vodānassa vitakkassa ca gotrabhu
savitakkasavicārassa maggassa vitakkassa ca vodānaṁ savitakkasavicārassa
maggassa vitakkassa ca savitakkasavicāro maggo savitakkasavicārassa
phalassa vitakkassa ca savitakkasavicāraṁ phalaṁ savitakkasavicārassa phalassa
vitakkassa ca anulomaṁ savitakkasavicārāya phalasamāpattiyā
vitakkassa ca anantarapaccayena paccayo.

[178] Avitakkavicāramatto dhammo avitakkavicāramattassa
dhammassa anantarapaccayena paccayo purimo purimo vitakko pacchimassa
pacchimassa vitakkassa anantarapaccayena paccayo purimā purimā
avitakkavicāramattā khandhā pacchimānaṁ pacchimānaṁ avitakkavicāramattānaṁ
khandhānaṁ anantarapaccayena paccayo avitakkavicāramatto maggo
avitakkavicāramattassa phalassa avitakkavicāramattaṁ phalaṁ avitakkavicāramattassa
phalassa anantarapaccayena paccayo.

[179] Avitakkavicāramatto dhammo savitakkasavicārassa dhammassa
anantarapaccayena paccayo purimo purimo vitakko pacchimānaṁ
pacchimānaṁ savitakkasavicārānaṁ khandhānaṁ anantarapaccayena paccayo
avitakkavicāramattaṁ cuticittaṁ savitakkasavicārassa upapatticittassa
anantarapaccayena paccayo avitakkavicāramattaṁ bhavaṅgaṁ āvajjanāya
anantarapaccayena paccayo avitakkavicāramattā khandhā savitakkasavicārassa
vuṭṭhānassa anantarapaccayena paccayo.

[180] Avitakkavicāramatto dhammo avitakkāvicārassa dhammassa
anantarapaccayena paccayo purimā purimā avitakkavicāramattā khandhā
pacchimassa pacchimassa vicārassa anantarapaccayena paccayo
avitakkavicāramattaṁ cuticittaṁ vitakko ca avitakkāvicārassa
upapatticittassa vicārassa ca anantarapaccayena paccayo avitakkavicāramattā
khandhā vitakko ca avitakkāvicārassa vuṭṭhānassa vicārassa ca
anantarapaccayena paccayo .pe.

[181] Avitakkavicāramatto dhammo avitakkavicāramattassa ca
avitakkāvicārassa ca dhammassa anantarapaccayena paccayo purimā
purimā avitakkavicāramattā khandhā pacchimānaṁ pacchimānaṁ
avitakkavicāramattānaṁ khandhānaṁ vicārassa ca anantarapaccayena paccayo
avitakkavicāramatto maggo avitakkavicāramattassa phalassa vicārassa ca
avitakkavicāramattaṁ phalaṁ avitakkavicāramattassa phalassa vicārassa ca
Anantarapaccayena paccayo.

[182] Avitakkavicāramatto dhammo savitakkasavicārassa ca
avitakkavicāramattassa ca dhammassa anantarapaccayena paccayo purimo
purimo vitakko pacchimānaṁ pacchimānaṁ savitakkasavicārānaṁ khandhānaṁ
vitakkassa ca anantarapaccayena paccayo avitakkavicāramattaṁ
cuticittaṁ savitakkasavicārassa upapatticittassa vitakkassa ca
anantarapaccayena paccayo avitakkavicāramattaṁ bhavaṅgaṁ āvajjanāya
vitakkassa ca anantarapaccayena paccayo avitakkavicāramattā khandhā
savitakkasavicārassa vuṭṭhānassa vitakkassa ca anantarapaccayena paccayo.

[183] Avitakkāvicāro dhammo avitakkāvicārassa dhammassa
anantarapaccayena paccayo purimo purimo vicāro pacchimassa
pacchimassa vicārassa anantarapaccayena paccayo .pe. Purimā purimā
avitakkāvicārā khandhā pacchimānaṁ pacchimānaṁ avitakkāvicārānaṁ
khandhānaṁ anantarapaccayena paccayo avitakkāvicāro maggo
avitakkāvicārassa phalassa avitakkāvicāraṁ phalaṁ avitakkāvicārassa
phalassa anantarapaccayena paccayo nirodhā vuṭṭhahantassa
nevasaññānāsaññāyatanaṁ avitakkāvicārāya phalasamāpattiyā vicārassa
ca anantarapaccayena paccayo.