พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ paṭhamo bhāgo (เล่ม 40)

[1662] Asaṅkiliṭṭhāsaṅkilesikaṁ dhammaṁ paṭicca asaṅkiliṭṭhāsaṅkilesiko
dhammo uppajjati hetupaccayā asaṅkiliṭṭhāsaṅkilesikaṁ
ekaṁ khandhaṁ paṭicca tayo khandhā dve khandhe paṭicca dve khandhā
asaṅkiliṭṭhāsaṅkilesikaṁ dhammaṁ paṭicca asaṅkiliṭṭhasaṅkilesiko dhammo
uppajjati hetupaccayā asaṅkiliṭṭhāsaṅkilesike khandhe paṭicca cittasamuṭṭhānaṁ
rūpaṁ. Asaṅkiliṭṭhāsaṅkilesikaṁ dhammaṁ paṭicca asaṅkiliṭṭhasaṅkilesiko
ca asaṅkiliṭṭhāsaṅkilesiko ca dhammā uppajjanti hetupaccayā
asaṅkiliṭṭhāsaṅkilesikaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe paṭicca dve khandhā cittasamuṭṭhānañca
rūpaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1663] Asaṅkiliṭṭhasaṅkilesikañca asaṅkiliṭṭhāsaṅkilesikañca
dhammaṁ paṭicca asaṅkiliṭṭhasaṅkilesiko dhammo uppajjati hetupaccayā
asaṅkiliṭṭhāsaṅkilesike khandhe ca mahābhūte ca paṭicca cittasamuṭṭhānaṁ
rūpaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1664] Saṅkiliṭṭhasaṅkilesikañca asaṅkiliṭṭhasaṅkilesikañca dhammaṁ
paṭicca asaṅkiliṭṭhasaṅkilesiko dhammo uppajjati hetupaccayā
saṅkiliṭṭhasaṅkilesike khandhe ca mahābhūte ca paṭicca cittasamuṭṭhānaṁ
rūpaṁ. Saṅkhittaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1665] Hetuyā nava ārammaṇe tīṇi. Saṅkhittaṁ. Vipāke
pañca avigate nava. Yathā kusalattike vibhattaṁ evaṁ vibhajitabbaṁ.

Abhidhammapiṭake paṭṭhānaṁ paṭhamo bhāgo (เล่ม 40)

[1666] Saṅkiliṭṭhasaṅkilesikaṁ dhammaṁ paṭicca saṅkiliṭṭhasaṅkilesiko
dhammo uppajjati nahetupaccayā vicikicchāsahagate uddhaccasahagate
khandhe paṭicca vicikicchāsahagato uddhaccasahagato moho.

Abhidhammapiṭake paṭṭhānaṁ paṭhamo bhāgo (เล่ม 40)

[1667] Asaṅkiliṭṭhasaṅkilesikaṁ dhammaṁ paṭicca asaṅkiliṭṭhasaṅkilesiko
dhammo uppajjati nahetupaccayā ahetukaṁ asaṅkiliṭṭhasaṅkilesikaṁ
ekaṁ khandhaṁ paṭicca tayo khandhā cittasamuṭṭhānañca rūpaṁ
ahetukapaṭisandhikkhaṇe asaññasattānaṁ ekaṁ mahābhūtaṁ .... Saṅkhittaṁ.
Yathā kusalattike vibhattaṁ evaṁ vibhajitabbaṁ.
Nahetuyā dve nāarammaṇe pañca nādhipatiyā cha. Saṅkhittaṁ.
Hetupaccayā nāarammaṇe pañca. Saṅkhittaṁ.
Nahetupaccayā ārammaṇe dve. Saṅkhittaṁ.
Sahajātavāropi paccayanissayasaṁsaṭṭhasampayuttavāropi
vitthāretabbo.
Pañhāvāro

Abhidhammapiṭake paṭṭhānaṁ paṭhamo bhāgo (เล่ม 40)

[1668] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa hetupaccayena paccayo saṅkiliṭṭhasaṅkilesikā hetū sampayuttakānaṁ
khandhānaṁ hetupaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1669] Saṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa hetupaccayena paccayo saṅkiliṭṭhasaṅkilesikā hetū cittasamuṭṭhānānaṁ
rūpānaṁ hetupaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1670] Saṅkiliṭṭhasaṅkilesiko dhammo saṅkiliṭṭhasaṅkilesikassa ca
asaṅkiliṭṭhasaṅkilesikassa ca dhammassa hetupaccayena paccayo
saṅkiliṭṭhasaṅkilesikā hetū sampayuttakānaṁ khandhānaṁ cittasamuṭṭhānānañca
rūpānaṁ hetupaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1671] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa hetupaccayena paccayo asaṅkiliṭṭhasaṅkilesikā hetū sampayuttakānaṁ
khandhānaṁ cittasamuṭṭhānānañca rūpānaṁ hetupaccayena paccayo
paṭisandhikkhaṇe asaṅkiliṭṭhasaṅkilesikā hetū sampayuttakānaṁ khandhānaṁ
kaṭattā ca rūpānaṁ hetupaccayena paccayo.